விளையாட்டு செய்திகள்

Discussion in 'Non Fiction' started by NATHIYAMOHANRAJA, Mar 23, 2020.

  1. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா எதிரொலி: ஓர் ஆண்டு தள்ளி வைக்கப்படும் ஒலிம்பிக்?

    ஒலிம்பிக்கை ஒத்திவைப்பது பற்றி 4 வாரங்களில் முடிவு செய்யப்படும் என சர்வதேச ஒலிம்பிக் கமிட்டி தகவல்.



    நான்கு ஆண்டுகளுக்கு ஒருமுறை நடைபெறும் ஒலிம்பிக் போட்டிகள் இந்த முறை ஜப்பானில் நடைபெற உள்ளது. ஜூலை மாதம் டோக்கியோவில் ஒலிம்பிக் போட்டிகள் தொடங்க உள்ள நிலையில் தற்போது கொரோனா பரவி வருவதால் ஒலிம்பிக் போட்டிகள் ரத்து செய்யப்படலாம் என எதிர்பார்க்கப்பட்டது.

    ஆனால் கொரோனாவை தாண்டியும் ஒலிம்பிக் பணிகள் தொடர்ந்து நடைபெற்று கொண்டிருந்தன. கிரீஸ் நாட்டிலிருந்து ஒலிம்பிக் ஜோதி கொண்டு வரப்பட்டு ஜப்பானில் ஏற்றப்பட்டிருக்கிறது. ஒலிம்பிக் போட்டிகள் தொடங்கும் முன்னர் கொரோனா வைரஸ் கட்டுக்குள் வந்துவிடும் என நம்புவதாய் ஜப்பான் ஒலிம்பிக் நிர்வாக குழு அதிகாரிகள் நம்பிக்கை தெரிவித்து வந்தனர்.

    இந்நிலையில் டோக்கியோ ஒலிம்பிக் போட்டி திட்டமிட்டபடி ஜூலையில் நடப்பது சந்தகமே என ஆஸ்திரேலிய ஒலிம்பிக் கமிட்டி தெரிவித்துள்ளது. மேலும், 2021 ஆம் ஆண்டு நடைபெறும் போட்டிகளுக்கு தயாராகும்படி தங்களது வீரர்களுக்கு ஆஸ்திரேலிய அதிகாரிகள் அறிவுறுத்த்தியுள்ளதாகவும் தெரிகிறது.

    அப்படியானல் ஒலிம்பிக் அடுத்த ஆண்டு தான் நடத்தப்படுமா என்ற சந்தேகமும் எழுந்துள்ளது. ஆனால், ஒலிம்பிக்கை ஒத்திவைப்பது பற்றி 4 வாரங்களில் முடிவு செய்யப்படும் என சர்வதேச ஒலிம்பிக் கமிட்டி அறிவிப்பு ஒன்றை வெளியிட்டுள்ளது.
     
  2. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    அர்ஜெண்டினா, இத்தாலி கால்பந்து வீரர்களுக்கு கொரோனா!

    உலகம் முழுவதும் மக்களை பலி கொண்டு வரும் கொரோனா வைரஸ் கால்பந்து வீரர்களையும் தாக்கியுள்ள சம்பவம் அதிர்ச்சியை ஏற்படுத்தியுள்ளது.


    கொரோனா வைரஸால் உலகம் முழுவதும் பல்லாயிரக்கணக்கான உயிர்களை பலி கொண்டுள்ளது. லட்சக்கணக்கான மக்கள் கொரோனாவால் பாதிக்கப்பட்டுள்ளனர். ஆரம்பத்தில் சீனாவில் வேகமாக கொரோனா பரவி வந்தாலும் கொஞ்சம் கொஞ்சமாக அது கட்டுக்குள் கொண்டு வரப்பட்டது. ஆனால் இத்தாலியில் நிலைமை மிக சிக்கலாகியுள்ளது. கடந்த மூன்று மாதத்தில் சீனாவில் ஏற்பட்ட உயிரிழப்புகளை காட்டிலும் அதிகமான உயிரிழப்புகளை கடந்த ஒரு மாத காலத்திற்குள் சந்தித்துள்ளது இத்தாலி.

