Gomathy Arun's Enai Konjum Sarale!! / எனை கொஞ்சும் சாரலே!!

Discussion in 'Gomathy Arun Novels' started by Tamilsurabi, Jun 4, 2019.

  1. Tamilsurabi

    Tamilsurabi Administrator Staff Member

    Joined:
    Sep 11, 2014
    Messages:
    313
    Likes Received:
    211
    Trophy Points:
    43
    வணக்கம் தமிழ் சுரபி வாசகர்களே


    கோமதிஅருண் எழுதும் புதியதொடர்கதை


    " எனை கொஞ்சும் சாரலே"

    வாழ்த்துக்கள் கோமதி அருண்

    தங்களது மேலான ஆதரவை கருத்துக்கள் மூலம் தெரியப்படுத்துங்கள்.....
     
  2. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    எனக்கு தளம் அமைத்துக் கொடுத்ததிற்கு நன்றி சரோ :)

    “எனை கொஞ்சும் சாரலே!!”

    இது எனது பத்தாவது கதை. இந்த கதைக்கும் உங்கள் ஆதரவை தருவீர்கள் என்று நம்புகிறேன்..

    நாயகன் – சித்தார்த்தன்

    நாயகி – ஊர்மிளா

    உங்களில் சிலருக்கு பெயரை கேட்டதும் எங்கேயோ கேட்டது போல் இருக்கிறதா!!! எனது ‘யாருக்கு யாரோ???’ கதையை படித்தவர்களுக்கு இவர்கள் அறிமுகமானவர்கள் தான்.. அந்த கதையை படிக்காமல் இதை படிப்பவர்கள் எதையும் மிஸ் செய்யமாட்டீர்கள்..

    கதையை பத்து நாட்களில் ஆரம்பிக்கிறேன்.. அதற்கு முன்....

    கதைக்கு சின்ன டீசர்:-

    முதலிரவு அறைக்குள் சித்தார்த்தன் நுழைந்ததும்,

    "டைவர்ஸ் பேப்பரில் எப்ப வேணாலும் சைன் போட நான் ரெடி" என்ற ஊர்மிளாவின் வாக்கியத்தை கேட்டு பெரிதும் அதிர்ந்தான்.

    "என்ன சொன்ன?"

    ஊர்மிளா நிதானமாக ஒவ்வொரு வார்த்தையாக தெளிவாக, "டைவர்ஸ் பேப்பரில் எப்ப வேணாலும் சைன் போட நான் ரெடி" என்று கூறினாள்.

    "உனக்கு இந்த கல்யாணத்தில் விருப்பமில்லையா?"

    "உங்களுக்கு விருப்பமில்லை"

    "ஊர்மிளா"

    "எனக்கு தெரியும்.. உங்கள் நண்பனுக்காக தான் நீங்க என் கழுத்தில் தாலியை கட்டுனீங்க"

    சித்தார்த்தன் ஏதோ கூற வரவும் கையை உயர்த்தி அவனது உரையை நிறுத்தியவள், "இல்லைனு பொய் சொல்ல வேண்டாம்.. கௌதம்-சவிதா சேர்வதற்காக தான் நீங்க என்னை கல்யாணம் செய்துக்க முடிவு எடுத்தீங்க.. கஷ்டப் பட்டு நீங்க என்னுடன் வாழ வேண்டாம்.. இப்போதே கூட எம்ப்டி பேப்பரில் சைன் போட்டு தரேன்"

    "ஸ்டாப் இட்.. ஊர்மிளா" என்று குரலை உயர்த்தி கத்தினான் சித்தார்த்தன்.

    சாரல் கொஞ்ச காத்திருப்போம்♥ ♥ ♥ ♥ ♥ ♥


    கதையை பற்றிய உங்கள் கருத்துக்களை கீழே பதியவும்..
    எனை கொஞ்சும் சாரலே!! - Comments

    உங்கள் அன்புத் தோழி,
    கோம்ஸ்.
     
    Last edited: Jun 4, 2019
  3. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    [​IMG]
    அன்புத் தோழமைகளே!!!
    படிக்க ரெடியா!!
    ரெடியா இருக்கிறவங்க ஓடி வந்து ஒரு கமெண்ட் போடுங்க..

    எனை கொஞ்சும் சாரலே!! - Comments
    சாயுங்காலம் முதல் கொஞ்சலுடன் வரேன்..
    உங்கள் அன்புத் தோழி,
    கோம்ஸ்.
     
  4. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    கொஞ்சல் 1

    தோட்டத்தில் மரங்களும் செடிகளும் அசைந்தாட அவற்றால் தீண்டப்பட்ட குளிர்ந்த காற்று திறந்திருந்த ஜன்னல் வழியே அந்த அறையினுள் நுழைந்தது. ஆனால் அதன் குளுமையால் சிறிதும் பாதிக்கப்படாமல் கட்டிலில் அமர்ந்திருந்த ஊர்மிளா தன் கழுத்தில் தொங்கிய தாலியை கையில் ஏந்தி அதை வெறித்துப் பார்த்துக் கொண்டிருந்தாள். தனது காதல் தவத்திற்கு வரம் கிடைத்ததை அவளால் இன்னமும் நம்ப முடியவில்லை..

    அவளது மனக்கண்ணில் புன்னகையை சூடியபடி சவிதாவின் கழுத்தின் தாலி கட்டிய சித்தார்த்தனும், அடுத்த சில மணி நேரத்தில் உணர்ச்சியற்ற முகத்துடன் தன் கழுத்தில் தாலி கட்டிய சித்தார்த்தனும் மாறி மாறி வந்து இம்சித்தனர்.

    அவள் மனம் வெகுவாக தவித்துக் கொண்டிருந்தது. அவளது ஒருதலை காதல் வெற்றி பெற்றதாக அனைவரும் நினைக்க அவளோ தன் காதல் தோல்வி அடைந்ததை நினைத்து மருகிக் கொண்டிருந்தாள். சித்தார்த்தன் தன் கழுத்தில் இரண்டாவதாக தான் தாலி கட்டினான் என்ற எண்ணம் அவளுக்கு சிறிதும் இல்லை.. அவள் மனம் தவித்து மருகி துடிப்பதெல்லாம் தன்னவன் தனக்காக தன்னை ஏற்கவில்லையே என்று தான்.

    ஆம்.. அன்று காலையில் தான் ஒருதலையாக காதலித்த அம்னிஷியாவினால் பாதிக்கப்பட்ட சவிதாவை இரு வீட்டாரின் சம்மதத்துடன் திருமணம் செய்துக் கொண்ட சித்தார்த்தன் தாலி கட்டிய அரை மணி நேரத்தில் அவள் தனது உயிர் நண்பன் கௌதமனின் காதல் மனைவி என்பதை அறிந்து சவிதாவையும் கௌதமனையும் சேர்த்துவைக்கும் எண்ணத்துடன் மட்டுமே ஊர்மிளாவின் கழுத்தில் தாலியை கட்டியிருந்தான்.

