TODAYS NEWS 03.02.2020

Discussion in 'Memes and Funny Videos - Daily Updates' started by NATHIYAMOHANRAJA, Feb 3, 2020.

  1. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா வைரஸ் தொடர்பாக அமெரிக்கா பீதியை கிளப்பியது; உதவி ஏதும் செய்யவில்லை' : சீனா

    கேரளாவில் 3வது நபருக்கு கொரோனா பாதிப்பு இருப்பது உறுதி செய்யப்பட்டுள்ளது. சீனாவில் உஹானிலிருந்து அவர் இந்தியாவுக்கு வந்துள்ளார். வைரஸ் பாதிப்புடைய அந்த நபர் தீவிர கண்காணிப்பில் இருந்து வருகிறார்,” என்று மத்திய சுகாதாரத் துறை அமைச்சகம் அறிக்கை வெளியிட்டுள்ளது.




    [​IMG]
    இந்தியா உள்பட 24 நாடுகளுக்கு கொரோனா வைரஸ் பரவியுள்ளது.


    கொரோனா வைரஸ் உலகம் முழுவதும் பரவி வரும் நிலையில் அதுகுறித்து அமெரிக்கா பீதியைத்தான் கிளப்பியதே தவிர, உதவி ஏதும் தங்களுக்கு செய்யவில்லை என்று சீனா குற்றம் சாட்டியுள்ளது. இந்த விவகாரத்தில் சீன பயணிகளுக்கு அமெரிக்கா தடை விதித்திருந்தது குறிப்பிடத்தக்கது.
    அமெரிக்காவில் கடந்த வெள்ளிக் கிழமையன்று சுகாதார எமர்ஜென்ஸி அறிவிக்கப்பட்டதுடன் கடந்த 2 வாரங்களுக்கு முன்பு சீனாவில் பயணம் செய்த வெளிநாட்டவர்கள் நாட்டுக்குள் வரவும் தற்காலிக தடை விதிக்கப்பட்டது. கொரோனா வைரஸ் தாக்குதலை எதிர்கொள்ள இந்த நடவடிக்கை மேற்கொள்ளப்பட்து.
    இதற்கிடையே, சீனாவில் இருந்து திரும்பிய அமெரிக்கர்கள் 14 நாட்கள் கட்டாய மருத்துவ கண்காணிப்பில் வைக்கப்பட்டுள்ளனர்.
    அமெரிக்காவை பொருத்தளவில் மொத்தம் 8 பேருக்கு கொரோனா வைரஸ் பாதிப்பு இருப்பது உறுதி செய்யப்பட்டுள்ளதாக தகவல்கள் தெரிவிக்கின்றன.
    இந்த நிலையில், சீன வெளியுறவு செய்தித் தொடர்பாளர் ஹூவா சுன்யிங் அளித்துள்ள பேட்டியில், கொரோனா வைரஸை எதிர்கொள்ளும் விஷயத்தில் அமெரிக்கா பீதியைத்தான் கிளப்பி வருகிறது; ஆக்கப்பூர்வமான முறையில் எங்களுக்கு எந்த உதவியும் செய்யவில்லை என்று குற்றம் சாட்டியுள்ளார்.

    இந்தியா உள்பட 24 நாடுகளுக்கு இந்த வைரஸ் பரவியுள்ளது.இதுவரை கொரோனா வைரஸ் பாதிப்பால் சீனாவில் மட்டும் கடந்த நான்கு நாட்களில் 350-க்கும் மேற்பட்டோர் மரணமடைந்துள்ளனர். சீனாவில் உஹான் நகரத்தில்தான் இந்த வைரஸ் தொற்று உருவாகி, மற்ற இடங்களுக்குப் பரவி வருகிறது. தற்போது கேரளாவுக்குத் திரும்பியுள்ள உஹானிலிருந்த 3 மாணவிகளுக்குத்தான் வைரஸ் பாதிப்பு கண்டறியப்பட்டுள்ளது. கொரோனா வைரஸ், 20 நாடுகளில் பரவியுள்ள நிலையில், அதை உலக சுகாதார அவசரநிலையாக பிரகடனப்படுத்தியுள்ளது உலக சுகாதார அமைப்பு.
    “கேரளாவில் 3வது நபருக்கு கொரோனா பாதிப்பு இருப்பது உறுதி செய்யப்பட்டுள்ளது. சீனாவில் உஹானிலிருந்து அவர் இந்தியாவுக்கு வந்துள்ளார். வைரஸ் பாதிப்புடைய அந்த நபர் தீவிர கண்காணிப்பில் இருந்து வருகிறார்,” என்று மத்திய சுகாதாரத் துறை அமைச்சகம் அறிக்கை வெளியிட்டுள்ளது.
    “காசார்கோட்டில் இருக்கும் கஞ்சங்காடு மாவட்ட மருத்துவமனையில் நோயாளிக்கு சிகிச்சை அளிக்கப்பட்டு வருகிறது,” என்று கேரள சுகாதாரத் துறை அமைச்சர் ஷைலஜா கூறியுள்ளார்.
    இதுவரை கண்டறியப்பட்டுள்ள 3 பாதிப்புகளுமே கேரள மாநிலத்தின் வெவ்வேறு இடங்களில் இருந்து வந்துள்ளன. அம்மாநிலத்தில் 1,700 பேருக்கு கொரோனா பாதிப்பு இருக்குமோ என்கிற சந்தேகத்தில் கண்காணிக்கப்பட்டு வருகின்றனர். அதிலும் 70 பேர் மருத்துவமனைகளில் தனி வார்டுகள் மூலம் கண்காணிக்கப்பட்டு வருகின்றனர்.
     
  2. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    பட்ஜெட் 2020: கலாய்த்து தள்ளிய சீமான்!!

    அனைத்துப் பொதுத் துறை நிறுவனங்களும் விற்பனைக்கு என்று அறிவித்துவிட்டார்கள். எல்ஐசி விற்பனைக்கு, இந்திய ஏர்லைன்ஸ் விற்பனைக்கு…"




    [​IMG]
    "சீக்கிரமே இந்தியாவும் விற்பனைக்கு வரும். அதையும் யாராவது கருணை பார்த்து டெண்டர் எடுக்க வேண்டும்."




    Budget 2020: நாம் தமிழர் கட்சி சார்பில் ஒருங்கிணைக்கப்பட்ட கூட்டம் ஒன்றில் பேசிய அக்கட்சியின் தலைமை ஒருங்கிணைப்பாளர் சீமான், இரண்டு நாட்களுக்கு முன்னர் தாக்கல் செய்யப்பட்ட 2020 - 21 நிதி ஆண்டிற்கான மத்திய பட்ஜெட் குறித்து கேலியாக பேசி விமர்சித்துள்ளார்.
    கூட்டத்தில் சீமான், “ஜல் சல் திட்டமென்ற ஒன்றை அறிவித்துள்ளார்கள். அதற்கு 12 ஆயிரம் கோடி ரூபாய் ஒதுக்கீடு. இன்னொருத் திட்டத்திற்கு 16 ஆயிரம் கோடி ரூபாய் ஒதுக்கீடு. ஒரு லட்சம் கோடி ஒதுக்கீடு, 2 லட்சம் கோடி ஒதுக்கீடு என்று எல்லாவற்றுக்கும் ஒதுக்கீடு செய்து கொண்டே போவார்கள். எதவும் நமக்கு வராது. அதான் முன்னரே அதையெல்லாம் ஒதுக்கிவிட்டு விட்டார்களே. பிறகு எப்படி அது நமக்கு வரும்.
    அனைத்துப் பொதுத் துறை நிறுவனங்களும் விற்பனைக்கு என்று அறிவித்துவிட்டார்கள். எல்ஐசி விற்பனைக்கு, இந்திய ஏர்லைன்ஸ் விற்பனைக்கு… யாரிடமாவது காசு, பணம் இருந்தால், அதை வாங்கிப் போடுங்கள். பிற்காலத்தில் உங்களுக்குப் பயன்படும். சீக்கிரமே இந்தியாவும் விற்பனைக்கு வரும். அதையும் யாராவது கருணை பார்த்து டெ