    இத்தாலி மக்களை கொன்று குவித்து வரும் இந்த வைரஸுக்கு இத்தாலிய கால்பந்து வீரர்கள் மட்டுமல்லாது அர்ஜெண்டினா கால்பந்து வீரர்களும் சிக்கியுள்ளனர். பிரபல அர்ஜெண்டினா வீரர் பவுலா டைபாலா கொரோனாவால் பாதிக்கப்பட்டுள்ளார். இதுகுறித்து தனது இன்ஸ்டாக்ராமில் பதிவிட்டவர் தனக்கும், தனது காதலிக்கும் கொரோனா இருப்பதாக தெரிவித்துள்ளார்.

    இத்தாலி கால்பந்து அணியின் முன்னாள் கேப்டன் ஏ.சி.மிலன் மற்றும் அணியின் தொழில்நுட்ப தலைவர் பாலோ மல்டினி அவரது மகன் என பலருக்கும் கொரோனா இருப்பது உறுதியாகியுள்ளது. இதனால் அவர்களோடு தொடர்பில் இருந்த சக வீரர்களும் தொடர் கண்காணிப்பில் உள்ளனர்.
     
  3. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    ஐபிஎல் நடக்குமா? நடக்காதா? – நாளை மறுநாள் ஆலோசனை

    கொரோனா வைரஸால் நாடு முடங்கி கிடக்கும் சூழலில் ஐபிஎல் போட்டிகள் நடத்தலாமா என்பது குறித்து நாளை மறுநாள் ஐபிஎல் கவுன்சில் கூட்டத்தில் முடிவெடுக்கப்பட இருப்பதாக கூறப்படுகிறது.


    நாடு முழுவதும் கொரோனா வைரஸ் தடுப்பு நடவடிக்கையாக பொதுமக்கள் கூடும் இடங்களான தியேட்டர்கள், வணிக வளாகங்கள் மூடப்பட்டுள்ளன. உலகளாவிய போட்டிகள் பலவும் ரத்து செய்யப்பட்டுள்ளன. ஆனால் ஒலிம்பிக் போட்டிகள் மட்டும் நடத்துவதற்கான பணிகள் தொடர்ந்து நடைபெற்று வருகின்றன.

    இந்நிலையில் ஐபிஎல் போட்டிகளையும் நடத்தலாமா என்பது குறித்து ஐபிஎல் அணி உரிமையாளர்கள் மற்றும் கவுன்சில் ஆலோசனை கூட்டம் நாளை மறுநாள் நடைபெற இருக்கிறது. கொரோனா பாதிப்புகளால் தேதி ஒத்திவைக்கப்பட்டுள்ள நிலையில் விரைவில் உலகளாவிய கிரிக்கெட் போட்டிகள் நடைபெற இருப்பதால், அந்த சமயத்தில் ஐபிஎல் நடத்துவது மற்ற நாட்டு வீரர்களுக்கு பாதிப்பை ஏற்படுத்தும் என கூறப்படுகிறது.

    போட்டிகளை ரத்து செய்வதால் பெரும் பணம் விரயமாகும் என்பதால் எந்த தேதியில் நடத்துவது என தீர்மானிப்பதற்காக இந்த கூட்டம் நடைபெற இருப்பதாகவும் கூறப்படுகிறது.
     
  4. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    என்னா மனுசன்யா! சரக்கை நிறுத்தி சானிட்டைசர் செய்ய தொடங்கிய வார்னே!

    உலகம் முழுவதும் கொரோனாவுக்கு எதிரான போராட்டம் தீவிரமடைந்துள்ள நிலையில் தனது மது ஆலையில் ‘ஜின்’ தயாரிப்பதை விடுத்து சானிட்டைசர் தயாரிக்க தொடங்கியுள்ளார் ஆஸ்திரேலிய கிரிக்கெட் வீரர் ஷேன் வார்னே.

    கொரோனா பாதிப்பிலிருந்து காத்துக்கொள்ள கை, கால்களை சானிட்டைசர் அல்லது ஆல்கஹால் கலந்த சோப் பயன்படுத்தி சுத்தம் செய்ய வேண்டும் என உலக சுகாதார அமைப்பு முதற்கொண்டு மருத்துவ நிபுணர்கள் வரை அனைவரும் வலியுறுத்தி வருகின்றனர்.

