TODAYS NEWS(26.11.2019)

Discussion in 'Memes and Funny Videos - Daily Updates' started by NATHIYAMOHANRAJA, Nov 26, 2019.

  1. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    விராட் கோலியின் அனுமதியை நாடும் ஆஸ்திரேலியா கேப்டன்: வலை விரிப்பது எதற்கு?...

    பிரிஸ்பேன் கப்பா மைதானத்தில் விளையாட விராட் கோலியிடம் அனுமதி கேட்பேன் என ஆஸ்திரேலியா கேப்டன் டிம் பெய்ன் தெரிவித்துள்ளார்.

    [​IMG]
    டிம் பெய்ன், விராட் கோலி

    ஆஸ்திரேலியாவில் நவம்பர் மாதம் முதல் டிசம்பர் மாதம் வரை கோடைக்காலம் ஆகும். இந்தக் காலக்கட்டத்தில் ஆஸ்திரேலிய கிரிக்கெட் அணி முக்கியமான அணிகளை வரவழைத்து டெஸ்ட் உள்பட முக்கிய போட்டிகளில் விளையாடும்.

    முதல் போட்டியை பிரிஸ்பேனில் உள்ள கப்பா (Gabba) மைதானத்தில் நடத்தும். இங்குள்ள ஆடுகளம் தொடக்கத்தில் ஸ்விங் பந்து வீச்சுக்கு சாதகமாக இருக்கும். அதன்பின் ஆடுகளத்தில் சற்று அதிகமான பவுன்ஸ் இருக்கும்.


    ஆஸ்திரேலிய அணியின் பேட்ஸ்மேன்கள் இங்குள்ள சூழ்நிலையை நன்றாக அறிந்திருப்பதால் சுலபமாக ரன்கள் குவித்து விடுவார்கள். அதேபோல் சுழற்பந்து வீச்சில் பவுன்ஸ் இருப்பதால் எதிரணி பேட்ஸ்மேன்களை வேகப்பந்து வீச்சு மற்றும் சுழற்பந்து வீச்சு மூலம் திணறடித்து விடுவார்கள்.

    1988-ம் ஆண்டுக்குப்பின் ஆஸ்திரேலியா கப்பாவில் தோல்வியடைந்தது கிடையாது. தொடரின் தொடக்கத்திலேயே எதிரணியை மனதளவில் தோற்கடித்து விடுவார்கள். இந்தியா பிரிஸ்பேனில் இதுவரை 6 போட்டிகளில் விளையாடி ஐந்தில் தோல்வியடைந்துள்ளது. ஒரு போட்டியில் டிரா கண்டுள்ளது.

    ஆனால் கடந்த முறை இந்தியா ஆஸ்திரேலியாவில் சுற்றுப் பயணம் செய்து விளையாடும்போது நான்கு போட்டிகள் கொண்ட தொடரை 2-1 எனக் கைப்பற்றியது. ஆனால் முதல் போட்டி பிரிஸ்பேனில் நடைபெறவில்லை. மாறாக அடிலெய்டில் நடைபெற்றது. இந்தியா அதில் வெற்றி பெற்றது.

    அடுத்த கோடைக்காலத்தில் இந்திய அணி ஆஸ்திரேலியா வரும்போது, பிரிஸ்பேனில் விளையாட இந்திய அணி கேப்டன் விராட் கோலியிடம் அனுமதி கேட்பேன் என்ற ஆஸ்திரேலிய அணி கேப்டன் டிம் பெய்ன் தெரிவித்துள்ளார்.

    பிரிஸ்பேன் போட்டியில் பாகிஸ்தானை வீழ்த்திய பின் டிம் பெய்ன் பத்திரிகையாளர்களை சந்தித்தார். அப்போது, அடுத்த வருடம் நடைபெற இருக்கும் இந்தியாவுக்கு எதிரான தொடரின்போது முதல் போட்டியை கப்பாவில் நடத்த விரும்புவீர்களா? என கேள்வி எழுப்பினர்.