    [​IMG]

    [ஊர்மிளா – பிறந்து வளர்ந்தது சென்னையில்.. அவளது தந்தை அவள் பொறியியல் முதலாம் ஆண்டு முடித்த தருணத்தில் இறைவனடி சேர்ந்திருந்தார். அவள் அன்னை சிந்தாமணி, அண்ணன் அசோக்.
    கலகலப்பான பெண்ணான ஊர்மிளா சில ஆண்டுகளாக அமைதியான பெண்ணாக மாறியிருந்தாள். முதலில் அவளது அமைதியை தந்தையின் இறப்பினால் ஏற்பட்டது என்று கருதிய அசோக் அவள் திருமணத்தை முற்றிலும் மறுக்கவும் காதல் தோல்வியோ என்று சந்தேகம் கொண்டு அவளது தோழியை விசாரிக்க, அவள் முதலாம் ஆண்டு படித்த போது இறுதி ஆண்டு மாணவன் ஒருவனை ஒருதலையாக காதலித்தது தெரிந்தது ஆனால் அவள் காதலித்தது யார் என்று தெரியவில்லை. தங்கையின் மனதை மாற்ற தனது நெருங்கிய நண்பன் வசந்தனின் உதவியை நாடினான். அதன் விளைவு வசந்தனின் செயலாளராக ஒரு மாதமாக வேலை பார்த்துக் கொண்டிருகிறாள்.. ஊர்மிளா இதற்கு சம்மதித்த ஒரே காரணம் வசந்தன் ஊர் மூணார் என்பதால் மட்டுமே. வசந்தன் ஊர்மிளாவிற்கும் நல்ல பழக்கமே.. அவனையும் தனது அண்ணன் போலவே தான் கருதுகிறாள்.. அவனும் ஊர்மிளாவை தனது உடன் பிறந்த சகோதரியை போல் கருதுவதோடு அவ்வாறே நடந்தும் கொள்வான்.
    வசந்தனின் வற்புறுத்தலில் அவனது திருமண நிச்சயதிற்காக அவன் குடுபத்துடன் அம்பாசமுத்திரம் வந்தாள். மிக எளிமையான நிச்சயதார்த்தம் என்பதால் குடும்பத்தினர் மட்டுமே இருந்ததால் ஊர்மிளாவின் அன்னையும் அண்ணனும் வரவில்லை. இன்று தான் வசந்தனின் வருங்கால மனைவி மகிஷாவின் நெருங்கிய நண்பனின் திருமணம் என்பதை அறிந்துக் கொண்ட ஊர்மிளா அந்த நண்பன் தன் மனம் கவர்ந்த சித்தார்த்தன் என்பதை அறியவில்லை.]


    தே நேரத்தில் தனக்கு கொடுக்கப் பட்டிருந்த அறையில் இருந்த சித்தார்த்தனின் மனமும் தவித்துக் கொண்டு தான் இருந்தது.
    [​IMG]
    [சித்தார்த்தன் – மூணார் பணக்கார்கள் பட்டியலில் முதலிடத்தில் இருக்கும் சுதர்சனத்தின் ஒரே மகன். அவனது அன்னை சாரதா. தொழிலில் அவன் பொறுப்பேற்ற இந்த இரண்டு ஆண்டுகளில் சொத்துக்களை பன்மடங்கு பெருக்கி இருந்தான். தற்போது கௌதமனுடன் சேர்ந்து ‘வெல்கம்’ என்ற ரிசார்ட்டை ஒரு மாதமாக நடத்தி வருகிறான்.]


    சித்தார்த்தனின் மனமோ “நான் ஏன் சவிதா மேல் காதல் கொண்டேன்? இப்படி ஒரு காதல் எனக்கு தேவையா? பார்த்த நொடியில் காதல் கொண்டு.. இரண்டே வாரத்தில் இப்படி ஒரு அவசர கல்யாணம் தேவையா? அவள் மறுப்பையும் மீறி வீட்டில் பேசி கல்யாணம் செய்துக் கொண்டது எவ்வளவு பெரிய அபத்தம்! அம்னிஷியாவில் பாதிக்கப்பட்ட நிலையிலும் என்னுடனான கல்யாணத்தை ஏற்க முடியவில்லை என்றால் எந்தளவிற்கு அவள் கௌதமை காதலித்து இருக்கணும்!

    நான் தாலி கட்டும் முன் கெளதம் வந்திருந்தால் இந்த அபத்தத்தை தடுத்து இருக்கலாமே! ஏன் என் வாழ்க்கையில் விதி இப்படி விளையாடி விட்டது!!!
    இன்னமும் என்னால் இதை ஜீரணிக்க முடியலையே! என் நண்பனின் காதல் மனைவியை நான் கல்யாணம் செய்ததை நினைத்தால் எனக்கே என்னை பார்த்து அருவெறுப்பா இருக்குதே!”
    என்று துடித்தது.

    சில நிமிடங்கள் கழிவிரக்கத்தில் இருந்தவன் அடுத்து ஊர்மிளாவை பற்றி யோசித்தான்..

    “ஊர்மிளா – மென்மையானவள்.. அவளை என்னால் நன்றாக பார்த்துக்கொள்ள முடியுமா? அவள் காதலுக்கு நான் தகுதியானவனா?” என்று தன்னைத் தானே கேட்டுக் கொண்டவனின் சிந்தனையை தடை செய்வது போல் அறை கதவு தட்டப்பட்டது.

    உள்ளே வந்த கௌதமனை பார்க்க முடியாமல் குற்ற உணர்ச்சியுடன் சித்தார்த்தன் தலை குனிய, அவனது முகத்தை நிமிர்த்திய கௌதமன், “நீ எப்பொழுதும் தலை நிமிர்ந்து இருக்கனும்.. நீ எதுவும் தப்பு செய்யலை”


    சித்தார்த்தன், “சவிதா மறுத்ததை நான் மதித்து இருக்கலாம்” என்று வேதனையுடன் கூற,

    கௌதமன், “உன் மேல் எந்த தவறும் இல்லை.. சது(சவிதா) மறுப்பை தெளிவா சொல்லலை.. சொல்லும் நிலையில் அவளும் இல்லை.. நீ இந்த திருமணத்திற்கு ஏற்பாடு செய்தது அவளின் அம்மா உயிரை காப்பாற்ற தானே தவிர உன் சுயநலனிற்காக இல்லை..”


    “இருந்தாலும் என் மனசு ஆறவே இல்லை டா.. உன் மனைவி கழுத்தில் .. ச்ச்..” என்று சொல்ல முடியாமல் நிறுத்தினான்.

    “அவள் என் காதலி என்று தெரிந்திருந்தால் கூட நீ அவளை உன் சகோதரி போல் தான் பார்த்திருப்ப.. நடுவில் நாம் தொடர்பற்று இருந்தது.. மீண்டும் சந்தித்த பிறகும் எங்கள் காதலை பற்றியோ திருமணத்தை பற்றியோ நான் உன்னிடம் சொல்லாதது.. நானும் சவிதாவும் சுனாமியில் பிரிந்தது.. சவிதா அம்னிஷியாவில் பாதிக்கப்பட்டு தன்னை மறந்த நிலையில் இருந்தது.. எல்லாமே விதி.. இதில் உன் தவறு என்று எதுவுமே இல்லை டா.. நடந்ததையெல்லாம் கெட்ட கனவா நினைத்து மறந்திரு.. உன் மனைவி ஊர்மிளா என்பதை மட்டும் மனதில் நிறுத்தி யோசி டா.. உன்னால் முடியாதது எதுவும் இல்லை”

    “..”

    “சித்து.. நான் திரும்பவும் சொல்றேன் நீ குற்ற உணர்வில் தவிக்க தேவையே இல்லை.. இதில் உன் தவறு எதுவும் இல்லை..”

    “தேங்க்ஸ் டா”
    என்று கூறியபடி நண்பனை கட்டிக் கொண்டவனின் மனம் முழுமையாக தெளியவில்லை என்றாலும் அவனுள் சிறு தெளிவு பிறக்க தொடங்கியது. தன் நண்பன் தன்னை புரிந்துக் கொண்டு எப்பொழுதும் போல் தன்னை தேற்றியத்தில் அவன் மனம் நிம்மதி அடைந்ததோடு பலமும் பெற்றது.

    அதன் பிறகு இருவரும் சிறிது நேரம் தொழிலை பற்றி பேசினர்.

    கௌதமன், “சரி டா நாளைக்கு பார்க்கலாம்”


    சித்தார்த்தன் புன்னகையுடன், “நாளைக்கு இப்படியே வெளியே வருவியா?”

    “சந்தேகம் தான்.. சேதாரம் அதிகமா தான் இருக்கும்”

    “பின்ன! எங்க முன்னாடியே ரெண்டு அடி போட்டாளே! இருந்தாலும் உனக்கு அது கம்மி தான்”

    கௌதமன் முறைக்க சித்தார்த்தன், “பின்ன! துரத்தி துரத்தி காதலித்து கல்யாணம் பண்ணிட்டு எனக்காக விட்டுட்டு போக நினைத்தால் சும்மா விடுவாளா?”

