TODAYS NEWS 17.3.2020

Discussion in 'Memes and Funny Videos - Daily Updates' started by NATHIYAMOHANRAJA, Mar 17, 2020.

  1. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா கண்காணிப்பில் இருந்தவருக்கு விபத்து: காப்பாற்றிய 40 பேருக்கும் சிகிச்சை!

    கேரளாவில் கொரோனா சிகிச்சையில் இருந்த நபர் ஒருவர் தப்பியோடி விபத்தில் சிக்கிய சம்பவம் அதிர்ச்சியை ஏற்படுத்தியுள்ளது.



    உலகம் முழுவதும் பாதிப்பை ஏற்படுத்தியுள்ள கொரோனா வைரஸ் இந்தியாவிலும் வேகமாக பரவ தொடங்கியுள்ளது. இதனால் கொரோனா அறிகுறிகள் தென்படுபவர்கள் மருத்துவமனைகளில் அனுமதிக்கப்பட்டு சிகிச்சை அளிக்கப்பட்டு வருகின்றனர்.

    அதேசமயம் சிலர் சிகிச்சைக்காக அனுமதிக்கப்பட்டிருக்கும் மருத்துவமனைகளில் இருந்து தப்பி ஓடும் சம்பவங்களும் அதிகரித்து வருகின்றன. கேரளாவில் கொல்லம் பகுதியில் கொரோனா அறிகுறிகள் இருப்பதாக சந்தேகிக்கப்பட்ட நபர் ஒருவருக்கு மருத்துவமனையில் சிகிச்சை அளிக்கப்பட்டுள்ளது. டாக்டர்கள் இல்லாத நேரம் பார்த்து மருத்துவமனையில் இருந்து தப்பியோடிய அந்த நபர் சாலையில் விபத்துக்கு உள்ளாகியிருக்கிறார்.

    அங்கிருந்தவர்கள் உடனடியாக ஆம்புலன்ஸை வர செய்து அவரை மருத்துவமனைக்கு கொண்டு சென்றுள்ளனர். விபத்துக்குள்ளானவரை பார்க்க வந்த அவரது உறவினர்கள் கூறிய பிறகுதான் அவருக்கு கொரோனா அறிகுறிக்கான சிகிச்சைகள் அளிக்கப்பட்டு இருப்பது தெரியவந்துள்ளது.

    அதை தொடர்ந்து அவரை காப்பாற்றிய நபர்கள், காவலர், ஆம்புலன்ஸ் ஓட்டுனர் உள்ளிட்ட 40 பேர் கண்காணிப்பில் வைக்கப்பட்டுள்ளனர். விபத்துக்கு உள்ளான நபருக்கு கொரோனா இருப்பது உறுதியானால் அந்த 40 பேருக்கும் தீவிர சிகிச்சைகள் அளிக்கப்படும் என கூறப்படுகிறது.
     
  2. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    பட்டுனு கால்ல விழுந்த ரஜினி: இத யாருமே எதிர்ப்பார்க்கல...

    நடிகர் ரஜினிகாந்த் நேற்று ஒரு விழாவில் கலந்துக்கொண்ட போது மூத்த அரசியல்வாதி குமரி அனந்தனின் காலில் விழுந்தது அதிர்ச்சியை ஏற்படுத்தியது.



    ரஜினிகாந்த் கடந்த சில நாட்களுக்கு முன்னர் செய்தியாளர்களை சந்தித்து மக்களிடம் புரட்சி வெடிக்க வேண்டும் என்றும், அந்த புரட்சி வெடிக்கும் என்று தான் நம்புவதாகவும் அந்த சமயத்தில் தான் அரசியலுக்கு வருவேன் என்றும் கூறியிருந்தார்.

    இந்நிலையில் ரங்கராஜ் பாண்டேவின், சாணக்கியா சேனல் இரண்டாம் ஆண்டு தொடக்க விழா சென்னையில் நடைபெற்றது. இந்த விழாவில் கலந்து கொண்ட ரஜினிகாந்த் பேசியதாவது: நான் ஒரு புள்ளி போட்டேன். அந்த புள்ளி இப்போது சூழலாக மாறி உள்ளது. அதை அலையாக மாற்ற இந்த ரஜினிகாந்த் வருவான். ரஜினி ரசிகர்களும் வருவார்கள். தேர்தல் நெருங்க நெருங்க அந்த அலை சுனாமியாக மாறும் என்று கூறினார்.
    [​IMG]
    மேலும் தேர்தல் அரசியல் சுனாமி ஏற்படுத்துவது ஆண்டவன் கையில் இருக்கிறது என்றும் மக்களாகிய நீங்கள் தான் ஆண்டவன் என்றும் அந்த அற்புதம் அதிசயம் நிச்சயம் நிகழும் என்றும் கூறினார். மேலும் எல்லார் பேச்சையும் கேட்கிறவனும் உருப்பட மாட்டான். யார் பேச்சையும் கேட்காதவனும் உருப்பட மாட்டான் என்றும் தெரிவித்தார்.