    உலகின் ஆகச்சிறந்த அறிவாளிகள் தற்போது நாட்டை ஆட்சி செய்து கொண்டிருக்கிறார்கள். அரசுக்குச் சொந்தமான விமான நிறுவனத்தை விற்க ஒரு பக்கம் ஏற்பாடு நடந்து கொண்டிருக்கிறது. இன்னொரு பக்கம், 100 விமான நிலையங்களைக் கட்ட திட்டம் தீட்டப்பட்டு வருகிறது. அப்படியென்றால் விமான நிலையம் யாருக்காக கட்டப்படுகிறது. அந்த விமான நிலையங்களில் நாங்கள் என்ன ஓடிப் பிடித்தா விளையாடப் போகிறோம்,” என்று கேள்வி எழுப்பியுள்ளார்.
     
  3. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    பாலியல் குற்றச்சாட்டில் சிறையில் உள்ள பாஜகவை சேர்ந்த சின்மயானந்த்துக்கு ஜாமின்!

    சட்டக்கல்லூரி மாணவியிடம் பாலியல் வன்கொடுமையில் ஈடுபட்ட குற்றச்சாட்டில் கைது செய்யப்பட்டு கடந்த செப்டம்பர் மாதம் முதல் சிறையில் உள்ள முன்னாள் மத்திய அமைச்சர் சின்மயாந்த்திற்கு அலகாபாத் உயர்நீதிமன்றம் இன்று ஜாமின் வழங்கியுள்ளது.
    ஷாஜகான்பூரில் உள்ள சின்மயானந்துக்கு சொந்தமான கல்லூரியில் முதுநிலை சட்டப் படிப்பு படித்து வந்த இளம் பெண் ஒருவர், சின்மயானந்த் பாலியல் தொல்லை கொடுத்ததாக புகாரளித்தார்.
    இதைத்தொடர்ந்து, அதிகாரத்தில் இருந்து தனது பதவியை துஷ்பிரயோகம் செய்தது, கடத்தல் உள்ளிட்ட பல்வேறு பிரிவுகளின் கீழ் வழக்கு பதிவு செய்யப்பட்டது. இந்த வழக்கை விசாரித்த சிறப்பு புலனாய்வுக் குழு, அவர் குற்றத்தை ஒப்புகொண்டதாக தெரிவித்தனர்.
     
  4. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    பிபிசியின் சிறந்த இந்திய விளையாட்டு வீராங்கனை விருது: உங்களுக்கு பிடித்த வீராங்கனைக்கு வாக்களியுங்கள்

    2019ஆம் ஆண்டுக்கான சிறந்த இந்திய வீராங்கனை விருது வழங்கும் விழாவை இந்தியாவில் முதல்முறையாக நடத்துகிறது பிபிசி. பொது மக்கள் வாக்களிப்பதற்காக தேர்ந்தெடுக்கப்பட்ட வீராங்கனைகள் பெயர்களையும் பிபிசி அறிவித்துள்ளது.



    உங்களுக்கு பிடித்த இந்திய வீராங்கனைக்கு வாக்களித்து அவரை நீங்கள் வெற்றிபெற செய்யலாம்.

    பிபிசியின் ஏதேனும் ஒர் இந்திய மொழி சேவையின் வலைதளத்திற்கு சென்று நீங்கள் வாக்களிக்கலாம்.

    2020 பிப்ரவரி 17, 23:30 மணி (இந்திய நேரப்படி) வரை வாக்களிக்க முடியும். இதில் வெற்றி பெறும் வீராங்கனையின் பெயர் மார்ச் 8 -ஆம் தேதியன்று டெல்லியில் நடைபெறும் விழாவில் அறிவிக்கப்படும். இதற்கான விதிமுறைகள் மற்றும் தனியுரிமை அறிவிப்பு (Privacy notice) ஆகியவை வலைதளத்தில் குறிப்பிடப்பட்டுள்ளது.
    [​IMG]

    இதன் முடிவுகள் பிபிசி இந்திய மொழி சேவைகளின் வலைதளங்களில் அறிவிக்கப்படும். மேலும் பிபிசி ஸ்போர்ட்ஸ் வலைதளத்திலும் உங்களால் முடிவுகளை தெரிந்து கொள்ளமுடியும்.


    பொதுமக்களின் அதிக வாக்குகள் பெறும் வீராங்கனையே பிபிசியின் இந்தாண்டுக்கான விளையாட்டு வீராங்கனையாக தேர்ந்தெடுக்கப்படுவார்.
    வீராங்கணைகள் பெயர்கள் அறிவிப்பு
    பொதுமக்கள் வாக்களிப்பிற்காக தேர்ந்தெடுக்கப்பட்டுள்ள வீராங்கனைகள் பெயர்களை அறிவிப்பதற்காக டெல்லியில் இன்று நடத்தப்பட்ட செய்தியாளர் சந்திப்பில் பேசிய பிபிசி இந்திய மொழிச் சேவைகள் பிரிவின் தலைவர் ரூபா ஜா, "இந்திய பெண்கள் புதிய வரலாற்றை எழுதுகிறார்கள். ஆனால் இதுவரை நாம் அதிகம் அவர்களை ஈடுபடுத்தி உரையாடவில்லை. வாய்ப்பு கிடைக்காதவர்களுக்கு இடமும் குரலும் கொடுப்பது பிபிசிக்கு மிக முக்கியமானது. இதை பிபிசி மிக வலுவாக உணர்கிறது. இது தொடர்பாக எங்களுக்கு கடமை இருக்கிறது. இதையொட்டி ஒரு உரையாடலைக் கட்டியெழுப்ப விரும்புகிறோம். இது நாங்கள் எடுத்து வைக்கும் முதல் அடி" என்றார் அவர்.

    பிபிசி இந்தியா பசிபிக் பிராந்தியத்தின் வணிக மேம்பாட்டுப் பிரிவுத் தலைவர் இந்து சேகர் சின்ஹா பேசுகையில், "இளம் விளையாட்டு வீராங்கணைகளின் நம்பிக்கையை வலுப்படுத்துவது, பத்திரிகையாளர்களாக நமது கடமை. எங்கள் நேயர்களோடு தொடர்ந்து கலந்துரையாடுவதை அங்கீகரிக்கும் செயல்தான் இந்த நிகழ்வு. இதற்காகத்தான் இந்த ஆண்டுக்கான இந்திய விளையாட்டு வீராங்கனை விருது வழங்குகிறது பிபிசி" என்று பேசினார்.
    [​IMG]

    நிகழ்ச்சியில் பங்கேற்ற மல்யுத்த வீராங்கணை சோனம் மாலிக் பேசும்போது, "நான் சாக்ஷியை வெல்வேன் என்று நினைக்கவில்லை. ஆனால், அதற்காக நன்கு தயாரித்துக்கொண்டேன். என் நாட்டுக்காக விளையாடி வெல்லவேண்டும் என எப்போதும் விரும்பினேன்" என்று குறிப்பிட்டார்.