    இப்பொழுது கௌதமன் அமைதியாக இருக்க அவன் தோளை பற்றிய சித்தார்த்தன், “அம்னிஷியாவில் பாதிக்கப் பட்டு தன்னையே அடையாளம் தெரியாத நிலையிலும் அவளால் இந்த திருமணத்தை ஏற்க முடியலைனா நீ எந்தளவிற்கு அவள் மனதில் பதிந்து இருக்க வேண்டும்.. அதுவும் உன்னை பார்த்ததும் பழைய நினைவுகள் அவளுக்கு திரும்பிவிட்டது”

    “ஹ்ம்ம்.. என் சது எனக்கு கிடைத்த பொக்கிஷம்.. ஒருமுறை விதி வசத்தால் தவற விட்டுட்டேன்.. இனி தவற விட மாட்டேன்”

    “ஆல் தி பெஸ்ட்”

    “உனக்கும் ஆல் தி பெஸ்ட்”

    நண்பனுக்காக வெளியே சிரித்தபடி, “தேங்க்ஸ்” என்றான்.


    கௌ
    தமனும் சித்தார்த்தனும் பேசிக் கொண்டிருந்த அதே நேரத்தில் ஊர்மிளா இருந்த அறைக்குள் அவளது அன்னையும் அண்ணனும் நுழைந்தனர்.
     
    Rabina likes this.
  5. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    தாங்கள் உள்ளே வந்தது கூட தெரியாமல் தனது சிந்தனையில் உழன்றுக் கொண்டிருந்த மகளின் தோளை பற்றியபடி, “ஊர்மி” என்றார் சிந்தாமணி.

    அன்னையின் குரலில் தன் சிந்தனையை விட்டு வெளியே வந்தவள் அன்னையின் இடையை கட்டிக் கொண்டாள்.

    மகளின் தலையை தடவிக் கொடுத்த சிந்தாமணி, “இப்போ தான் என் மனசு நிம்மதியா இருக்குது.. உன் கல்யாணத்தை பார்க்க முடியலையே என்ற வருத்தம் இருந்தாலும் நீ விரும்பிய வாழ்க்கையே உனக்கு கிடைத்ததில் எனக்கும் அண்ணனுக்கும் ரொம்ப சந்தோசம்.. மாப்பிள்ளை வீட்டில் எல்லோரும் நல்ல குணசாலியா தான் தெரிறாங்க.. கவலைப் படாதே.. நாங்க தேடி இருந்தா கூட இப்படி ஒரு சம்பந்தம் கிடைத்து இருக்காது.. உன்னை நல்லா பார்த்துப்பாங்க னு வசந்த் கட்டிக்கப் போற பொண்ணு சொன்னா.. மாப்பிள்ளையின் மனம் அறிந்து நடந்துக்கோ”

    ஊர்மிளாவிடம் பதில் இல்லை என்றதும் அவள் முகத்தை நிமிர்த்தியவர், “இனியும் இப்படி அமைதியாவே இருக்காதே.. உனக்குள்ளேயே விசனப்படாமல் மனதில் உள்ளதை வெளியே பேசு.. எனக்கு என்னவோ அப்பா தான் உன் விருப்பத்தை நிறைவேற்றியதா தோணுது.. இனி மாப்பிள்ளை தான் உன் வாழ்க்கை.. அப்பாவிடம் மனம்விட்டு பேசுவது போல் மாப்பிள்ளையிடமும் பேசு..”

    ‘சரி’ என்பது போல் தலையை ஆட்டினாள்.

    பெருமூச்சை வெளியிட்ட சிந்தாமணி, “இனி உன் வாழ்க்கை உன் கையில் தான் இருக்கிறது.. மாப்பிள்ளையின் மனசை உன் அன்பால் மாற்றி ரெண்டு பேரும் சந்தோஷமா இருங்க”

    “..”

    “வாயை திறந்து பதில் சொல்லு டி”

    “சரி மா”
    என்றபடி நேராக அமர்ந்தாள்.

    “என்ன சரி?”

    அசோக், “அம்மா.. ஏன் அதட்டுறீங்க.. ஊர்மி பார்த்துப்பா” என்றவன் தங்கையின் தலையை வருடி, “எங்களுக்கு பழைய ஊர்மியை பார்க்க ஆசையா இருக்குது டா.. உன்னையும் மீட்டெடுத்து மாப்பிளையையும் சந்தோஷமா வச்சுக்கோ.. அண்ணா எப்பவும் உனக்கு துணையா இருப்பேன்.. மகிஷா மாப்பிள்ளையோட நெருங்கிய தோழியாம்.. ரெண்டு பேரும் சின்ன வயசில் இருந்தே பிரெண்ட்ஸ் போல.. நல்ல பொண்ணா தான் தெரியுறாங்க.. உனக்கு ஏதும் கேட்க தயக்கமா இருந்தால் அவங்களிடம் கேளு.. வசந்த் உன்னை அடிக்கடி வந்து பார்த்துப்பான்.. தைரியமா இருக்கனும்..” என்றான்.

    அவள் சிறிது கலங்கிய விழிகளுடன் சரி என்பது போல் தலையை ஆட்டினாள்.

    சிந்தாமணி, “சரி டா நீ வெளியே இரு.. நான் இவளை தயார் பண்றேன்” என்றதும் ஊர்மிளாவிடம் சிறு இறுக்கம் வந்தது.

    அசோக் வெளியே சென்றதும், வழக்கமான சில பல அறிவுரைகளுடன் ஊர்மிளாவை அலங்கரித்தார் அவளது அன்னை.


    தே நேரத்தில் இவர்களுக்கான முதலிரவு அறையை ஏற்பாடு செய்து கொண்டிருந்த வசந்தனிடம் மகிஷா, “என்ன யோசனை பலமா இருக்குது?”

    “சவி கெளதம் பற்றி இனி கவலை இல்லை.. ஆனா ஊர்மி சித்து!”

    “ஹ்ம்ம்.. சித்து கிட்ட பேச கெளதம் போனார்.. அவன் இப்போ ஓரளவிற்கு தெளிந்திருப்பான் னு நினைக்கிறேன்.. ஆனா ஊர்மி என்ன நினைக்கிறாங்க னு தெரியலை.. காலையில் இருந்து அமைதியாவே இருக்காங்க.. ஆண்ட்டியும் அங்கிளும் பேசியதிற்கு மட்டும் பதில் சொன்னாங்க.. சித்து கிட்ட பேசவே இல்லை”

    “ஹ்ம்ம்.. அவள் விரும்பிய வாழ்க்கை கிடைத்து இருக்கிறது.. அதை அவள் தான் தக்க வைத்துக்கணும்.. அருமையான பெண் தான் ஆனால் அவள் மனதின் காயம் எப்படி வெளிவரும் னு சொல்ல முடியாது”

    மகிஷா புரியாமல் பார்க்க வசந்தன், “எல்லோரும் அவள் விரும்பிய வாழ்க்கை கிடைத்ததை மட்டும் நினைக்கிறோம் ஆனா அவள் மனம் அடைந்த துயர்! யோசித்து பார் அவள் விரும்பியவன் அவள் கண் முன்னாடியே இன்னொருத்தி கழுத்தில் தாலி கட்டுகிறான்.. அடுத்த சில மணி நேரத்தில் வேறு ஒருவனை அவள் காதலித்ததாக சொல்கிறான்................”

    “அது.. கௌதமை உண்மையை சொல்ல வைக்க சித்து சும்மா சொன்னது.............”

    “அது ஊர்மிக்கு தெரியுமா? ஊர்மியை கோவிலுக்கு வர சொன்ன சித்து அவன் ஆட போகும் நாடகத்தை பற்றி சொல்லி கூட்டிட்டு வந்தானா? அதிர்ச்சி மேல் அதிர்ச்சியாக கடைசி அவளிடம் சம்மதம் கேட்காமல் அவள் கழுத்தில் தாலியை கட்டினான்.. என்ன தான் அவள் அவனை விரும்பிகிறாள் என்றாலும் சித்து செய்தது தப்பு தான்”

    “நான் ஊர்மி கிட்ட பேசவா?”