    இதனிடையே, விருது வழங்கும் விழாவில் கலந்து கொண்ட காங்கிரஸ் மூத்த தலைவர் குமரி அனந்தனின் காலில் விழுந்து ரஜினிகாந்த் ஆசி வாங்கினார் என்பது குறிப்பிடத்தக்கது. ரஜினி இவ்வாறு செய்வார் என யாரும் எதிர்ப்பார்க்காத நிலையில் பலருக்கு இது வியப்பை ஏற்படுத்தியது.
     
  3. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா எதிர்ப்பு ஆம்லேட்டா? தினுசு தினுசா வியாபாரம்!

    நாட்டில் கொரோனாவை பற்றிய விழிப்புணர்வு மக்களிடம் அதிகரித்ததோ இல்லையோ கொரோனாவை வைத்து சிலர் செய்யும் விளம்பரங்கள் வைரலாகி வருகிறது.


    உலகம் முழுவதும் பெரும் பாதிப்பை ஏற்படுத்தியுள்ள கொரோனா இந்தியாவில் மெல்ல பரவ தொடங்கியுள்ளது. மக்களிடம் அரசு முன்னெச்சரிக்கை விழிப்புணர்வு நடவடிக்கைகளை ஏற்படுத்த தொடர்ந்து செயல்பட்டு வருகிறது. ஆனால் சில வதந்திகளும் மக்களிடையே அவ்வபோது பரவி விடுகின்றன.

    அந்த வகையில் கோழி சாப்பிட்டால் கொரோனா வரும் என்று பரவிய வதந்தியும் அடக்கம். இது வெறும் வதந்திதான் என பல மருத்து நிபுணர்களும் தெரிவித்த பிறகும் கூட மக்களிடையே கோழிக்கறி சாப்பிடுவதில் பெரும் தயக்கம் இருந்து வருகிறது. மக்களின் தயக்கத்தை போக்க சிக்கன் கடைகளும், பிரியாணி கடைகளும் பல்வேறு சலுகைகளை அறிவித்து மக்களை கவர முயல்கின்றனர்.

    அந்த வகையில் மதுரையில் ஒரு பிரியாணி கடையின் விளம்பரம் இணையத்தில் ட்ரெண்டாகியுள்ளது. ”கொரோனாவை எதிர்த்து தமிழா உணவு திருவிழா” என்ற பெயரில் ஒட்டப்பட்டுள்ள அந்த போஸ்டரில் கொரோனா எதிர்ப்பு கிரில், கொரோனா எதிர்ப்பு ஆம்லேட் போன்ற விதவிதமான மெனுக்கள் பட்டியலிடப்பட்டுள்ளன. மேலும் செல்போனில் காவலன் செயலி வைத்துள்ள பெண்களுக்கு ஆண்டு முழுவதும் 10 சதவீதம் தள்ளுபடி உண்டாம்.

    மதுரையின் பல பகுதிகளில் ஒட்டப்பட்டுள்ள இந்த நூதனமான போஸ்டர் வைரலாகி வரும் நிலையில், கொரோனா குறித்த சரியான விழிப்புணர்வை ஏற்படுத்தாமல் விளம்பர யுத்தியாக பயன்படுத்துவதை சிலர் கண்டித்தும் உள்ளனர்.
     
  4. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    காவல்துறையினர் என்னை துன்புறுத்துகின்றனர்: கமல்ஹாசன் திடுக் புகார்

    சமீபத்தில் ’இந்தியன் 2 ’படத்தின் படப்பிடிப்பில் விபத்து நடந்து மூன்று உயிர்கள் பலியான விவகாரம் குறித்து தன்னை விசாரணை என்ற பெயரில் காவல்துறையினர் துன்புறுத்தி

    வருகின்றனர் என்று நடிகர் கமலஹாசன் திடுக்கிடும் புகார் ஒன்றை சென்னை உயர்நீதிமன்றத்தில் அளித்துள்ளதால் பெரும் பரபரப்பு ஏற்பட்டுள்ளது

    கமல்ஹாசன் தாக்கல் செய்துள்ள மனுவில், ‘இந்தியன் 2’ படத்தின் படப்பிடிப்பின்போது ஏற்பட்ட விபத்து குறித்து ஏற்கனவே தன்னிடம் போலீசார் மூன்று மணி நேரம் விசாரணை செய்துவிட்ட நிலையில் தற்போது அந்த விபத்து எப்படி நடந்தது என்பதை நடித்து காட்ட வேண்டும் என்று காவல்துறையினர் தன்னை துன்புறுத்துவதாக அவர் தனது மனுவில் குறிப்பிட்டுள்ளதாக தெரிகிறது.