    ஆஸ்திரேலியாவில் கொரோனா பாதிப்பு அதிகமாகியுள்ள சூழலில் சானிட்டைசருக்கு கடும் தட்டுப்பாடு நிலவுகிறது. இதனால் பல இடங்களில் சானிட்டைசர் விலை அதிகமாக விற்கும் சூழல் ஏற்பட்டுள்ளது. இந்நிலையில் முன்னாள் ஆஸ்திரேலிய கிரிக்கெட் வீரர் ஷேன் வார்னே தனது மதுபான ஆலையில் ‘ஜின்’ பானத்தை தயாரிப்பதற்கு பதிலாக மக்களுக்கு அவசிய தேவையாக உள்ள சானிட்டைசரை தயாரிக்க தொடங்கியுள்ளார்.

    கொரோனா வைரஸ் தீவிரமடைந்துள்ளதை தொடர்ந்து சானிட்டைசர்கள் தயாரிக்க உள்ளூர் நிறுவனங்களுக்கு ஆஸ்திரேலிய பிரதமர் விடுத்த அழைப்பின் பேரில் ஷேன் வார்னேவின் நிறுவனமும் சானிட்டைசர் தயாரிப்பில் ஈடுபட்டுள்ளது குறிப்பிடத்தக்கது.

    இதுகுறித்து பேசிய ஷேன் வார்னே “ஆஸ்திரேலியா தற்போது மிகப்பெரும் சவாலை எதிர்கொண்டு வருகிறது. சுகாதாரத்துறைக்கு உதவும் வகையில் இந்த முயற்சி மேற்கொண்டுள்ளோம்” என கூறியுள்ளார்.
     
  5. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    மஞ்சரேக்கருக்கு அறிவுரை வழங்கி இருக்கலாம் – முன்னாள் வீரர் ஆதரவு !

    சஞ்சய் மஞ்சரேக்கருக்கு அறிவுரை மட்டும் வழங்கி அவரை பணியை விட்டு நீக்காமல் இருந்திருக்கலாம் என முன்னாள் வீரர் சந்திரசேகர் பண்டிட் தெரிவித்துள்ளார்.

    இந்திய அணியின் முன்னாள் வீரரான சஞ்சய் மஞ்சரேக்கர் பிசிசிஐ வர்ணனையாளர்கள் குழுவில் ஒருவராக இருந்து வந்தார். இந்நிலையில் அவரை திடீரென பிசிசிஐ அந்த குழுவில் இருந்து நீக்கியுள்ளது. இது சம்மந்தமாக சிஎஸ்கே அணி ட்விட்டரில் ‘இனிமேல் இந்த துண்டு துணுக்கோட வர்ணனையைக் கேட்க வேண்டிய தேவையிருக்காது’ எனத் தெரிவித்து ஒரு டிவிட்டை போட்டுள்ளது. இதை சி எஸ் கே ரசிகர்கள் பலரும் டிவிட் செய்து கொண்டாடி வருகின்றனர்.


    ஐபிஎல் போட்டிகளின் வர்ணனையின் போது அவர் மும்பை இந்தியன்ஸ் அணியைத் தூக்கியும் மற்ற அணிகளை மட்டம் தட்டி பேசுவதாக மஞ்சரேக்கர் மேல் குற்றச்சாட்டு உண்டு. மேலும் அவர் சி எஸ் கே அணியின் ஆல்ரவுண்டர் ஜடேஜாவை துண்டு துக்கடா வீரர் என சொல்லி கேலி செய்தார் என்பதும் குறிப்பிடத்தக்கது. இப்போது அதே பாணியில் சிஎஸ்கே அவரைக் கலாய்ததது.


    இந்நிலையில் முன்னாள் வீரரான சந்திரசேகர் ‘ஒரு வர்ணனையாளராக மஞ்சரேக்கர் பேசும் சில வார்த்தைகள் யாருக்காவது பிடிக்காமல் போயிருக்கலாம். தனது வேலையைக் காப்பாற்றிக் கொள்வதற்காக, எல்லோரையும் மகிழ்ச்சிப்படுத்தும் விதத்தில் அவரால் பேச முடியாது. மஞ்ச்ரேக்கர் விஷயத்தில் பி.சி.சி.ஐ 'அட்வைஸ்' செய்தால் போதும், வர்ணனை பணியில் இருந்து நீக்கியிருக்க வேண்டாம். தனது முடிவை மறுபரீசலை செய்யவேண்டும்’ எனக் கூறியுள்ளார்.
     