    “அம்மாவும் அசோக்கும் பேச போயிருக்காங்க... எல்லோரும் ஒரே நேரத்தில் பேச வேண்டாம்.. நீ ஊருக்கு போனதும் பேசு”

    “ஹ்ம்ம்”

    “என்ன சுருதி இறங்கி வருது!!”

    “சித்துவும் பாவம் தானே!”
    சிறு கவலயுடன் கூறினாள்.

    “நான் இல்லைன்னு சொல்லலையே! சித்து ஊர்மி ரெண்டு பேரும் பாவம் தான்.. ஆனால் அவர்கள் நினைத்தால் அவர்கள் வாழ்க்கை இனி சந்தோஷமா இருக்கும்.. பார்க்கலாம்”

    “நல்ல வேளை கீதா
    (சவிதாவின் அன்னை) ஆண்ட்டி வேண்டியதால் கல்யாணத்தை இங்கே அம்பாசமுத்திரத்தில் கோவிலில் சிம்பில்லா வச்சாங்க.. இதே இது மூணாரில் என்றால் நினைச்சுக் கூட பார்க்க முடியலை.. அங்கிள் மற்றும் சித்துவின் நிலை என்னவா இருந்து இருக்கும்!”

    “ஹ்ம்ம்.. இதில் இவங்க நால்வரின் பெயருமே காக்கப் படுது.. சவி கழுத்தில் சித்து தாலியை கட்டியதை சொல்லாமல் சவி கெளதமின் மனைவி னு தெரிந்து சித்து ஊர்மியை கல்யாணம் செய்ததா சொல்லிக்கலாம்”

    “சவி கௌதமின் மனைவி னு தெரிஞ்ச நிமிஷம்! ஸ்ப்பா! இப்போ கூட என்னால் முடியலை”

    “அதான் இப்போ எல்லாம் நல்லபடியா முடிஞ்சுரிச்சே!”
    என்றவன் அவளை சகஜமாக்கும் எண்ணத்துடன், “பாலசந்தர் படம் பார்த்த எபக்ட்..” என்றான்.

    அவள் அவனை முறைக்க, அவனோ மெல்ல நெருங்கி அவளை அணைத்து, “இப்போ உன் வசியை கொஞ்சம் கவனி குட்டிமா” என்றான்.

    அவனிடமிருந்து விடுபடு முயற்சித்தபடி, “கேடி” என்றாள்.

    “கேடியின் செயல் எப்படி இருக்கும் தெரியுமா?” என்று சரசமாக வினவியவன் காதலும் சிறு மோகமும் கலந்த முத்தத்தை தன்னவளின் செவ்விதழில் பதித்தான். அவளும் விருப்பத்துடன் இசைந்தாள்.

    அவன் இதழை பிரித்த போது அவள் சிறிது மூச்சு திணறவும் அவன், “இதுக்கே திணறினால் மெயின் பிக்ச்சரை எப்படி தாங்குவ!!” என்றபடி கண்ணடித்தான்.

    அவள் வெக்கத்துடன், “ஏய்” என்று அவனை செல்லமாக அடித்தாள்.

    அவன் புன்னகையுடன், “நம் எங்கேஜ்மென்ட் கிப்ட் நான் கொடுத்துட்டேன்.. நீ இன்னும் கொடுக்கலையே!”

    அவள் அதிகரித்த வெக்கத்துடன், “நான் கல்யாணப் பரிசு தான் கொடுப்பேன்” என்று கூறி வெளியே ஓடினாள்.


    சித்தார்த்தன்-ஊர்மிளா மற்றும் கௌதமன்-சவிதா தங்கள் முதலிரவு அறைக்கு அனுப்பப் பட்டனர்.

    வசந்தன் சொன்னது போல் தான் ஊர்மிளாவின் காயமடைந்த மனம் சித்தார்த்தனை சுழட்டி அடிக்க தயாராக இருந்தது. என்ன தான் அன்னை மற்றும் அண்ணனின் அறிவுரைகளை கேட்டாலும் ஊர்மிளாவின் காதல் மனமோ அவற்றை ஏற்க தயாராக இல்லை. ஐந்து ஆண்டுகள் மனதை அடக்கியதன் விளைவாக கூட இருக்கலாம்..

    முதலிரவு அறைக்குள் நுழைந்த சித்தார்த்தன் பேச்சை எப்படி ஆரம்பிக்க என்று தயங்க,

    "டைவர்ஸ் பேப்பரில் எப்ப வேணாலும் சைன் போட நான் ரெடி" என்ற ஊர்மிளாவின் வாக்கியத்தை கேட்டு பெரிதும் அதிர்ந்தான்.

    "என்ன சொன்ன?"

    ஊர்மிளா நிதானமாக ஒவ்வொரு வார்த்தையாக தெளிவாக, "டைவர்ஸ் பேப்பரில் எப்ப வேணாலும் சைன் போட நான் ரெடி" என்று கூறினாள்.

    "உனக்கு இந்த கல்யாணத்தில் விருப்பமில்லையா?"

    "உங்களுக்கு விருப்பமில்லை"

    "ஊர்மிளா"

    "எனக்கு தெரியும்.. உங்கள் நண்பனுக்காக தான் நீங்க என் கழுத்தில் தாலியை கட்டுனீங்க"

    சித்தார்த்தன் ஏதோ கூற வரவும் கையை உயர்த்தி அவனது உரையை நிறுத்தியவள், "இல்லைனு பொய் சொல்ல வேண்டாம்.. கௌதம்-சவிதா சேர்வதற்காக தான் நீங்க என்னை கல்யாணம் செய்துக்க முடிவு எடுத்தீங்க.. கஷ்டப் பட்டு நீங்க என்னுடன் வாழ வேண்டாம்.. இப்போதே கூட எம்ப்டி பேப்பரில் சைன் போட்டு தரேன்"

    "ஸ்டாப் இட்.. ஊர்மிளா" என்று குரலை உயர்த்தி கத்தினான் சித்தார்த்தன்.

    கொஞ்சல் அரும்பும்♥♥♥♥♥♥
    எனை கொஞ்சும் சாரலே!! - Comments
    உங்கள் அன்புத் தோழி,
    கோம்ஸ்.
     
    Rabina likes this.
  6. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    அன்புத் தோழமைகளே!!
    செவ்வாய் மற்றும் வெள்ளி இந்த கதையை பதிவு செய்வேன்.. இந்த வாரம் மட்டும் வெள்ளிக்கு பதில் வியாழன் பதிவு செய்கிறேன்..


    கொஞ்சல் 2
    [​IMG]

    சித்தார்த்தன் சிறு கோபத்துடன் குரலை உயர்த்தவும் ஊர்மிளா அமைதியானாள்.

    சித்தார்த்தன்,
    கௌதமன் எந்த ஒரு உருத்தலும் இல்லாமல் சவிதா கூட வாழனும் னா நான் கல்யாணம் செஞ்சுக்கணும் என்ற முடிவிற்கு வந்தது உண்மை தான் ஆனால் உன்னை கல்யாணம் செய்து கொள்ள முடிவெடுத்ததிற்கான முழு காரணம் உன்னுடைய தூய உண்மை காதல் தான்.” என்றதும் அவள் அதிர்ச்சியுடன் அவனை பார்த்தாள்.

    அவள் முகத்தில் இருந்தே தனது வார்த்தை அவளுக்கு ஆறுதலையும் மகிழ்ச்சியையும் தருவதை உணர்ந்தான். அவள் நிம்மதிக்காக மனதில் உள்ளதை சொல்ல முடிவெடுத்தவன் ஒரு நொடி கண்களை மூடி மூச்சை இழுத்துவிட்டுவிட்டு, “இதை முதலும் கடைசியுமா சொல்லி முடிச்சுறேன்..” என்றவன் சுவற்றை வெறித்தபடி, “கெளதம் வாயிலாக சவிதாவுடனான அவனது காதல் கல்யாணத்தை பற்றி கேட்டதும் என் நண்பனின் மனைவியை நான் காதலிச்சேன் என்பதை நினைக்கும்
    போது என் உடம்பெல்லாம் எரிகிறது..” என்று கூறி அரை நொடி மௌனமானான். பேச்சுக்கு கூட சவிதா கழுத்தில் தாலி கட்டியதை பற்றி ஊர்மிளாவிடம் அவன் சொல்ல விரும்பலை.. அது தன்னை வருத்துவதை விட அவளை அதிகமாக வருத்தும் என்பதை உணர்ந்தே அதை தவிர்த்தான்.