    இந்த வழக்கை அவசர வழக்காக சென்னை உயர் நீதிமன்றம் ஏற்றுக் கொண்டுள்ளதாகவும் இன்று மாலை இந்த மனு விசாரணைக்கு வரும் என்றும் கூறப்படுகிறது. கமலஹாசன் போன்ற ஒரு மாஸ் நடிகர் மற்றும் அரசியல் கட்சி தலைவருக்கே காவல்துறையினரால் துன்புறுத்தல் ஏற்பட்டுள்ளதாக வெளிவந்துள்ள புகாரால் பெரும் பரபரப்பு ஏற்பட்டுள்ளது
     
  5. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    ஒரு மில்லியன் ஆண்டுக்கு ஒரு முறை ஏற்படும் சுனாமி - எச்சரிக்கும் ஆராய்ச்சியாளர்கள்

    எதிர்காலத்தில் ஏதோவொரு காலகட்டத்தில் தெற்கு அட்லாண்டிக் பெருங்கடலில் உள்ள பிரிட்டன் ஃபால்க்லாண்ட் தீவில் மிகப்பெரிய அளவில் சுனாமி ஏற்படலாம் என ஆராய்ச்சியாளர்கள் எச்சரித்துள்ளனர்.

    கடலுக்கு அடியே நெடுங்காலமாக நிலச்சரிவுகள் ஏற்பட்டுவருவதாகக் கூறும் அவர்கள், இந்த நிலச்சரிவின் காரணமாக எதிர்காலத்தில் 300 அடிகளுக்கு மேல் அலைகள் ஏற்படலாம் என எச்சரித்துள்ளனர்.

    அதே நேரம் இதற்காக யாரும் அஞ்ச வேண்டாம் என்று கூறு அவர்கள், இவ்வாறான சுனாமி ஒரு மில்லியன் ஆண்டுக்கு ஒரு முறைதான் ஏற்படும் என்று தெரிவிக்கிறார்கள். ஃபால்க்லாண்ட் தீவானது தெற்கு அட்லாண்டிக் பெருங்கடலில் அமைந்துள்ளது. சயின்ஸ் டைரக்ட் சஞ்சிகையில் இந்த ஆய்வு முடிவு பிரசுரமாகி உள்ளது.
     
  6. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    அரசு மற்றும் தனியார் ஊழியர்களுக்கு Work From Home: ஸ்டாலின் கோரிக்கை!

    அரசு மற்றும் தனியார் ஊழியர்களுக்கு Work From Home அளிக்க வேண்டும் என திமுக தலைவர் ஸ்டாலின் கோரிக்கை வைத்துள்ளார்.



    நாடு முழுவதும் கொரோனா தொற்று அதிகரித்துள்ள நிலையில், தமிழக அரசு முன்னெச்சரிக்கை நடவடிக்கையாக தமிழகத்தில் உள்ள அனைத்து கல்வி நிறுவங்களையும், அங்கன் வாடிகள் அனைத்தும் வரும் 31 ஆம் தேதிவரை மூட உத்தரவிட்டுள்ளது.

    இதில் மருத்துவம் மற்றும் மருத்துவம் சார்ந்த கல்லூரியில் தொடர்ந்து இயங்கும் எனவும் திட்டமிட்டபடி 10 ஆம் , மற்றும் 12 ஆம் வகுப்பு பொதுதேர்வுகள் நடக்கும் எனவும் அத்தியாவசிய பணிகள் தொடரும் என தெரிவித்துள்ளது.

    ஏற்கனவே கூட்டங்கள், விளையாட்டுகள், தேவாலயம், மசூதிகள், கோவில்களில் , மாநாடுகள், சுற்றுலா ரிசார்டுகள், ஒன்றுகூடும் இடங்கள், நீச்சம் குளம், கண்காட்சிகள், கலாச்சார நிகழ்வுகள், கருத்தரங்குகள், , ஏற்கனவே திட்டமிட்ட திருமண நிகழ்ச்சிகள் தவிர வேறு நிகழ்ச்சிகளை திருமண மண்டபங்களில் நடத்தக்கூடது. உடற்பயிற்சி கூடங்கள் , அரசியல் கூட்டங்களில் மக்கள் கூடுவதைத் தவிர்க்க வேண்டுமென தெரிவித்துள்ளது.