  6. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    IND vs SA ரத்து: தென் ஆப்பிரிக்கா கிரிக்கெட் போர்டு பிசிசிஐ-க்கு நன்றி!

    வீரர்களை நாடு திரும்ப அனுமதித்தமைக்கு தென் ஆப்பிரிக்கா கிரிக்கெட் போர்டு இந்திய கிரிக்கெட் வாரியத்திற்கு நன்றி தெரிவித்துள்ளது.

    தென் ஆப்பிரிக்கா கிரிக்கெட் அணி இந்தியாவில் சுற்றுப்பயணம் செய்து 3 ஒருநாள் போட்டிகளில் விளையாட திட்டமிட்டது. இதனை அடுத்து சமீபத்தில் இமாச்சலப் பிரதேச மாநிலத்தில் உள்ள தர்மசாலாவில் முதல் ஒருநாள் போட்டி நடக்க திட்டமிடப்பட்டு இருந்தது. ஆனால் மழை காரணமாக இந்த போட்டியில் ரத்து செய்யப்பட்டது.

    இதனைத்தொடர்ந்து இந்தியா மற்றும் தென் ஆப்பிரிக்க அணிகளுக்கு இடையிலான இரண்டாவது ஒருநாள் போட்டி மார்ச் 15 ஆம் தேதி லக்னோவிலும், மூன்றாவது ஒருநாள் போட்டி மார்ச் 18 ஆம் தேதி கொல்கத்தாவிலும் நடப்பதாக இருந்தது.

    ஆனால், இந்தியாவில் கொரோனா வைரஸ் தொற்று அபாயம் அதிகரித்ததால் ஒருநாள் கிரிக்கெட் போட்டிகள் ரத்து செய்யப்படுவதாக அதிகாரபூர்வமாக அறிவிக்கப்பட்டது. எனவே, தென் ஆப்பிரிக்கா கிரிக்கெட் வீரர்கள் நாடு திரும்பினர்.

    இந்நிலையில், தென் ஆப்பிரிக்கா கிரிக்கெட் போர்டு தற்போது இந்திய கிரிக்கெட் வாரியத்திற்கு நன்றி தெரிவித்துள்ளது. இது குறித்து தென் ஆப்பிரிக்கா கிரிக்கெட் போர்டின் இடைக்கால தலைமை நிர்வாகி ஜேக்யூஸ் ஃபால் தெரிவித்துள்ளதாவது...

    எங்களது வீரர்களை உடனடியாக நாடு திரும்ப அனுமதித்த பிசிசிஐ-க்கு நன்றி. இந்த முடிவை எடுப்பது அவ்வளது எளிதல்ல. இதனால் இந்தியாவுக்கு மிகப்பெரிய நிதி இழப்பு ஏற்பட்டிருக்கும். கடினமான சூழ்நிலையை புரிந்து கொண்டதற்கு நன்றி என தெரிவித்துள்ளார்.
     
  7. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    பிரபல கால்பந்து வீரர் திடீர் மரணம் – ஆரோன் ஃபின்ச் இரங்கல்!

    இங்கிலாந்தின் பிரபல கால்பந்து வீரர் தலையில் அடிப்பட்டு இறந்த சம்பவம் இங்கிலாந்து கால்பந்து ரசிகர்களை அதிர்ச்சியில் ஆழ்த்தியுள்ளது.

    இங்கிலாந்தின் வேல்ஸ் பிராந்தியத்தின் ப்ளூபேர்ட்ஸ் கால்பந்து அணியின் மிகச்சிறந்த வீரர் பீட்டர் விட்டிங்ஹாம். இங்கிலாந்து கால்பந்து போட்டிகளில் 450க்கும் மேற்பட்ட ஆட்டங்களில் கலந்து கொண்டு 98 கோல்களை அடித்துள்ளார் பீட்டர்.

    2007ல் ப்ளூபேர்ட்ஸ் அணியில் இணைந்த இவர் 2008 எஃப்.ஏ கோப்பை மற்றும் 2012 கார்லிங் கோப்பை போன்றவற்றில் பல கோல்களை அடித்து சாதனை படைத்தார்.

    கடந்த 7ம் தேதி அன்று க்ளப் ஒன்றிற்கு சென்று திரும்பிய போது எதிர்பாராமல் நடந்த விபத்தில் தலையில் பலமாக அடிப்பட்ட பீட்டர் மருத்துவமனையில் அனுமதிக்கப்பட்டார். கடந்த நாட்கள் முழுவதும் தீவிர சிகிச்சை அளிக்கப்பட்டும் சிகிச்சை பலனின்றி பீட்டர் இறந்துள்ளார்.