    பின் அவளது கண்களை பார்த்து, “காதல் தோல்வியை உணர்ந்த அந்த நொடியில் என் கண் முன் வந்த முகம் உன் முகம் தான்..
    வசந்த் காலேஜில் வச்சு கண்ணீர் வடிந்த முகத்துடன் என்னை துரத்தினியே அந்த முகம் தான்.. அந்த நொடியில் உன்னை கல்யாணம் செய்துக்க முடிவெடுத்தேன்”

    இருவரும் அந்த சந்திப்பை நினைத்துப் பார்த்தனர்.

    மூணார் வந்த சில நாட்களில் வசந்தனின் இசை கல்லூரியில் சித்தார்த்தனை பார்த்து இன்பமாக அதிர்ந்த ஊர்மிளாவின் மனம் சில நொடிகளிலேயே அவனது அந்நிய பார்வையில் சிறகொடிந்த பறவையாக தவித்து அடுத்த சில நிமிடங்களில் அவன் பேசியதை கேட்டு துடித்தது.

    நீண்ட நான்கு ஆண்டுகள் கழித்து அவனை பார்த்த மகிழ்ச்சியை கொண்டாட விடாமல் அவள் தலையில் தணலை கொட்டினான்.

    வசந்தனை பார்த்துவிட்டு வெளியே வந்த சித்தார்த்தன் அவளிடம், “என்னை பார்த்ததும் உனக்கு ஏன் இவ்வளவு சந்தோசம்? வசந்த் கிட்ட ஏன் மூனார் வர சந்தோஷமா சம்மதிச்ச?” என்று கேட்ட கேள்விகளுக்கு அவளிடம் பதில் இல்லை.

    சித்தார்த்தன் கடுமையான குரலில், “இதை நான் எதிர்பார்க்கவில்லை ஊர்மிளா.. இப்போது தான் ஃபர்ஸ்ட் டைம் உன்னிடம் பேசுகிறேன்.. இன்ஃபாக்ட் உன்னை பார்த்தப்ப நீ யாருனே எனக்கு அடையாளம் தெரியலை.. இது வேண்டாம்.. உனக்கு நல்லதிற்கில்லை.. இதை வளர்க்காதே!” என்று கூறினான்.

    அவன் முகத்தை பார்த்த ஊர்மிளாவின் முகத்தில் அடிபட்ட வலி இருந்தது.

    அவன், “உன் நல்லதிற்கு தான் சொல்றேன்.. நீ...........................”


    “என் காதலை ஏத்துக்க சொல்லி உங்களிடம் கேட்கவில்லையே”

    அவளை சிறு அதிர்ச்சியுடன் பார்த்தவன், “இல்லை.. நான்..............” என்று சிறிது தடுமாற,

    அவளோ, “ப்ளீஸ் இங்கிருந்து போய்டுங்க” என்றாள் உடைந்த குரலில்.

    அவன் அமைதியாக அவளை பார்க்க, அவள், “ப்ளீஸ்” என்று கலங்கிய விழிகளுடன் கூறினாள்.

    அவன் சொல்வதறியாது வெளியேறிட, அவள் கண்ணீர் சிந்தியபடி அமர்ந்திருந்தாள்.

    அப்பொழுது அவள் எழுதிய கவிதை..

    “என் காதல்-
    அக்னி என்றரிந்தே
    விரலை விட்டேனே
    !

    உன் மீதான காதலை
    விளக்க என்னிடமோ
    சொற்களுக்கு பஞ்சம்..


    உன் முகம் வாடினால்
    என் அகம் வாடும்
    என்பதறிவாயோ!


    உன் அன்பினால் மட்டுமே
    பிறவி பயனடைவேன்
    என்பதையோ..


    என் உயிரினும் உனை
    அதிகம் நேசிக்கிறேன்
    என்பதையோ நம்புவாயா
    ?

    உன் ஸ்பரிசமின்றி
    என் ஜீவன் மறைந்தால்
    புரியுமோ என் காதல்
    !
    !!”


    அன்று இரவு தேற்றுவாரின்றி அவள் அழுததை அவள் மட்டுமே அறிவாள்.

    பழைய நினைவுகளில் இருந்து வெளியேறியவள் ஏக்கத்துடனும் காதலுடனும் அவனை பார்த்தாள்.

    அவன் மனதினுள், ‘உனக்கு வார்த்தைகளே தேவை இல்லை பெண்ணே! உன் கண்களே உன் காதலை சொல்லுது.. ஆனால் நான் உனக்கு வரமா சாபமா னு எனக்கே தெரியலையே!’ என்று அவளுடன் பேசினான்.

    அவன் முகத்தை பார்த்து அவன் எதற்கோ வருந்துகிறான் என்பதை புரிந்து அவள், “கஷ்டமா இருந்தா விட்டுருங்க.. நீங்க எனக்காக தான் என்னை கல்யாணம் செய்தீங்க னு சொன்னதே எனக்கு போதும்.. இதை தவிர வேறு எதுவும் எனக்கு வேணாம்.. நான் உங்களை தொந்தரவு செய்ய மாட்டேன்............” என்று மெல்லிய குரலில் பேசிக் கொண்டிருந்தவள் அவன் முறைக்கவும் தரையை பார்த்தபடி, “நீங்க உள்ளே வந்ததும் பேசினதுக்கு சாரி” என்றாள்.

    “நான் முறைத்தது அதற்கு மட்டுமில்லை”

    அவள் அவன் முகத்தை புரியாமல் பார்க்கவும், “வாழ்க்கையில் கல்யாணம் என்பது ஒருமுறை...ச்ச்” என்று அவன் வேதனையுடனும் எரிச்சலுடனும் நிறுத்த,

    அவள் அவசரமாக, “அதை மறந்துருங்க.. உங்கள் கல்யாணம் என்னுடன் மட்டும் தான் நடந்தது” என்றாள்.

    அவன் சிறு புன்னகையுடன், “தேங்க்ஸ்” என்றான்.

    பின், “நீ தான் என் மனைவி.. நீ மட்டும் தான் என் மனைவி.. இனி அதில் எந்த மாற்றமும் இல்லை.. யாரையும் தொந்தரவு செய்ய மாட்டேன் அது இது னு தியாகி மாதிரி இருக்க நினைக்காமல் இயல்பா இரு” என்றவன் இரண்டு நொடிகள் இடைவேளை விட்டு, “நான் முதலில் சொல்ல வந்ததை சொல்லி முடிச்சிருறேன்.. கெளதம் சவிதாவை சேர்த்து வைக்க கெளதம் வாயில் இருந்தே உண்மையை வரவைக்கனும் னு நினைத்து தான் பிளான் போட்டேன்.. கௌதமனும் அஜய்யும்(அவர்களின் கல்லூரி தோழன்) சாப்பிட சென்ற போது அஜய்யை தனியா அழைத்து அவனது செல் நம்பரை வாங்கினேன்.

    என் பிளான் பற்றி கௌதம் அறியாமல் சொன்னேன்.. மாலை, தாலி வாங்கி வந்தது அவன் தான்.. நான் செய்த தப்பு உன்னிடம் சொல்லாமல் அதை செய்தது தான்.. சாரி” என்றான்.

    அவள் ‘சரி’ என்றோ ‘பரவா இல்லை’ என்றோ சொல்லவில்லை ஏன்னெனில் அவள் அப்படி சொல்லும்படி அவன் நடந்துக்கொள்ளவில்லை.

    அவன், “உன் வலி எனக்கு புரியுது ஆனா நான் வேணும் னு செய்யலை.. ப்ளீஸ் புரிஞ்சுக்கோ.. நான் உன்னிடம் சொல்ல தான் உன் ரூமுக்கு வந்தேன்.. ஆனா..” என்று நிறுத்தியவன் சில நொடிகள் மெளனமாக நடந்ததை நினைத்துப் பார்த்தான்.