    மேலும் தலைசிறந்த இந்திய விளையாட்டு வீராங்கனை ஒருவருக்கு, வாழ்நாள் சாதனை விருது வழங்கியும் பிபிசி கௌரவிக்கிறது.


    நாட்டின் தலைசிறந்த விளையாட்டு செய்தியாளர்கள், நிபுணர்கள் மற்றும் எழுத்தாளர்களால் இந்த ஐந்து வீராங்கனைகளும் தேர்ந்தெடுக்கப்பட்டனர். தேர்ந்தெடுக்கும் குழுவினரால் அதிகமுறை பரிந்துரைக்கப்பட்ட விளையாட்டு வீராங்கனைகள், பொதுமக்கள் வாக்களிப்புக்காக முன்மொழியப்பட்டுள்ளன.

    அந்த ஐந்து வீராங்கனைகள் யார் யார்?

    1.தூத்தி சந்த்
    [​IMG]

    வயது 23, விளையாட்டு: தடகளம்


    பெண்கள் 100 மீட்டர் ஓட்டப்பந்தயத்தில் தற்போது இந்திய தேசிய சாம்பியனாக திகழ்கிறார் தூத்தி சந்த். 2016 கோடைகால ஒலிம்பிக்ஸில் பெண்கள் 100 மீட்டர் ஓட்டப்பந்தயத்திற்கு தகுதி பெற்ற மூன்றாவது இந்திய வீராங்கனை இவர். 2018ல் நடைபெற்ற ஜகார்தா ஆசிய விளையாட்டுப் போட்டிகளில் பெண்களுக்கான 100 மீட்டர் ஓட்டப்பந்தயத்தில் தூத்தி சந்த் வெள்ளிப்பதக்கம் வென்றார். 1998 ஆம் ஆண்டிற்கு பிறகு இந்தியா இதில் வென்ற முதல் பதக்கம் இது. பல சர்ச்சைகளை கடந்து வந்த இவர், இந்தியாவின் சிறந்த தடகள வீராங்கனையாக விளங்குகிறார்.

    2. மானசி ஜோஷி
    [​IMG]
    வயது: 30, விளையாட்டு: பாரா-பேட்மிண்டன்

    2019ஆம் ஆண்டு சுவிட்ஸர்லாந்தில் நடைபெற்ற பாரா-பேட்மிண்டன் உலக சாம்பியன்ஷிப் போட்டியில் தங்கப்பதக்கத்தை வென்றவர் மானசி ஜோஷி. உலகின் தலைசிறந்த பாரா பேட்மிண்டன் வீராங்கனை பட்டியலில் இவர் முன்னணியில் உள்ளார். ஜகார்தாவில் 2018ல் நடைபெற்ற ஆசிய பாரா விளையாட்டுப் போட்டியில் வெண்கலப்பதக்கத்தை தன்வசமாக்கிக் கொண்டார்.


    2011ஆம் ஆண்டு நிகழ்ந்த விபத்தில் தனது இடது காலை இழந்தார் மானசி ஜோஷி. ஆனால், உலகின் தலைசிறந்த பேட்மிண்டன் வீராங்கனையாக திகழ வேண்டும் என்ற அவரது விருப்பத்தை அது தடுக்கவில்லை.

    3. மேரி கோம்
    [​IMG]

    வயது: 36, விளையாட்டு: குத்துச்சண்டை (ப்ளைவெயிட் பிரிவு)

    பிரபலமாக மேரி கோம் என்று அழைக்கப்படும் மாங்க்டே சங்கினிசாங், இதுவரை எட்டு உலக சாம்பியன்ஷிப் பதக்கங்களை வென்ற ஒரே குத்துச்சண்டை வீரராவார் (ஆண்கள் அல்லது பெண்கள்). உலக தொழில்சாரா குத்துச்சண்டை சாம்பியன் பட்டத்தை 6 முறைகள் வென்றுள்ளார் மேரி கோம். ஒலிம்பிக் பதக்கம் வென்ற ஒரே இந்திய பெண் குத்துச்சண்டை வீராங்கனையாக மேரி கோம் திகழ்கிறார்.


    மாநிலங்களவை உறுப்பினராக பரிந்துரைக்கப்பட்ட மேரி கோம், அவரது பெயருக்கு முன்னால் 'OLY' என்ற அடையாளத்தை வழங்கி உலக ஒலிம்பியன்ஸ் அமைப்பு அங்கீகரித்துள்ளது.

    4. பி வி சிந்து
    [​IMG]

    வயது 24, விளையாட்டு: பேட்மிண்டன்

    கடந்த ஆண்டு சுவிட்ஸர்லாந்தில் நடைபெற்ற உலக பேட்மிண்டன் சாம்பியன்ஷிப் போட்டியில் தங்கம் வென்ற முதல் இந்தியப் பெண் விளையாட்டு வீராங்கனையானார் பி.வி சிந்து. உலக சாம்பின்யன்ஷிப் போட்டிகளில் மொத்தம் 5 பதக்கங்களை அவர் வென்றுள்ளார். மேலும் ஒலிம்பிக்ஸ் போட்டியில் பேட்மிண்டன் ஒற்றையர் பிரிவில் வெள்ளிப்பதக்கம் வென்ற முதல் இந்தியர் பிவி சிந்து.


    உலக பேட்மிண்டன் கூட்டமைப்பின் முதல் 20 வீரர்களின் பட்டியலில் சிந்து செப்டம்பர் 2012ஆம் ஆண்டே இடம்பெற்றார். அப்போது அவருக்கு 17 வயதுதான். கடந்த நான்கு ஆண்டுகளாக முதல் 10 இடங்களில் தொடர்ந்து நீடித்து வருகிறார். வரவிருக்கும் டோக்கியோ ஒலிம்பிக்ஸ் போட்டியில் பிவி சிந்து வெல்வார் என்ற நம்பிக்கையுடன் இருக்கிறார்கள் இந்திய பேட்மிண்டன் ரசிகர்கள்.

    5. வினேஷ் போகாட்
    [​IMG]

    வயது: 25, விளையாட்டு: மல்யுத்தம் (ஃப்ரீஸ்டைல் பிரிவு)

    2018ஆம் ஆண்டு ஜகார்தா ஆசிய விளையாட்டு போட்டிகளில் தங்கம் வென்ற முதல் இந்திய பெண் மல்யுத்த வீராங்களை வினேஷ். காமன்வெல்த் போட்டிகளிலும் இரண்டு தங்கப்பதக்கங்களை இவர் வென்றுள்ளார். 2019ல் உலக சாம்பியன்ஷிப் போட்டியில் முதன்முறையாக வென்ற வினேஷ், வெண்கலப்பதக்கம் பெற்றார்.
     
  5. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    முகத்தை மூடிக் கொள்வதால் வைரஸ் பரவுவதைத் தடுத்துவிட முடியுமா?