    அவரது இறப்பு இங்கிலாந்து கால்பந்து ரசிகர்களுக்கு பெரும் துயரத்தை ஏற்படுத்தியுள்ளது. பிரபல கால்பந்து வீரர் ஆரோன் ஃபின்ச் இன்ஸ்டாகிராம் மூலம் பீட்டரின் இறப்புக்கு இரங்கலை தெரிவித்துள்ளார். தான் கண்ட வீரர்களில் மிகவும் சிறந்தவர் பீட்டர் என அவர் குறிப்பிட்டுள்ளார்.
     
  8. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    திட்டமிட்டபடி ஒலிம்பிக் நடக்கும் : ஒலிம்பிக் சங்கம் நம்பிக்கை!

    கொரோனா பாதிப்பு இருக்கும் நிலையிலும் ஒலிம்பிக் போட்டிகள் திட்டமிட்டபடி நடக்கும் என இந்திய ஒலிம்பிக் சங்கம் நம்பிக்கை தெரிவித்துள்ளது.


    நான்கு ஆண்டுகளுக்கு ஒருமுறை நடைபெறும் ஒலிம்பிக் போட்டிகள் இந்த முறை ஜப்பானில் நடைபெற உள்ளது. ஜூன் மாதம் டோக்கியோவில் ஒலிம்பிக் போட்டிகள் தொடங்க உள்ள நிலையில் தற்போது கொரோனா பரவி வருவதால் ஒலிம்பிக் போட்டிகள் ரத்து செய்யப்படலாம் என எதிர்பார்க்கப்பட்டது.

    ஆனால் கொரோனாவை தாண்டியும் ஒலிம்பிக் பணிகள் தொடர்ந்து நடைபெற்று கொண்டிருக்கின்றன. கிரீஸ் நாட்டிலிருந்து ஒலிம்பிக் ஜோதி கொண்டு வரப்பட்டு ஜப்பானில் ஏற்றப்பட்டிருக்கிறது. ஒலிம்பிக் போட்டிகள் தொடங்கும் முன்னர் கொரோனா வைரஸ் கட்டுக்குள் வந்துவிடும் என நம்புவதாய் ஜப்பான் ஒலிம்பிக் நிர்வாக குழு அதிகாரிகள் நம்பிக்கை தெரிவித்துள்ளனர்.

    இதுகுறித்து இந்திய ஒலிம்பிக் குழு அதிகாரி ஒருவர் பேசிய போது ”ஒலிம்பிக் போட்டிகளுக்கு முன்னர் கொரோனா கட்டுக்குள் வந்தாலும் பலநாடுகள் வீரர்கள் முழுமையாக அதிலிருந்து மீண்டு வர முடியாத நிலையில் ஒலிம்பிக் போட்டிகளை நடத்துவது சிக்கலானது. எனினும் ஒலிம்பிக் போட்டிகள் அறிவிக்கப்பட்டால் அதில் கலந்து கொள்வதை தவிர வேறு வழியில்லை” என்று தெரிவித்துள்ளார்.

    அதேசமயம் ஒலிம்பிக் போட்டியை செப்டம்பர் அல்லது அக்டோபர் மாதத்திற்கு ஒத்தி வைக்க உலக நாடுகள் சில ஜப்பானிடம் பேசி வருவதாகவும் தகவல்கள் வெளியாகியுள்ளது.
     
  9. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    இன்னும் 4 மாசம் இருக்குல்ல..! ஒலிம்பிக்கிற்கு தயாராகும் ஜப்பான்!

    கொரோனா வைரஸ் உலகம் முழுவதிலும் பரவியிருக்கும் அசாதாரண சூழ்நிலையிலும் ஒலிம்பிக் போட்டிகளுக்கான பணிகள் தொடர்ந்து நடைபெற்று வருகின்றன.


    நான்கு ஆண்டுகளுக்கு ஒருமுறை நடைபெறும் ஒலிம்பிக் போட்டிகள் இந்த ஆண்டு ஜப்பான் தலைநகர் டோக்கியோவில் நடைபெற இருக்கின்றன. தற்போது கொரோனா வைரஸால் உலகம் முழுவதும் உயிரிழப்புகள் ஏற்பட்டுள்ள நிலையில் பல சர்வதேச விளையாட்டு போட்டிகள் ரத்து செய்யப்பட்டுள்ளன.