    அவளும் அதை தான் நினைத்துப் பார்த்தாள்.



    சித்தார்த்தனை வசந்தனின் இசை கல்லூரியில் சந்தித்த பிறகு இன்று சவிதாவின் கழுத்தில் தாலி கட்டிய சில நொடிகளுக்கு முன்பு தான் பார்த்தாள். சவிதா அம்னிஷியாவினால் பாதிக்கப் பட்டது அறியாத ஊர்மிளா பெரிதும் குழம்பினாள். ஏனெனில் அவளுக்கு சித்தார்த்தன் கௌதமனின் நெருங்கிய நட்பு பற்றியும், சவிதா கௌதமனின் காதல் பற்றியும் நன்றாக தெரியும்.
    சித்தார்த்தன் கௌதமன் ஊர்மிளா மற்றும் சவிதா ஒரே கல்லூரியில் தான் படித்தனர். சித்தார்த்தனும் கௌதமனும் இறுதி ஆண்டில் இருந்த போது ஊர்மிளா முதல் ஆண்டில் இருந்தாள். அப்போது தான் அவள் சித்தார்த்தன் மீது ஒருதலையாக காதல் கொண்டது. சித்தார்த்தன் மேல் படிப்பிற்காக வெளிநாடு செல்ல கௌதமன் அதே கல்லூரியில் மேல் படிப்பை தொடர்ந்தான். ஊர்மிளா இரண்டாம் ஆண்டில் இருந்த போது சவிதா அங்கே முதல் ஆண்டில் சேர்ந்தாள். சவிதா கௌதமனின் காதல் கல்லூரியில் அனேக பேருக்கு தெரியும். கெளதமன் சவிதாவின் காதல் மட்டுமே ஊர்மிளாவிற்கு தெரியும்.. அவர்களின் ரகசிய திருமணத்தை பற்றி தெரியாது.

    சித்தார்த்தன் சவிதாவின் கழுத்தில் தாலியை கட்டிய நொடியில் ஊர்மிளா உயிருடன் மரித்தாள் என்று தான் சொல்ல வேண்டும்.. சில நிமிடங்களில் சுயஉணர்வு பெற்றவள் சத்தமின்றி தனக்கு கொடுக்கப் பட்டிருந்த அறைக்கு சென்று தேற்றுவாரின்றி அழுது கரைந்தாள்..

    மூடிய அறையினுள் கௌதமன் தனது காதல் மற்றும் திருமணக் கதையை பற்றி வசந்தன், மகிஷா மற்றும் சவிதாவின் தந்தையிடம் கூறியதை தோட்டத்தில் இருந்தபடி லேசாக திறந்திருந்த ஜன்னல் வழியே சித்தார்த்தன் கேட்டான். அதன் பிறகு சிறு திட்டத்தை தீட்டியவன் ஊர்மிளாவை சந்திக்க சென்றான்.
     
    Rabina likes this.
  7. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    ஊர்மிளா சித்தார்த்தனை பார்த்ததும் தன் அதிர்ச்சியை ஓரம்கட்டி அழுது அழுது ஓய்ந்த தன் கண்களை மறைத்து, "வாங்க" என்றாள்.

    சித்தார்த்தன் ஊர்மிளாவின் முகத்தையே கூர்ந்து பார்க்கவும் ஊர்மிளா, “உட்காருங்க, ரெஸ்ட் ரூம் போயிட்டு வந்துறேன்" என்று கூறி அவசரமாக குளியலறை சென்று வேகவேகமாக குளிர் நீரை முகத்தில் அடித்தாள்.

    ஐந்து நிமிடங்கள் கழித்து வெளிய வந்த ஊர்மிளாவின் கண்கள் எட்டப்பி வேலையை பார்த்து அவள் அழுததை அப்பட்டமாக காட்டிக் கொடுத்தது.

    சிவந்திருந்த ஊர்மிளாவின் கண்ணை கவனிக்காதது போல் சித்தார்த்தன், “எனக்கு ஒரு ஹெல்ப் செய்ய முடியு.........................."

    "என்ன செய்யணும்?"

    சித்தார்த்தன் ஊர்மிளாவின் மின்னல் வேக பதிலில் அசந்து போனான்.

    "நான் என்ன கேட்டாலும் செய்வியா?"

    "செய்வேன்"

    "சாக சொன்னா?"

    "...."

    "என்ன?"

    "இப்ப நான் உயிருடன் இருக்கிறேன் னு நினைக்கிறீங்களா?"

    "பின்ன ஆவியுடனா நான் பேசிட்டு இருக்கிறேன்?"

    ஊர்மிளா கசந்த புன்னகையுடன்,"மனதளவில் நான் இறந்து பல மணி நேரம் ஆகிறது"

    "சரியாக சொல்லணும்னா நான் சவிதாவின் கழுத்தில் தாலி கட்டிய நொடியில் இறந்துவிட்டதாக சொல்ற"

    "..........."

    "அப்போ என்னை கொலைகாரன் னு சொல்ற"

    "நான் அப்படி சொல்லலையே"
    என்று பதறினாள் ஊர்மிளா.

    "பின்ன நீ சொன்னதிற்கு என்ன அர்த்தம்?"

    அவனை தீர்க்கமாக பார்த்தவள், "நான் என் நிலைமையை சொன்னேன்.. அதற்கு நீங்க காரணம் னு சொல்லலை.. இது என் விதி.. நான் உங்களை காதலித்தால் நீங்களும் என்னை காதலிக்கணும் னு அவசியம் இல்லை..
    காதல் தானாக மலர்வது.. வற்புறுத்தினால் வெறுப்பு தான் வரும்.. நான் உங்களை வற்புறுத்தியது கிடையாது.. நான் என் காதலை உங்களிடம் சொல்லவில்லை தான் ஆனால் நான்கு வருடங்களுக்கு முன்பே உங்களுக்கு என் மனம் தெரியும்.. உங்களுக்கு என் மேல் வராத காதல் சவிதா மேல் வந்ததிற்கு உங்கள் மேல் என்ன பிழை இருக்கிறது?
    சேர்ந்து வாழ்ந்தால் மட்டும் தான் காதல் வாழும் என்று இல்லை.. நீங்க சவிதாவுடன் சந்தோசமாக வாழ வேண்டும் என்ற என் எண்ணத்திலும் என் உண்மை காதல் உயிர் வாழும்"

    சித்தார்த்தன் பேச்சிழந்தான். ஊர்மிளாவின் உன்னதமான காதலின் உச்சத்தை அவன் அறிந்துக் கொண்ட நொடி அது.

    நிலவிய மௌனத்தை கலைத்தது ஊர்மிளா தான்.

    "ஏதோ ஹெல்ப் கேட்கணும் னு வந்தீங்களே"

    "..."

    "என்ன ஏதேதோ பேசி உங்களை கஷ்ட படுத்திட்டேனா.. எனக்காக பீல் பண்ண ஒண்ணுமில்லை.. என்ன ஹெல்ப் பண்ணனும் சொல்லுங்க"
    என்று மெலிதாக புன்னகைத்தாள். அந்த புன்னகையின் பின் இருக்கும் வலியை சித்தார்த்தனால் உணர முடிந்தது.

    அப்பொழுது சித்தார்த்தன் எதர்ச்சியாக பார்வையை ஜன்னல் பக்கம் திருப்ப அங்கே அவசரமாக கௌதமன் வெளியேறுவது தெரிந்தது.

    சித்தார்த்தன், "இப்ப விளக்கமா சொல்ல நேரமில்லை ஊர்மிளா.. நீ உடனே.. உடனே.. கிளம்பி அம்மன் கோவிலுக்கு வா" என்று கூறியபடியே வெளியே சென்றான்.

    அதன் பிறகு கோவிலில் நடந்ததை அவள் வாழ் நாளில் மறக்கவே முடியாது..

    கொஞ்சல் அரும்பும்♥♥♥♥♥♥

    எனை கொஞ்சும் சாரலே!! - Comments
    உங்கள் அன்புத் தோழி,
    கோம்ஸ்.
     