    வைரஸ் பரவும் போதெல்லாம் மக்கள் முகத்துக்கு சர்ஜிக்கல் மாஸ்க் அணிந்து மூடிக் கொள்ளும் படங்களைப் பார்ப்பது வழக்கமாகிவிட்டது. நோய்த் தொற்று பரவாமல் தடுப்பதற்கு அவற்றைப் பயன்படுத்துவது உலகம் முழுக்க பல நாடுகளில் இது வழக்கமாகிவிட்டது.

    சீனாவில் அதிகமான மாசுபாட்டில் இருந்து காத்துக் கொள்வதற்காக பலர் இதை அணிந்து வந்த சூழ்நிலையில், இப்போது கரோனா வைரஸ் பரவும் ஆபத்தில் இருந்து காத்துக் கொள்வதற்காக அதிகமானோர் இதைப் பயன்படுத்துகின்றனர்.

    காற்றில் வரும் வைரஸ் பரவுவதைத் தடுக்க இது எந்த அளவுக்கு திறன்மிக்கதாக இருக்கும் என்று வைரஸ் ஆராய்ச்சியாளர்கள் சந்தேகம் தெரிவிக்கின்றனர்.

    கைகளில் இருந்து வாய் மூலமாக தொற்று பரவாமல் தடுப்பதில் இந்த முகத்திரைகள் ஓரளவுக்கு திறன்மிக்கவையாக உள்ளன என்பதற்கு சில ஆதாரங்கள் இருக்கின்றன.


    சர்ஜிக்கல் மாஸ்க் எனப்படும் இந்த முகத்திரைகள் அணிவது 18 ஆம் நூற்றாண்டின் பிற்பகுதியில் மருத்துவமனைகளில் பழக்கத்துக்கு வந்தன. ஆனால் 1919ல் 50 மில்லியன் பேருக்கும் மேல் உயிரிழக்கக் காரணமாக இருந்த ஸ்பானிஷ் ஃப்ளூ பரவிய காலம் வரையில் இது பொது மக்கள் பயன்பாட்டுக்கு வரவில்லை.

    ``காற்றில் கலந்துள்ள வைரஸ் அல்லது பாக்டீரியாவைத் தடுப்பதில் வழக்கமான சர்ஜிகல் மாஸ்க் -குகள் திறன்மிக்க பாதுகாப்பு தருவது கிடையாது'' என்று லண்டன் பல்கலைக்கழகத்தைச் சேர்ந்த டாக்டர் டேவிட் கேர்ரிங்டன் பிபிசியிடம் கூறினார். அதனால் தான் ``பெரும்பாலான வைரஸ்கள்'' தொற்றிக் கொள்கின்றன, ஏனெனில் அந்த முகத்திரைகளில் இழைகள் இடைவெளி உள்ளதாக உள்ளன, காற்றை வடிகட்டும் வசதி இதில் இல்லை, கண்களுக்குப் பாதுகாப்பு இல்லை என்று அவர் தெரிவித்தார்.

    ஒருவர் தும்மும் போதோ அல்லது இருமும்போதோ ``திடீரென வெளியாகும்'' கிருமிகள் நம்மைத் தாக்காமல் காப்பாற்ற அவை உதவியாக இருக்கும். கைகளில் இருந்து வாய் வழியாக கிருமிகள் தொற்றுவதும் ஓரளவுக்கு தவிர்க்கப்படும். மனிதர்கள் ஒரு மணி நேரத்தில் 23 முறை தங்கள் முகத்தைத் தொடுவதாக 2016ல் நியூ சவுத் வேல்ஸ் பகுதியில் நடத்திய ஓர் ஆய்வில் தெரிய வந்துள்ளது.

    [​IMG]
    Corona Virus
    நாட்டிங்ஹாம் பல்கலைக்கழக மூலக்கூறு வைரஸ் ஆராய்ச்சித் துறை பேராசிரியர் ஜோனாதன் பால், ``மருத்துவமனை போன்ற நன்கு கட்டுப்படுத்தப்பட்ட சூழ்நிலையில் நடத்திய ஆய்வில், ப்ளூ காய்ச்சல் தொற்றை தடுப்பதில் முகத்துக்கான மாஸ்க் -குகள் நல்ல பலன் தருவதாக கண்டறியப்பட்டது'' என்று கூறியுள்ளார். சுவாசத்துக்கான வலைமூடிக் கருவியைப் போன்ற பயனை இது தருவதாக அவர் குறிப்பிட்டுள்ளார்.

    சுவாசத்துக்கான வலைமூடிக் கருவிகள், விசேஷமான காற்று வடிப்பான் அம்சங்கள் கொண்டதாக, காற்றில் மிதந்து வரும் நச்சுத் துகள்களை வடிகட்டி தடுக்கும் வகையில் வடிவமைக்கப்படுகின்றன.

    ``இருந்தபோதிலும், பொது இடங்களில் மக்கள் பயன்படுத்தும்போது அது எந்த அளவுக்கு திறன்மிக்கதாக இருக்கும் என்று பார்த்தால், தகவல்கள் ஊக்கம் தருவதாக இல்லை - அதிக நேரத்துக்கு அவற்றை அணிந்து கொண்டிருப்பது என்பது இயலாத விஷயமாக உள்ளது'' என்று பேராசிரியர் பால் கூறியுள்ளார்.

    பெல்பாஸ்ட் குயின்ஸ் பல்கலைக்கழகத்தில், வெல்கம் - வுல்ப்சன் பரிசோதனை மருத்துவ நிலையத்தைச் சேர்ந்த டாக்டர் கன்னோர் பாம்ஃபோர்டு, ``சாதாரணமான சுகாதார நடவடிக்கைகளை மேற்கொள்வது'' பெரும்பாலும் மிக திறன்மிக்கதாக இருக்கும் என்று கூறுகிறார்.

    [​IMG]
    corona virus
    ``தும்மும்போது வாயை மூடிக் கொள்வது, கைகளைக் கழுவுதல், கழுவாமல் கைகளை வாயில் வைப்பதை தவிர்த்தல் போன்ற பழக்கங்கள் இருந்தால் சுவாசம் மூலம் வைரஸ்கள் பரவும் ஆபத்தைக் குறைக்க முடியும்'' என்று அவர் கூறுகிறார்.

    ஃப்ளூ போன்ற வைரஸ்கள் பரவாமல் தடுக்க பின்வரும் வழிமுறைகள் சிறந்தவையாக இருக்கும் என என்.எச்.எஸ். கூறுகிறது:

    •கைகளை இளம் சூடான நீரில் சோப்பு போட்டு அடிக்கடி கழுவ வேண்டும்

    •முடிந்த வரை கண்கள் மற்றும் மூக்கை கைகளால் தொடுவதைத் தவிர்க்க வேண்டும்

    •ஆரோக்கியமான, உடல் தகுதியான வாழ்க்கை முறையை கடைபிடிக்க வேண்டும்

    இங்கிலாந்து பொது சுகாதாரத் துறையில் தொற்றுநோய்கள் மற்றும் விலங்குகளிடம் இருந்து மனிதர்களுக்குப் பரவும் நோய்கள் பற்றிய ஆராய்ச்சித் துறையின் தலைவராக உள்ள டாக்டர் ஜேக் டன்னிங், ``முகத்துக்கு மாஸ்க் போட்டுக் கொள்வது பயன்தரும் என்ற எண்ணம் இருந்தாலும், மருத்துவமனை சூழலுக்கு வெளியில் உள்ள பகுதிகளில் இதைப் பயன்படுத்துவதால் எந்த அளவுக்குப் பயன் கிடைக்கும் என்பதற்கு மிகக் குறைந்த ஆதாரங்களே உள்ளன'' என்று கூறுகிறார்.