    ஜூலை 24ம் தேதி தொடங்க உள்ள ஒலிம்பிக் போட்டிகள் கொரோனா பாதிப்பு காரணமாக ரத்து செய்யப்படலாம் என கூறப்பட்டது. ஆனால் கொரோனா அச்சுறுத்தல்களையும் தாண்டி ஒலிம்பிக் போட்டிகளுக்கான ஏற்பாடுகள் தீவிரமாக நடைபெற்று வருகின்றன. சில வாரங்களுக்கு முன்பு ஒலிம்பிக் போட்டிகளின் துவக்கமாக அதன் தாயகமான கிரீஸில் ஒலிம்பிக் தீபம் ஏற்றப்பட்டது. கிரீஸ் முழுக்க கொண்டு செல்லப்பட்ட இந்த தீபம் டோக்கியோவுக்கு கொண்டு செல்லப்பட உள்ளது.

    இதை கிரீஸிலிருந்து பெறுவதற்காக ‘டோக்கியோ 2020’ என்ற பெயருடன் ஜப்பான் விமானம் கிரீஸுக்கு புறப்பட்டு சென்றுள்ளது. இந்த போட்டிகளை நிறுத்துவதால் ஜப்பானுக்கு ரூ.97 ஆயிரம் கோடி இழப்பு ஏற்படும் என அதிகாரிகள் தெரிவிக்கின்றனர்.

    ஜூன் மாதம் ஒலிம்பிக் தொடங்குவதற்குள் கொரோனா கட்டுப்பாட்டிற்குள் வரும் என ஒலிம்பிக் நிர்வாகம் எதிர்பார்க்கிறது. மேலும் 56 ஆண்டுகளுக்கு பிறகு ஜப்பான் ஒலிம்பிக் போட்டிகளை ஏற்று நடத்துவதால் தீவிரமாக செயல்பட்டு வருகிறது.
     
  10. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    523
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    யூரோ கோப்பை கால்பந்து போட்டி அடுத்த ஆண்டு ஒத்திவைப்பு: பரபரப்பு தகவல்

    யூரோ கோப்பை கால்பந்து போட்டி அடுத்த ஆண்டு ஒத்திவைப்பு:
    உலக கோப்பை கால்பந்து போட்டிக்கு இணையான கால்பந்து போட்டி என்றால் அது யூரோ கால்பந்து போட்டி தான். இந்த போட்டியை நேரடியாகவும் தொலைக்காட்சிகளிலும் கோடிக்கணக்கான ரசிகர்கள் பார்த்து ரசிப்பார்கள் என்பது குறிப்பிடத்தக்கது
    இந்த ஆண்டு ஜூன் 12ஆம் தேதி முதல் ஜூலை 12ம் தேதி வரை யூரோ கால்பந்து போட்டி நடத்த திட்டமிடப்பட்டது. ஆனால் உலகம் முழுவதும் தற்போது கொரோனா வைரஸ் பாதிப்பு அதிகம் இருக்கும் காரணத்தால் இந்த போட்டி ஒத்திவைக்க வாய்ப்பிருப்பதாக கடந்த சில வாரங்களாக செய்திகள் வெளியானது

    இந்த நிலையில் இதுகுறித்து யூரோ கால்பந்து போட்டியின் நிர்வாகிகள் பேட்டி அளித்த போது கொரோனா வைரஸ் பரவி வருவதால் யூரோ கால்பந்து போட்டி அடுத்த ஆண்டு ஜூன் மாதம் 11 ஆம் தேதி முதல் ஜூலை மாதம் 11 ஆம் தேதி வரை நடத்தப்படும் என அதிகாரப்பூர்வமாக அறிவித்தனர். இதனால் கால்பந்து ரசிகர்கள் அதிர்ச்சி அடைந்த போதிலும் ரசிகர்களின் பாதுகாப்பு மற்றும் வீரர்களின் பாதுகாப்பு மிகவும் முக்கியம் என்பதால் இந்த போட்டி ஒத்திவைக்கப்பட்டுள்ளதாக விளக்கம் அளிக்கப்பட்டுள்ளது
     

Share This Page