    Rabina and Tamilsurabi like this.
  8. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    கொஞ்சல் 3
    [​IMG]

    ஊர்மிளா வசந்தன்
    மற்றும் மகிஷாவுடன் சித்தார்த்தன் குறிப்பிட்ட அம்மன் கோவிலுக்கு சென்ற போது அங்கே கௌதமன் சித்தார்த்தன் மற்றும் அவர்களின் கல்லூரி தோழன் அஜய் இருந்தனர்.

    கௌதமனை பார்த்த ஊர்மிளா,
    "கௌதம்" என்ற முணுமுணுப்புடன் பெரும் அதிர்ச்சியுடன் நிற்க அப்பொழுது சித்தார்த்தன் மற்றவர்கள் அறியாமல் அவளிடம், "நான் என்ன கேட்டாலும் செய்றேன்னு சொல்லிருக்க ஊர்மிளா.. என்ன நடந்தாலும் அதற்கு மறுப்பு சொல்லாம, எதுவும் பேசாமல் அமைதியா இரு.. இதான் நான் உன்னிடம் கேட்கும் உதவி" என்றான்.

    கௌதமன் பக்கம் சென்று நின்ற
    சித்தார்த்தன் வசந்தன், மகிஷா மற்றும் ஊர்மிளாவை தங்கள் எதிரே நிற்க சொன்னான். பிறகு வசந்தனிடம் ஐயர் கொண்டு வந்த தாம்பாளத்தை (பழம்,வெற்றிலை,பாக்கு,மாலைகள் மற்றும் தாலி இருந்தது) சுட்டிக் காட்டி, "அந்த தாம்பாளத்தை வாங்கி கொடு வசந்த்" என்றவன், "என்ன புரியலையா? ஊர்மிளாவின் அண்ணன் ஸ்தானத்தில் இருந்து என் நண்பனுக்கு உன் தங்கை ஊர்மிளாவை கல்யாணம் செய்து கொடுக்க சம்மதிக்குறேன் என்று சொல்லி என்னிடம் கொடு" என்றான்.

    கௌதமன்,"
    சித்தார்த்" என்று குரல் உயர்த்தி அதட்டினான்.

    'இதற்கு பதில் உன் கையால் என்னை நீ கொன்றிருக்கலாம்' என்று கூறிய ஊர்மிளாவின் பார்வையை தவிர்த்த சித்தார்த்தன் கௌதமனிடம், "என்னடா கத்துற? கொஞ்ச நேரத்துக்கு முன்னாடி தான் எனக்கு எல்லா உண்மையும் தெரிந்தது" என்றதும் ஊர்மிளா தவி மற்றவர்கள் கண்களில் பீதி தெரிந்தது.

    சித்தார்த்தன், "நீ காதலித்த பெண் சுனாமியில் இறந்துவிட்டாள் என்ற உண்மை தெரிந்தது”

    கௌதமனும் மகிஷாவும் நிம்மதி மூச்சை வெளியிட்டனர். ஊர்மிளா அதிர்ச்சியிலிருந்து மீளாமல் இருக்க, வசந்தன் ஆராய்ச்சி கண்ணுடன் சித்தார்த்தனை பார்த்துக் கொண்டிருந்தான்.

    சித்தார்த்தன் தொடர்ந்தான், “நாம தான் தப்பா நினைச்சிட்டு இருந்திருக்கிறோம் டா.. ஊர்மிளா அஞ்சு வருசமா லவ் பண்றது உன்னை தான்...ஸோ..................."

    ஊர்மிளா, "
    சித்தார்த்" என்று அலற அவனோ நிதானமாக, "நீ சும்மா இரு ஊர்மிளா.. உண்மையை சொல்ற நேரம் இது தான்.. நான் கேட்டபடி அமைதியா இரு" என்று கூறியவன் கௌதமனிடம்,
    "நீ காதலித்த பெண்ணின் மறைவை மறந்து உன்னை உயிராய் காதலிக்கும் ஊர்மிளாவை கல்யாணம் செஞ்சுக்கோ" என்றான்.

    கௌதமன்,"
    உளறாதே”

    “எது டா உளறல்?”

    “இப்போ நீ பேசியது அனைத்தும் உளறல் தான்.. ஊர்மிளா.............”

    “நீ காதலித்த பெண் சுனாமியில் இறக்கவில்லை?"

    "....."

    தனது காதல் மனைவியை தான் ஒரு தலையாக காதலித்து திருமணம் செய்துக் கொண்டிருக்கிறான் என்ற உண்மையை சித்தார்த்தன் தாங்கமாட்டான் என்பதால் கௌதமன் மௌனமாக இருந்தான்.

    நண்பனின் மௌனத்தை தனக்கு சாதகமாக மாற்றும் எண்ணத்துடன் சித்தார்த்தன் சற்று குரலை உயர்த்தி, "மறைந்தவளை நினைத்து வருந்துவதை விட உன்னை நினைத்து உனக்காக காத்திருக்கும் ஊர்மிளாவை ஏத்துக்கோ" என்றான்.

    "ஊர்மிளா உன்னை தான் காதலித்தாள்"

    "இல்லை அவ உன்னை தான் காதலிக்கிறாள்"

    "பொய்"

    "மெய்"

    "டேய்.. என்னை சோதிக்காத.. எனக்கு நல்ல தெரியும் அவள் என்னை காதலிக்கவில்லை"

    "எப்படி உறுதியா சொல்ற?"

    "...."

    "
    சொல்லு"


    "நான் MBA அதே காலேஜில் தான் படித்தேன் என்பதை மறந்துட்டு பேசுற"

    "
    அதற்கும் இதற்கும் என்ன சம்பந்தம்?"

    "
    என்னை காதலிச்சிருந்தால் அந்த இரண்டு ஆண்டுகளில் சொல்லி இருக்கலாமே"


    "நீ வேற ஒரு பெண்ணை காதலித்ததை அறிந்து தன் காதலை மறைத்திருக்கிறாள்"

    "ச்ச்.. இல்லை டா அவள் என்னை காதலிக்கவில்லை"

    "கௌதம் நான் உன் நண்பன் தானே"

    "இன்னைக்கு என்னடா ஆச்சு உனக்கு?"

    "
    ஒன்றும் ஆகலை.. என் கேள்விக்கு பதில் சொல்லு"


    "ச்ச்.. நீ என் நண்பன் தான்"

    "அப்போ.. நான் சொல்றதை கேளு.. ஊர்மிளாவை இப்பவே கல்யாணம் செஞ்சுக்கோ"

    "அது மட்டும் என்னால் முடியாது"

    "ஏன்?"

    "..."

    "
    ஏன்?"

    "
    ஊர்மிளா என்னை காதலிக்குறா னு உனக்கு யார் சொன்னது?"

    "
    அவள் தான் சொன்னாள்"

    ஊர்மிளா பெரும் அதிர்ச்சியுடன் சித்தார்த்தனை பார்க்க கௌதமன் அதிர்ச்சியுடன் ஊர்மிளாவை பார்த்தான்.
     
    Rabina likes this.
  9. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    மகிஷா,"வசி" என்று முணுமுணுப்பாக அழைக்க வசந்தன்,"என்ன?"என்றான்.

    மகிஷா,"
    இங்க என்ன நடக்கிறது? ஊர்மி நிஜமாவே..........."

    வசந்தன், "
    ஷ்ஷ்... பேசாம நடப்பதை கவனி" என்றான்.

    மகிஷா குழப்பத்துடன் தன்னவனை பார்க்க அவனோ தீவிரமாக நடப்பதை கவனித்துக் கொண்டிருந்தான்.
    அவனுக்கு சித்தார்த்தனின் செயல் ஓரளவிற்கு புரிந்தது.

    கௌதமன்,"
    ஓகே.. அதை அவள் வாயால் என்னிடம் சொல்ல சொல்லு"

    சித்தார்த்தன் இப்பொழுது மௌனம் காக்க,

    வசந்தன்,"
    என் தங்கையை கல்யாணம் செய்து கொள்வதில் உங்களுக்கு என்ன பிரச்சனை?"

    "....."