    இவை நல்ல பலனைத் தர வேண்டுமானால், இவற்றை சரியாக அணிய வேண்டும், அடிக்கடி மாற்ற வேண்டும், பாதுகாப்பாக அதை அப்புறப்படுத்த வேண்டும் என அவர் குறிப்பிடுகிறார்.

    ``குறிப்பிட்ட காலத்துக்கும் அதிகமாக மாஸ்க் அணிவதால், தொற்று நோய் பரவும் ஆபத்தைக் குறைக்க வேண்டுமானால், பரிந்துரைக்கப்பட்ட பழக்கங்களைப் பின்பற்ற வேண்டும் என ஆராய்ச்சிகள் காட்டுகின்றன'' என்கிறார் அவர்.

    மக்களுக்கு உண்மையிலேயே அக்கறை இருந்தால், தனிப்பட்ட முறையில் நல்ல பழக்கங்கள் மற்றும் கைகளை சுத்தமாக வைத்துக் கொள்ளும் பழக்கங்கத்தைப் பின்பற்றுவதில் கவனம் செலுத்த வேண்டும் என்று டாக்டர் டன்னிங் கூறியுள்ளார்.
     
  6. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா வைரஸ் - ஹாங்காங் மருத்துவ ஊழியர்கள் போராட்டம்: நடப்பது என்ன?

    சீன பெருநிலப்பரப்பின் எல்லை வழியே ஹாங்காங் வருபவர்களுக்கு முழுமையாக தடை விதிக்க வேண்டும் என ஹாங்காங்கில் நூற்றுக்கணக்கான மருத்துவ ஊழியர்கள் போராட்டத்தில் ஈடுபட்டனர்.


    Corona Virus

    தங்களின் எல்லை தாண்டி வரும் ரயில் மற்றும் படகு சேவைகளுக்கு ஏற்கனவே ஹாங்காங் தடை விதித்துள்ளது. ஆனால் சுகாதாரத்துறை ஊழியர்கள் முழுமையான தடை கோருகின்றனர்.

    முழுமையாக தடை விதிப்பது, உலக சுகாதார அமைப்பின் அறிவுரைக்கு எதிரானது என ஹாங்காங் அரசு அதிகாரிகள் தெரிவிக்கின்றனர். ஹாங்காங்கில் 15 பேருக்கு வைரஸ் பாதிப்பு இருப்பது உறுதி செய்யப்பட்டுள்ளது.

    சீன பெருநிலப்பரப்பின் எல்லையில் இருந்து ஹாங்காங் வருபவருக்கு முழுமையாக தடை விதிக்காவிட்டால், தேவையான பாதுகாப்பு நடவடிக்கைகள் மேற்கொள்வதில் சிக்கல் ஏற்படும், போதிய மருத்துவ ஊழியர்கள் இங்கு இல்லை என புதிதாக உருவாக்கப்பட்ட மருத்துவமனையின் உயர் அதிகாரி வின்னி யூ கூறுகிறார்.

    ஹாங்காங் 7 மில்லியன் மக்கள் தொகையை கொண்ட முக்கிய நகரம். சீன அரசாங்கத்திற்கு கீழ் செயல்படும் நகரமாக ஹாங்காங் விளங்கினாலும், அந்த பிராந்தியத்துக்கு சுயாட்சி அதிகாரம் உள்ளது.

    சீனாவில் இருந்து ஹாங்காங்கிற்கு பயணம் மேற்கொள்ளவிரும்பும் பயணிகளுக்கான விசாவிற்கு தடை விதிக்கப்பட்டுள்ளது. இந்நிலையில், கொரோனா வைரஸின் மையப்புள்ளியான சீனாவின் வுஹான் நகரில், தொடர்ந்து அதிக அளவில் மக்கள் இந்த வைரஸ் தாக்குதலால் பாதிப்படைந்து வருவதால் அந்நாட்டு அரசு ஒரு புதிய மருத்துவமனையை இதற்காக திறக்கவுள்ளது.

    1000 படுக்கைகள் கொண்ட வுஹானின் ஹூஷென்ஷான் மருத்துவமனை எட்டே நாட்களில் கட்டி முடிக்கப்பட்டது. கொரோனா வைரஸ் பரவிவருவதை கட்டுப்படுத்த ஏற்படுத்த இரண்டு பிரத்யேக மருத்துவமனைகளில் இந்த மருத்துவமனையும் ஒன்றாகும்.

    சீனாவில் மற்றும் 17,000 பேருக்கு கொரோனா வைரஸ் பாதிப்பு உள்ளது உறுதி செய்யப்பட்டுள்ளது. இதில் 361 பேர் உயிரிழந்துள்ளனர். சீனாவிற்கு வெளியே 150 பேருக்கு வைரஸ் பாதிப்பு உள்ளதும் உறுதி செய்யப்பட்டுள்ளது. ஃபிலிப்பைன்சில் உள்ள ஒருவரும் கொரோனா வைரஸ் பாதிப்பால் உயிரிழந்துள்ளார்.
     
  7. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    "என்னை வன்புணர்வு செய்து, என்மீது சிறுநீர் கழித்தார்” - ஒரு நடிகையின் வாக்குமூலம்


    ஹாலிவுட் தயாரிப்பாளரான 66 வயதாகும் ஹார்வி வைன்ஸ்டீன் மீது டஜன் கணக்கான பெண்கள் பாலியல் வன்புணர்வு மற்றும் பாலியல் தாக்குதல் புகார்களை தெரிவித்திருந்தனர். அந்த வழக்கு நீதிமன்றத்தில் நடைபெறும் சூழலில், ஹார்வியால் தாம் அடைந்த இன்னல்களை பகிர்ந்துள்ளார் ஹாலிவுட்டில் முன்னணி நடிகையாக முயற்சித்த ஜெசிகா.

    பின்வரும் தகவல்கள் உங்களுக்குக் கவலை அளிக்கலாம்.

    இனி அவர் கூறியவற்றிலிருந்து,

    2012 இறுதியில் அல்லது 2013 தொடக்கத்தில் ஒரு பார்ட்டியில் ஹார்வியை சந்தித்தேன். திரைப்பட நாயகி ஆக வேண்டும் என்ற என் விருப்பத்தை அவரிடம் பகிர்ந்தேன். அவர் என்னையும், ஒரு நண்பரையும் லாஸ் ஏஞ்சல்ஸில் உள்ள ஒரு ஹோட்டலுக்கு வர கூறினார். நான் அந்த ஹோட்டல் அறைக்கு சென்றதும் என்னைப் படுக்கையில் தள்ளி வாய் வழி புணர்ச்சியில் ஈடுபட்டார்.

    பின் அவருடன் ஒரு உறவில் இருந்ததாகவும், ஆனால் அந்த உறவில் ஏகப்பட்ட வன்முறைகளை எதிர்கொண்டதாகவும் ஜெசிகா கூறி உள்ளார்.

    என்னை வன்புணர்வு செய்து, என் மீது ஒரு முறை சிறுநீர் கழித்தார்.