    அதற்கு டிம் பெய் பதில் அளிக்கையில் ‘‘நிச்சயமாக. உறுதியாக நாங்கள் முயற்சி செய்வோம். இதை நாங்கள் விராட் கோலியால் செயல்படுத்த முடியும். குறிப்பிட்ட நேரத்தில் நாங்கள் அவரிடம் இருந்து பதிலை பெறுவோம். அது உறுதி.

    கடந்த கோடைக்கால தொடரை தவிர்த்து நீண்ட காலமாக நாங்கள் பிரிஸ்பேனில் இருந்துதான் தொடரை தொடங்கியுள்ளோம். ஆகவே, நாங்கள் அவரிடம் கேட்போம்.

    விராட் கோலி நல்ல மனநிலையில் (good mood) இருந்தால், பிங்க்-பால் டெஸ்டிற்குக் கூட அனுமதியை பெறலாம்’’ என்றார்.
     
  2. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    எம்எஸ் டோனிக்கு இந்திய அணியில் இடம் உண்டா?- ரவி சாஸ்திரி பதில்


    ஐபிஎல் 2020 சீசனில் எம்எஸ் டோனி எவ்வாறு விளையாடுகிறார் என்பதை பொறுத்துதான் இந்திய அணிக்கு திரும்புவது குறித்து முடிவு செய்யப்படும் என ரவி சாஸ்திரி தெரிவித்துள்ளார்.

    [​IMG]
    ரவி சாஸ்திரி, எம்எஸ் டோனி

    இந்திய அணியின் சாதனைக் கேப்டனாக திகழ்ந்த எம்எஸ் டோனி, இங்கிலாந்தில் நடைபெற்ற உலகக்கோப்பை தொடருக்குப்பின், ராணுவத்தில் பணிபுரிய இருப்பதால் சிறிது காலம் ஓய்வு எடுத்திருந்தார். அவரது ஓய்வுக் காலம் முடிந்த பின்னரும் அணியில் சேர்க்கப்படாமல் இருக்கிறார்.

    இதனால் அடுத்த வருடம் ஆஸ்திரேலியாவில் நடைபெற இருக்கும் டி20 உலகக்கோப்பை அணியில் அவர் விளையாடுவாரா? என்பது கேள்விக்குறியாக உள்ளது. அணி நிர்வாகம் மற்றும் முக்கிய வீரர்களிடம் இதுகுறித்து கேட்டால், அது எம்எஸ் டோனியின் முடிவு. அவரது ஓய்வு முடிவை அவர்தான் எடுப்பார் என்று தெரிவித்து வருகின்றனர்.


    இந்நிலையில் அவர் 2020 ஐபிஎல் தொடரில் எப்படி விளையாடுகிறார் என்பதை சார்ந்துதான் அணிக்கு திரும்பும் முடிவு எடுக்கப்படும் என தலைமை பயிற்சியாளர் ரவி சாஸ்திரி தெரிவித்துள்ளார்.

    எம்எஸ் டோனி குறித்து ரவி சாஸ்திரி கூறுகையில் ‘‘எம்எஸ் டோனி மீண்டும் கிரிக்கெட் விளையாடும்போது, அவர் 2020 ஐபிஎல் தொடரில் எப்படி விளையாடுகிறார் என்பதை பொறுத்துதான் இந்திய அணிக்கு திரும்புவது குறித்து முடிவு செய்யப்படும். விக்கெட் கீப்பராக மற்ற வீரர்கள் எப்படி செயல்படுகிறார்கள். டோனியின் ஃபார்முக்கு சவாலாக யார் இருக்கிறார்கள் என்பதை பார்க்க வேண்டும்.