    இதனைத்தொடர்ந்து டாஸ்மாக், தனியார் பார்கள் மற்றும் கேளிக்கை விடுதிகள் வரும் 31 ஆம் தேதிவரை மூடப்பட வேண்டும் என உத்தரவிட்டுள்ளது. இந்நிலையில் இன்று சட்டப்பேரவையில் தமிழக அரசுன் முன்னெச்சரிக்கை நடவடிக்கைகளை பாராட்டிய திமுக தலைவர் ஸ்டாலின், அரசு, தனியார் ஊழியர்கள் அனைவருக்கும் Work from home அளிக்க நடவடிக்கை தேவை என கோரிக்கை வைத்துள்ளார்.
     
  7. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா அச்சம்: தன்னைத்தானே தனிமைப்படுத்தி கொண்ட மத்திய அமைச்சர்

    கொரோனா வைரஸ் காரணமாக சுமார் 5 ஆயிரத்துக்கு மேல் உயிரிழந்துள்ள நிலையில் மனித இனத்தையே அந்த வைரஸ் அச்சுறுத்தி வருகிறது. இந்த வைரசால் பாதிக்கப்பட்டவர்கள் உடனடியாக தனிமைப்படுத்த வேண்டும் என்றும் தங்களுக்கு கொரோனா வைரஸ் இருப்பதாக சந்தேகம் கொண்டால் உடனே தங்களை தாங்களே தனிமைபடுத்திக் கொண்டு மற்றவர்களுக்கு பரவாமல் இருக்க வேண்டும் என்றும் அறிவுறுத்தப்பட்டு வருகிறது
    இந்த நிலையில் கேரளாவில் மத்திய அமைச்சர் முரளிதரன் அவர்கள் சமீபத்தில் மருத்துவமனை ஒன்றில் பார்வையிடச் சென்றார். அந்த மருத்துவமனையில் இருந்த நோயாளி ஒருவருக்கு கொரோனா தொற்று உறுதியாகி உள்ளதாக செய்திகள் வெளியாகி உள்ளது

    இதனை அடுத்து மத்திய அமைச்சர் முரளிதரன் தனக்கும் கொரோனா வைரஸ் பாதிப்பு இருக்கலாம் என்ற அச்சத்தின் காரணமாக தன்னை தனிமைப்படுத்திக் கொண்டதாகவும் அவர் தற்போது வீட்டில் தனி அறையில் இருப்பதாகவும் செய்திகள் வெளியாகி உள்ளது

    தனக்கு கொரோனா வைரஸ் பாதிப்பு இருப்பது உறுதி செய்யப்பட்டால் தன்னால் பிறருக்கு கொரோனா பரவக் கூடாது என்ற எண்ணத்தில் மத்திய அமைச்சர் முரளிதரன் அவர்கள் செய்துள்ள இந்த செயலை நெட்டிசன்கள் பாராட்டி வருகின்றனர். இதேபோல் ஒவ்வொருவரும் தங்களுக்கு இந்த வைரஸ் இருப்பதாக சந்தேகம் கொண்டால், ரத்த மாதிரி முடிவு வரும் வரை தங்களை தங்களை தனிமைப்படுத்திக் கொள்ள வேண்டும் என்று சமூக ஆர்வலர்கள் அறிவுறுத்தி வருகின்றனர்
     
  8. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொஞ்சமாவது புத்தி வேண்டாமா? – சென்னை மக்களை கிழித்த அஸ்வின்!

    நாடு முழுவதும் கொரோனா வைரஸ் வேகமாக பரவி வரும் நிலையில் சென்னை மக்கள் அலட்சியமாக இருப்பதாக கிரிக்கெட் வீரர் அஸ்வின் தெரிவித்துள்ளார்.


    உலகம் முழுவதும் பெரும் உயிரிழப்புகளை ஏற்படுத்தியுள்ள கொரோனா வைரஸ் தற்போது இந்தியாவிலும் வேகமாக பரவி வருகிறது. சுமார் 125 பேர் பாதிக்கப்பட்டுள்ள நிலையில் மூவர் உயிரிழந்துள்ளனர்.