    'நோ' என்ற வார்த்தையைக் கேட்டால், அவர் தூண்டப்பட்டுவிடுவார். வேண்டாம் என்றால் விடமாட்டார் என்று ஜெசிகா கூறி உள்ளார்.

    இவ்வளவு நடந்தும் அவருடன் உறவில் இருந்ததற்கு என்ன காரணம் என்ற கேள்விக்கு, "இதற்கு சுருக்கமான பதில் ஏதும் என்னிடம் இல்லை" என்று கூறி உள்ளார்.

    தொடக்கத்தில் பாலியல் தாக்குதலை எதிர்கொண்டது, என்னைக் குழப்பமடைய செய்தது. ஒரு பயத்துடன்தான் அவருடனான உறவைத் தொடர்ந்தேன் என்று ஜெசிகா கூறுகிறார்.

    ஜெசிகா முன்வைக்கும் குற்றச்சாட்டுகள் அனைத்தையும் ஹார்வி மறுக்கிறார்.

    ஜெசிகா உடனான உறவானது இருதரப்பு ஒப்புதலுடன் நடந்த ஒன்று என்கிறார் ஹார்வி தரப்பு வழக்கறிஞர்.

    தொடர்புடைய செய்தி:பாலியல் குற்றச்சாட்டுகளை தள்ளுபடி செய்ய கோருகிறார் ஹார்வி வைன்ஸ்டீன்
     
  8. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    டகால்டி: சினிமா விமர்சனம்!

    திரைப்படம் டகால்டி
    நடிகர்கள் சந்தானம், ராதாரவி, ரித்திகா சென், தருண் அரோரா, யோகி பாபு, ரேகா, சந்தான பாரதி
    இயக்கம் விஜய் ஆனந்த்


    சந்தானம் நடித்து இதற்கு முன்பாக வெளிவந்த 'ஏ1' திரைப்படம் வெற்றிபெற்றிருந்த நிலையில், ஒரே நாளில் 'டகால்டி', 'சர்வர் சுந்தரம்' ஆகிய இரு படங்களும் வெளியாகவிருக்கிறது என்ற செய்தி சந்தானம் ரசிகர்களை மகிழ்ச்சியில் ஆழ்த்தியிருந்தது. பிறகு, 'டகால்டி' மட்டும் இந்த வாரம் ரிலீஸாக, சர்வர் சுந்தரம் மேலும் இரு வாரங்களுக்குத் தள்ளிப் போயிருக்கிறது.

    டகால்டியின் கதை இதுதான்: சாம்ராட் (தருண் அரோரா) மிகப் பெரிய பணக்காரன். தன் கம்ப்யூட்டரில் ஒரு பெண்ணின் படத்தை வரைந்தால், அதே போன்ற பெண்ணைத் தேடிப் பிடித்துவந்து ஆசையைத் தீர்த்துக்கொள்ளும் விபரீதமான பழக்கம் அவருக்கு இருக்கிறது. படத்தின் துவக்கத்தில் கதாநாயகியின் (ரித்திகா சென்) படத்தை வரைந்து, அந்தப் பெண்ணை அழைத்துவரச் சொல்கிறார்.

    இந்தியா முழுவதும் பலரும் இந்தத் தேடுதல் வேட்டையில் ஈடுபட்டிருக்க, மும்பையில் போதைப் பொருள் கடத்தும் குருவும் (சந்தானம்) அந்த பெண்ணைத் தேடிச் செல்கிறான். அந்தப் பெண் திருச்செந்தூரில் இருப்பது தெரியவர, அங்கே போய் ஏமாற்றி அவளைக் கூட்டிவந்து, சாம்ராட்டிடம் ஒப்படைக்கிறான். அதில் கிடைத்த பணத்தில் ரூம் போட்டு, குடித்த பிறகு, மனம் திருந்தி அந்தப் பெண்ணைக் காப்பாற்றுகிறான் குரு. இதில் யோகிபாபுவின் ரோல் என்ன என்பது சொல்லாமலேயே விளங்கியிருக்கும்.
    [​IMG]
    கடந்த சில ஆண்டுகளில் தமிழில் கதாநாயகன் 'ரோட் ட்ரிப்' செல்லும் படங்கள் சில வெளிவந்தன. அப்படிச் செல்லும்போது ஆபத்தில் உள்ள கதாநாயகியை நாயகன் மீட்பார். இந்தப் படத்தில், கதாநாயகனே நாயகியை ஆபத்திற்குள்ளாக்கி, பிறகு அவரே மீட்கிறார். இதற்கான தண்டனை படம் பார்ப்பவர்களுக்குக் கிடைக்கிறது.

    துவக்கத்திலிருந்தே எந்த லாஜிக்கிற்குள்ளும் பொருந்தாமல், கட்டறுந்த காளையாக செல்கிறது படம். ஓவியம் வரைந்து அதேபோல பெண்ணைத் தேடும் வில்லன், பார்ப்பவர்களையெல்லாம் நம்பும் கதாநாயகி, போதைப் பொருள் கடத்தும், பெண்ணைக் கடத்தி வில்லனிடம் ஒப்படைக்கும் நல்லவனான கதாநாயகன், அவனுக்கு உருப்படியில்லாத ஒரு நண்பன் என்று படம் பார்ப்பவர்களை கதறவிடுகிறார்கள்.

    அதுவும் ஆந்திராவில் ஒரு சிவப்பு விளக்குப் பகுதியில் கதாநாயகன், சண்டை போட்டு நாயகியை மீட்கும் காட்சிகள் எல்லாம் கொடூரம். வீடியோ கேமில்கூட, சண்டை போடும் உருவத்திற்கு சார்ஜ் இறங்கும். ஆனால், சந்தானம் படம் நெடுக, வருபவர்களை கீறல்கூட விழாமல் நொறுக்குகிறார்.

    இதற்கு நடுவில் சில, பல பாடல்கள், ஒன்-லைன் காமெடிகள் என்று நகர்கிறது படம். இறுதிக் கட்டத்தை நெருங்கும் நிலையில் சில காட்சிகள் மட்டும் பரவாயில்லை ரகத்தில் உள்ளன. யோகி பாபு துவக்கத்தில் சில காட்சிகளிலும் இறுதியில் சில காட்சிகளிலும் வந்துபோகிறார்.

    ஒரு படத்தில் கதாநாயகி லூசாக இருக்கலாம். அதற்காக படம் பார்க்க வருபவர்களையும் அப்படி கருதலாமா?
     
  9. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா வைரஸ்: மலேசியாவில் இந்தியர் பலியா?

    மலேசியாவில் கொரோனா வைரஸ் தாக்குதலால் இதுவரை எட்டு பேர் பாதிக்கப்பட்டிருக்கிறார்கள். இந்நிலையில், கொரோனா வைரஸ் தாக்குதல் காரணமாக மலேசியாவில் இந்திய பிரஜை ஒருவர் உயிரிழந்ததாக வெளியான தகவல் உண்மையல்ல என்று அந்நாட்டு அரசு திட்டவட்டமாகத் தெரிவித்துள்ளது.


    இந்தியாவைச் சேர்ந்த 23 வயது இளைஞர் மலேசியாவில் கொரோனா வைரஸ் தாக்குதலால் உயிரிழந்ததாகக் கூறப்படுவதை யாரும் நம்பத் தேவையில்லை என மலேசிய சுகாதார அமைச்சு தனது ஃபேஸ்புக் பக்கத்தில் குறிப்பிட்டுள்ளது.