    வசந்தன், "சொல்லுங்க.. என் தங்கையை கல்யாணம் செய்து கொள்வதில் உங்களுக்கு என்ன பிரச்சனை?"

    "
    நான் திருமணமானவன்"

    சித்தார்த்தன்,"ஆனால் இப்போது உன் மனைவி உயிருடன் இல்லையே! உன்னை உயிராய் காதலிக்கும் பெண்ணை கல்யாணம் செய்து கொள்வதில் உனக்கு என்ன பிரச்சனை?"

    கௌதமன்,"என் மனம்"

    சித்தார்த்தன்,"
    மாற்றம் மட்டுமே மாற்றம் இல்லாத ஒன்று.. ஊர்மிளா உன் மனதை மாற்றுவாள்.. இப்போதே நீ ஊர்மிளாவை கல்யாணம் செஞ்சுக்கிற"

    கௌதமன்,"
    முடியாது"

    "
    ஏன் முடியாது? நண்பனுக்காக எதையும் செய்பவர் தன்னை காதலிக்கும் ஒரு பெண்ணை கல்யாணம் செய்து கொள்ள முடியாதா என்ன?"
    என்ற கேள்வியை கேட்டது கௌதமன் பின் நின்றுக் கொண்டிருந்த சவிதா.

    'சவிதா எப்பொழுது வந்தாள்?' என்ற கேள்வியை அங்கு இருந்த அனைவரின் மனமும் ஒருங்கே கேட்டது.

    கௌதமன் அருகே சென்ற சவிதா அவனுக்கு மட்டும் கேட்கும் மெல்லிய குரலில், “கொஞ்ச நேரத்திற்கு முன் என்னை நினைத்துக் கொண்டு வாழவில்லை.. வேற பெண்ணை கல்யாணம் செய்து கொள்வேன்னு சொன்னியே.. இப்ப ஏன் ஊர்மிளாவை கல்யாணம் செய்ய முடியலை
    ?" என்று கேட்டவள் கௌதமனின் முறைப்பை பொருட்படுத்தாமல் சத்தமாக,
    "சொல்லுங்க மிஸ்டர் கௌதமன், ஏன் ஊர்மிளாவை கல்யாணம் செய்ய முடியாது?" என்று கேட்ட மறுநொடி,

    கௌதமன்,
    "ஓகே நான் ஊர்மிளாவை கல்யாணம் செய்துக்கிறேன்" என்று கூறி தாலியை கையில் எடுத்தான்.

    கௌதமனின் இந்த அதிரடி முடிவை சித்தார்த்தன் உட்பட யாரும் எதிர் பார்க்கவில்லை.

    கௌதமன் தாலியுடன் ஊர்மிளாவை நெருங்க, ஊர்மிளா மறுப்பாக தலை அசைத்து
    பின் வாங்க, சித்தார்த்தன் அவசரமாக கௌதமன் கையிலிருந்து அந்த தாலியை பிடுங்கி ஊர்மிளாவின் கழுத்தில் கட்டினான்.

    சித்தார்த்தனின் இந்த அதிரடி முடிவில் அனைவரும் பேச்சிழந்து நின்றனர். இந்த அதிரடி முடிவை எடுத்த சித்தார்த்தனே பேச்சிழந்து தான் நின்று கொண்டிருந்தான்.

    ஊர்மிளா தனக்கு நிகழ்ந்த திருமணத்தை நம்ப முடியாமல் தாலியை கையில் ஏந்தி அதை வெறித்து பார்த்துக் கொண்டிருந்தாள், அவள் கண்ணிலிருந்து கண்ணீர் வடிந்தது..

    அதிர்ச்சியிலிருந்து முதலில் மீண்ட கௌதமன்,
    "என்ன சித்தார்த் இது? சவிதாவின் நிலை?"

    "
    அவளுக்கு என்ன?"

    "
    அவள் உன் மனைவி?"

    "
    இல்லை.. அவள் உன் காதல் மனைவி"

    "
    சித்தார்த்"

    "
    முட்டாள்.. உன் மனைவியுடன் என்னால் எப்படி வாழ முடியும்?"

    "
    நீ காதலித்து தாலி கட்டிய..................."

    "
    அவள் எப்போதுமே உன் மனைவி தான்.."

    "..."

    "
    சவிதாவை நன்றாக பார்.. அவள் கழுத்தில் நான் கட்டிய தாலி இல்லை.. நீ போட்ட மோதிரம் அவள் கையிலேயே இருக்கிறது.. அவள் மனதில் உனக்கு மட்டும் தான் இடம்"

    "......."
     
    Rabina likes this.
  10. gomathy.arun

    gomathy.arun Well-Known Member

    Joined:
    Dec 5, 2014
    Messages:
    420
    Likes Received:
    343
    Trophy Points:
    63
    Gender:
    Female
    சித்தார்த்தன் ஊர்மிளாவை பார்த்துக் கொண்டே, "ஊர்மிளாவை கல்யாணம் செய்து கொள்ளும் முடிவை நான் சில மணி நேரங்களுக்கு முன்பே எடுத்துட்டேன் ஆனால் இந்த அதிரடி திருமணம் உன்னால் தான் நடந்தது" என்றான்.

    "நீ டைரக்ட்டா சொல்லியிருக்கலாமே"

    "சொல்றதுக்கு முன்னாடியே நீ தான் ஊரைவிட்டு ஓடுறதுலேயே குறியா இருந்தியே! உனக்கு அதிர்ச்சி வைத்தியம் கொடுத்து உன் வாயில் இருந்தே 'சவிதா என் மனைவி' னு சொல்ல வைக்க ட்ரை பண்ணேன்.. சொதப்பிருச்சு.."
    என்று கூறியவன் ஊர்மிளாவிடம்,
    "ரொம்ப சாரி ஊர்மிளா.. உன்னை தான் ரொம்ப கஷ்ட படுத்திட்டேன்.. முதலிலேயே பிளானை உன்னிடம் சொல்லி தான் கூட்டிட்டு வரணும் னு நினைத்தேன் ஆனா இந்த அடாவடிக்காரன் டைம் குடுக்கலை... ரொம்ப ரொம்ப சாரி ஊர்மிளா... ப்ளீஸ்"

    ஊர்மிளா பதில் எதுவும் சொல்லவில்லை, ஆனால் தன்னவன் வருந்தி கெஞ்சுவது பிடிக்காமல் 'சரி' என்பதை போல் தலையை ஆட்டினாள்.

    கௌதமன், "சது" என்று அழைத்து சவிதாவை நெருங்கவும் அவள் அவனது இரண்டு கன்னங்களிலும் பளார் பளார் என்று அறைந்தாள்.

    ஊர்மிளாவை இயல்பிற்கு கொண்டு வரும் முயற்சியில் சித்தார்த்தன், "நான் தப்பிச்சேன் பா.. என் ஆள் அமைதிபடையா இருக்கிறாள்.. இருந்தாலும் ஊர்மிளா சவிதா கூட அதிகமா சேராத அதான் எனக்கு நல்லது" என்றதும் ஊர்மிளா மற்றும் சவிதாவை தவிர மற்ற அனைவரும் சிரித்தனர்.

    அதன் பிறகு அனைவரும் வீட்டிற்கு சென்றனர். கௌதமன்-சவிதா காதல் திருமணத்தை பற்றியும், ஊர்மிளாவின் ஐந்தாண்டு ஒருதலை காதலை பற்றியும் கூறி சமாதானப் படுத்தினர்.

    ஊர்மிளாவின் அன்னை மற்றும் அண்ணனிற்கு சித்தார்த்தன்-ஊர்மிளா திருமண செய்தியை கூறினர். அவர்களும் உடனே கிளம்பி வருவதாக கூறினர். ஊர்மிளாவின் மனம் போல் அவளது திருமணம் நிகழ்ந்ததில் அவர்களுக்கு பெரும் நிம்மதி, மகிழ்ச்சியே.
    கொஞ்சல் அரும்பும்♥♥♥♥♥♥

    எனை கொஞ்சும் சாரலே!! - Comments
    உங்கள் அன்புத் தோழி,
    கோம்ஸ்.
     
    Rabina likes this.

Share This Page