    இந்நிலையில் பல மாநிலங்களில் கொரோனா காரணமாக எமெர்ஜென்சி அறிவிக்கப்பட்டுள்ளது. இந்த நிலையிலும் தமிழக தலைநகரான சென்னையில் மக்கள் எந்த முன்னெச்சரிக்கை நடவடிக்கையும் இன்றி அலட்சியமாக இருப்பதாக இந்திய கிரிக்கெட் வீரர் ரவிசந்திரன் அஸ்வின் குற்றம் சாட்டியுள்ளார்.

    இதுகுறித்து ட்விட்டரில் பதிவிட்டுள்ள அவர், உலக நாடுகளும், மக்களும் பல முன்னெச்சரிக்கை நடவடிக்கைகளை மேற்கொண்டுள்ள போதிலும் சென்னை மக்கள் மட்டும் வெயிலில் கொரோனா பரவாது என்று நம்பிக் கொண்டிருக்கின்றனர். நம்புவெதெல்லாம் நடப்பதில்லை என்று தெரிவித்துள்ளார்.
     
  9. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    தங்கத்தின் விலை மீண்டும் குறைந்து: ரூ.30,960க்கு விற்பனை

    தங்கத்தின் விலை மீண்டும் குறைந்து ரூ.30,960க்கு விற்பனை செய்யப்படுகிறது.


    கடந்த சில மாதங்களாக விலை உயர்வை சந்தித்த தங்கம் பிறகு மெல்ல பிலை குறைய தொடங்கியது. அதிகபட்சமாக கந்த 13 ஆம் தேதி சவரனுக்கு 1,152 ரூபாய் விலைக்குறைந்த தங்கம் சனிக்கிழமையன்று சவரனுக்கு மேலும் 632 ரூபாய் குறைந்து ரூ.31,472க்கு விற்பனையாகி வந்தது.

    ஞாயிறு விடுமுறை நாள் என்பதால் விலையில் மாற்றம் எதுவும் இல்லை. இந்நிலையில் நேற்று தங்கம் விலை மீண்டும் உயர்ந்துள்ளது. சென்னையில் 22 காரட் ஆபரண தங்கம் சவரனுக்கு ரூ.228 உயர்ந்து ரூ.31,696 க்கு விற்பனையாகியது. அதாவது, ஒரு கிராம் தங்கம் ரூ.28 விலை உயர்ந்து ரூ.3,962-க்கு விற்பனை ஆனது.

    இந்நிலையில் தங்கத்தின் விலை மீண்டும் குறைந்துள்ளது. ஒரு சவரன் தங்கம் விலை சவரனுக்கு ரூ.584 குறைந்தது சென்னையில் ஒரு சவரன் தங்கம் ரூ.30,960க்கு விற்பனை ஆகிறது. ஒரு கிராம் தங்கம் விலை ரூ.73 குறைந்து ரூ.3870க்கு விற்பனை செய்யப்படுகிறது.
     
  10. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனாவுக்கு மேலும் ஒருவர் பலி: எண்ணிக்கை 3 ஆக அதிகரிப்பு!

    இந்தியாவில் கொரோனா பாதிப்பால் மேலும் ஒருவர் பலியாகியுள்ள சம்பவம் அதிர்ச்சியை ஏற்படுத்தியுள்ளது.



    உலகம் முழுவதும் பரவி வரும் கொரோனா வைரஸால் பல உயிரிழப்புகள் ஏற்பட்டுள்ளது. கொரோனாவால் இறந்தோர் எண்ணிக்கை 7 ஆயிரத்தை தாண்டியுள்ள நிலையில் பாதிக்கப்பட்ட மக்களின் எண்ணிக்கை இரண்டு லட்சத்தை நெருங்கியுள்ளது.

    இந்தியாவில் இதுவரை 125 பேர் கொரோனாவால் பாதிக்கப்பட்டுள்ளது உறுதியாகியுள்ளது. ஏற்கனவே இரண்டு பேர் கொரோனாவால் உயிரிழந்த நிலையில் தற்போது மீண்டும் ஒருவர் கொரோனாவால் உயிரிழந்துள்ளது உறுதிப்படுத்தப்பட்டுள்ளது.

    மகாராஷ்ட்டிராவில் உள்ள மும்பையை சேர்ந்த 69 வயது முதியவர் கொரோனா பாதிப்பால் உயிரிழந்துள்ளது உறுதிப்படுத்தப்பட்டுள்ளது. இதனால் இந்தியாவில் கொரோனாவால் உயிரிழந்தோர் எண்ணிக்கை 3 ஆக உயர்ந்துள்ளது.
     

Share This Page