    மலேசியாவி கொரோனா வைரஸ் தாக்குதலால் இதுவரை யாரும் உயிரிழக்கவில்லை என்று சுகாதார அமைச்சின் பொதுச்செயலர் டாக்டர் நூர் ஹிஷாம் அப்துல்லாவும் செய்தியாளர்களிடம் உறுதி செய்தார்.

    முன்னதாக இந்திய செய்தி முகமை ஒன்று இந்திய ஆடவர் மலேசியாவில் பலியானதாக செய்தி வெளியிட்டிருந்தது. திரிபுரா மாநிலத்தைச் சேர்ந்த அந்த நபர் மலேசியாவில் உள்ள மருத்துவமனையில் உயிரிழந்ததாகவும், அவர் கொரோனா வைரஸ் தாக்குதலால் பாதிக்கப்பட்டிருந்ததாகவும் அந்தச் செய்தி முகமை வெளியிட்ட செய்தியில் குறிப்பிடப்பட்டிருந்ததாகக் கூறப்படுகிறது.

    மலேசிய அதிகாரிகள் கடந்த புதன்கிழமை தம்மை தொடர்பு கொண்டு தனது பேரன் மலேசியாவில் உயிரிழந்த தகவலை தெரிவித்தனர் என்று அந்த இளைஞரின் தாத்தாவான அப்துல் ரஹீம் குறிப்பிட்டதாகவும் அந்தச் செய்தி முகமை மேலும் தெரிவித்திருந்தது.


    இந்நிலையில் இத்தகவலை மலேசிய சுகாதார அமைச்சு அறவே மறுத்துள்ளது. நாடு முழுவதும் கொரோனா கிருமித் தொற்று இருப்பதாக சந்தேகிக்கப்படும் நபர்கள் அனைவரும் மருத்துவக் கண்காணிப்பு வளையத்தில் இருப்பதைச் சுட்டிக்காட்டியுள்ள சுகாதார அமைச்சு, இந்தியர்கள் யாரும் கண்காகணிப்பு வளையத்தில் இல்லை எனத் தெளிவுபடுத்தி உள்ளது.

    ஜனவரி 30ஆம் தேதி மாலை வரை இதுதான் உண்மை நிலை என்றும் மலேசிய சுகாதார அமைச்சு மேலும் கூறியுள்ளது.
    விமானங்களை தடை செய்ய வேண்டிய அவசியமில்லை
    இதற்கிடையே சீனாவில் இருந்து மலேசியா வரும் அனைத்து விமானங்களையும் தடுக்கத் தேவையில்லை என பிரதமர் மகாதீர் தெரிவித்துள்ளார்.
    [​IMG]

    இது தொடர்பில் அவசரமாக முடிவெடுக்க வேண்டிய அவசியம் இல்லை என்றும், இது தொடர்பாக ஆய்வு செய்து வருவதாகவும் அவர் கூறியுள்ளார்.

    வியாழக்கிழமை செய்தியாளர்களிடம் பேசிய பிரதமர் மகாதீர், "அனைத்து விமானங்களையும் தடுக்க வேண்டுமா? அல்லது வைரஸ் தொற்று பாதிப்புள்ள வுஹான், ஹுபே மாகாணத்தில் இருந்து வரக்கூடிய விமானங்களுக்கு மட்டும் தடை விதித்தால் போதுமா? என்பது குறித்து ஆய்வு செய்து முடிவெடுக்கப்படும்," என்றார்.


    இதற்கிடையே மலேசியாவின் சரவாக் மாநில அரசாங்கம், அங்குள்ள கல்வி மையங்களில் படிக்கும் சீனாவைச் சேர்ந்த மாணவர்கள் மீண்டும் மலேசியா திரும்ப அனுமதி இல்லை என அறிவித்துள்ளது.

    அங்கு படித்து வரும் மாணவர்கள் சீனப் புத்தாண்டு கொண்டாட்டத்துக்காக தாய்நாடு சென்றுள்ளனர். இந்நிலையில் விடுமுறைக்குப் பிறகு கல்வி மையங்கள் திறக்கப்படும் போது சீன மாணவர்களுக்கு அனுமதி இல்லை என்று சரவாக் அரசு தெரிவித்துள்ளது.

    இந்நிலையில் சபா மாநிலத்தில் இருந்து சீனாவுக்கான அனைத்து விமானச் சேவைகளும் உடனடியாக நிறுத்தப்படுவதாக அறிவிக்கப்பட்டுள்ளது. கொரோனா கிருமித் தொற்றுப் பரவலைத் தடுக்கும் விதமாக இத்தகைய நடவடிக்கைகள் மேற்கொள்ளப்படுவதாக இரு மாநில அரசுகளும் தெரிவித்துள்ளன.
    மலேசியர்களை அழைத்து வர சிறப்புப் பணிக்குழு அமைப்பு
    இதற்கிடையே வுஹான், ஹுபே பகுதிகளில் தங்கியுள்ள மலேசியர்களை மீண்டும் மலேசியா அழைத்து வருவதற்கான முயற்சிகளை தொடர்ந்து மேற்கொண்டு வருவதாக மலேசிய அரசு தெரிவித்துள்ளது. இது தொடர்பாக சீனாவிடம் கோரிக்கை விடுத்திருப்பதாகவும், சீனத்தரப்பில் இருந்து இன்னும் பதில் வரவில்லை என்றும் பிரதமர் மகாதீர் கூறினார்.
    [​IMG]

    ஹுபே பகுதியில் உள்ள மலேசியர்கள் எங்கு உள்ளனர் என்பதைக் கண்டறிந்து, பத்திரமாக மலேசியா அழைத்து வரும் பணியை செய்து முடிக்க சிறப்பு பணிக்குழு ஒன்று அமைக்கப்பட்டுள்ளதாக மலேசிய சுகாதார அமைச்சர் சுல்கிஃப்ளி அகமத் தெரிவித்துள்ளார்.


    இந்தக் குழுவானது வெளியுறவு அமைச்சு, தேசிய பேரிடர் மேலாண்மை முகமை, தேசிய பாதுகாப்பு கவுன்சில், மலேசிய ஏர்லைன்ஸ், ஏர் ஆசியா ஆகிய தரப்புகளுடன் இணைந்து செயல்படும் எனவும் அவர் குறிப்பிட்டுள்ளார்.
    தைப்பூசம் திட்டமிட்டபடி நடைபெறும்
    பினாங்கு மாநிலத்தில் தைப்பூச விழா திட்டமிட்டபடி நடைபெறும் என அம்மாநில சட்டமன்ற உறுப்பினர் சதீஷ் முனியாண்டி தெரிவித்துள்ளார்.

    தைப்பூச விழா ரத்தானதாக வெளியான தகவல் பொய்யானது எனவும் அம்மாநில இந்து அறவாரிய ஆணையரான அவர் குறிப்பிட்டார்.
    [​IMG]

    "கொரோனா வைரஸ் பாதிப்பு காரணமாக தைப்பூச விழா ரத்து செய்யப்படவில்லை. பிப்ரவரி 8ஆம் தேதி அது திட்டமிட்டபடி நடைபெறும். அதற்கான ஏற்பாடுகள் நடைபெற்று வருகின்றன," என்று சதீஷ் முனியாண்டி தெரிவித்துள்ளார்.

    மலேசிய தகவல் துறை மற்றும் பல்லூடகத் துறை அமைச்சர் கோபிந்த் சிங் டியோவும் திட்டமிட்டபடி தைப்பூசம் நடைபெறும் என அறிவித்துள்ளார்.


    இது தொடர்பாக மலேசிய துணைப் பிரதமர் தெரிவித்த கருத்தைச் சுட்டிக்காட்டிய அமைச்சர் கோபிந்த் சிங் டியோ, "துணைப் பிரதமர் சரியான தகவலைத்தான் கூறியுள்ளார். லட்சக்கணக்கானோர் கூடும் நிகழ்வு என்பதால் உலக சுகாதார அமைப்பின் அறிவுறுத்தல்களை ஏற்று மலேசிய அரசு அறிவிப்பு வெளியிடும் என்றுதான் துணைப் பிரதமர் தெரிவித்தாரே தவிர, தைப்பூசம் நடைபெறாது என்று கூறவில்லை," என்று அமைச்சர் தெளிவுபடுத்தினார்.
    சீனர்களை திருப்பி அனுப்பிய மலேசியா
    சீனாவில் கொரோனா வைரஸ் வேகமாகப் பரவி வரும் நிலையில், அங்கு அதிகம் பாதிக்கப்பட்டுள்ள வுஹான் பகுதியில் இருந்து கேலாலம்பூர் வந்து சேர்ந்த 14 சீனக் குடிமக்கள் நாட்டுக்குள் நுழைய மலேசிய அரசு அனுமதி மறுத்தது.
    [​IMG]

    இதையடுத்து கோலாலம்பூர் விமான நிலையத்தில் இருந்து அந்தப் 14 பயணிகளும் சீனாவுக்கே திருப்பி அனுப்பப்பட்டனர். வைரஸ் பரவலைத் தடுப்பதற்காக மலேசிய அரசு மேற்கொண்டு வரும் பல்வேறு நடவடிக்கைகளின் ஓர் அங்கமாக இது கருதப்படுகிறது.

    "குடியேற்ற அதிகாரிகள் அந்தப் பயணிகள் வுஹான் பகுதியில் இருந்து வந்திருப்பதைக் கண்டறிந்தனர். இதையடுத்தே அவர்களுக்கு தடை விதிக்கப்பட்டது. அனைத்து குடியேற்ற மையங்களிலும் பணியில் உள்ள அதிகாரிகள் சுகாதார அமைச்சின் வழிகாட்டுதலை முழுமையாகப் பின்பற்ற வேண்டும்," என மலேசிய உள்துறை அமைச்சர் மொகிதின் யாசின் தெரிவித்துள்ளார்.

    மேலும், கொரோனா வைரஸ் பரவல் குறித்து பொய்யான தகவல்கள் பரப்புவதை சம்பந்தப்பட்டவர்கள் நிறுத்திக் கொள்ள வேண்டும் என்று வலியுறுத்திய அவர், இத்தகைய தகவல்களால் பொதுமக்கள் மத்தியில் வீண் அச்சமும் கவலையும் ஏற்படுகிறது என்றார்.
     
  10. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    ரஜினி மீது வருமான வரி ஆவணங்களை வைத்து விமர்சனம்

    நடிகர் ரஜினிகாந்த் தன் பணத்தை வட்டிக்கு விட்டதாக வருமான வரித்துறை ஆவணங்களில் கூறியிருக்கும் தகவல்கள் வெளியான நிலையில், இதனை மையமாக வைத்து ட்விட்டரில் அவரது எதிர்ப்பாளர்கள் ட்ரெண்ட் செய்து வருகின்றனர்.

    நடிகர் ரஜினிகாந்த் 2002 - 2005 ஆண்டு காலகட்டத்தில் வருமான வரியை சரியாகச் செலுத்தவில்லை என்று கூறி, மூன்று நிதியாண்டுகளுக்கும் சேர்த்து 66,22,436 ரூபாய் அபராதம் செலுத்த வேண்டுமென வருமான வரித்துறை நோட்டீஸ் அனுப்பியிருந்தது.

    இதனை எதிர்த்து ரஜினிகாந்த் தொடர்ந்த வழக்கை விசாரித்த மேல்முறையீட்டுத் தீர்ப்பாயம், அந்த நோட்டீஸை ரத்துசெய்தது. இந்த ரத்து நடவடிக்கையை எதிர்த்து வருமான வரித்துறை 2014ல் சென்னை உயர்நீதிமன்றத்தில் வழக்குத் தொடர்ந்தது.

    கிட்டத்தட்ட ஆறு ஆண்டுகளாக இந்த வழக்கு நிலுவையில் இருந்தது. இந்த நிலையில், வழக்கு புதன்கிழமையன்று நீதிபதிகள் வினீத் கோத்தாரி, சுரேஷ் குமார் அடங்கிய அமர்வு முன்பாக விசாரணைக்கு வந்தது. அப்போது, வருமான வரித்துறை தரப்பில் ஆஜரான வழக்கறிஞர், தாங்கள் வழக்கைத் திரும்பப் பெற அனுமதி கோரினார். இதற்கு நீதிபதிகள் அனுமதி அளித்தை அடுத்து வழக்கு முடித்துவைக்கப்பட்டது.

    "ஒரு கோடி ரூபாய்க்குக் குறைவான அபராதத் தொகையைக் கொண்ட வழக்குகளை இனி தொடர்வதில்லை; ஏற்கனவே நிலுவையில் உள்ள வழக்குகளை திரும்பப் பெறுவது என முடிவெடுக்கப்பட்டதால், ரஜினிகாந்த் மீதான வழக்கு திரும்பப் பெறப்பட்டதாக" வருமான வரித்துறையின் சார்பில் கூறப்பட்டது.

    இந்த நிலையில், இந்த வழக்கு தொடர்பாக தி ஹிந்து ஆங்கில நாளிதழ் விரிவான செய்தி ஒன்றை வெளியிட்டது. அதில், இந்த வழக்கு தொடர்பாக வருமான வரித் துறை தாக்கல் செய்திருந்த ஆவணங்களில் இருந்து எடுக்கப்பட்ட தகவல்கள் வெளியாகியிருந்தன.

    டிஎம் கிருஷ்ணாவின் மிருதங்கம் செய்வோர் பற்றிய நூல் வெளியீடு: அனுமதி மறுத்த கலாக்ஷேத்ரா

    இந்தியாவில் நுழைந்தது கொரோனா வைரஸ்: சீனாவில் இருந்து வந்த கேரள மாணவர் பாதிப்பு

    அதன்படி, 2002-2003, 2004-2005 காலகட்டத்தில் பணத்தை வட்டிக்குவிடும் வேலையைச் செய்துவந்ததாக ரஜினிகாந்த் தெரிவித்திருக்கிறார். 2002-03 ஆண்டு காலகட்டத்தில் 2.63 கோடி ரூபாயை வட்டிக்கு விட்டு, அதன் மூலம் 1.45 லட்ச ரூபாயை வட்டியாகப் பெற்றதாகக் குறிப்பிட்டுள்ளார். இதில் நிகர லாபமாக அவருக்கு 1.19 லட்ச ரூபாய் கிடைத்ததாகக் கூறியுள்ளார்.
     

Share This Page