    ஐபிஎல் மிகப்பெரிய தொடர், ஏனென்றால் ஏறக்குறைய உலகக்கோப்பைக்கான 15 பேர் கொண்ட அணியை தேர்வு செய்தபிறகு நடக்கும் கடைசி தொடராகும்’’ என்றார்.
     
  3. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    மெல்போர்ன் ரெனேகட்ஸ் அணியின் தலைமை பயிற்சியாளராக மைக்கேல் கிளின்கர் நியமனம்


    பிக் பாஷ் டி20 லீக்கில் விளையாடும் மெல்போர்ன் ரெனேகட்ஸ் அணியின் தலைமை பயிற்சியாளராக மைக்கேல் கிளின்கர் நியமனம் செய்யப்பட்டுள்ளார்.

    [​IMG]
    மைக்கேல் கிளின்கர்

    பிக் பாஷ் டி20 லீக்கில் விளையாடும் அணிகளில் ஒன்று மெல்போர்ன் ரெனேகட்ஸ். இந்த அணி தற்போது மைக்கேல் கிளின்கரை தலைமை பயிற்சியாளராக நியமிக்கப்பட்டுள்ளார்.

    அந்த அணியின் தலைமை பயிற்சியாளராக இருந்த மெக்டொனால்டு ஆஸ்திரேலியா அணியின் துணைப் பயிற்சியாளராக சென்றுள்ளதால், கிளின்கர் நியமிக்கப்பட்டுள்ளார்.


    கிளின்கர் 206 டி20 போட்டிகளில் விளையாடி 5960 ரன்கள் அடித்துள்ளார். பிக் பாஷ் லீக்கில் அதிக ரன்கள் அடித்துள்ள அவர், கடந்த சீசனோடு ஓய்வு பெற்றார் என்பது குறிப்பிடத்தக்கது.
     
  4. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    ஆசிய சாம்பியன்ஷிப் வில்வித்தை: ஆண்கள் ரீ-கர்வ் பிரிவில் அட்டானு தாஸ் வெண்கல பதக்கம் வென்றார்


    பாங்காக்கில் நடைபெற்று வரும் ஆசிய சாம்பியன்ஷிப் வில்வித்தையில் ஆண்களுக்கான ரீ-கர்வ் பிரிவில் இந்திய வீரர் அட்டானு தாஸ் வெண்கல பதக்கம் வென்றார்.

    [​IMG]
    அட்டானு தாஸ்

    ஹாங்காக்கில் ஆசிய சாம்பியன்ஷிப் வில்வித்தை நடைபெற்று வருகிறது. நேற்று கலப்பு இரட்டையர் ரீ-கர்வ் பிரிவில் அட்டானு தாஸ் - தீபிகா குமாரி ஜோடி வெண்கல பதக்கம் வென்றது.

    இன்று ஆண்கள் ஒற்றையருக்கான ரீ-கர்வ் போட்டி நடைபெற்றது. இதில் அட்டானு தாஸ் கொரியாவைச் சேர்ந்த ஜின் ஹயேக்-ஐ 6-5 என வீழ்த்தி வெண்கல பதக்கம் வென்றார்.
     
  5. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    6 டெஸ்டில் 7 முறை அவுட்: நினைவூட்டிய யாசிர் ஷா... உத்வேகம் என்கிறார் ஸ்மித்...


    நான்கு ரன்களில் யாசிர் ஷா பந்தில் ஸ்டம்பை பறிகொடுத்தது உத்வேகத்தை கொடுத்துள்ளது என்கிறார் ஸ்டீவ் ஸ்மித்.

    [​IMG]
    ஸ்டீவ் ஸ்மித், யாசிர் ஷா

    ஆஸ்திரேலியா - பாகிஸ்தான் அணிகளுக்கு இடையில் இரண்டு போட்டிகள் கொண்ட டெஸ்ட் தொடர் நடைபெற்று வருகிறது. முதல் டெஸ்ட் பிரிஸ்பேனில் நடைபெற்றது. ஆஸ்திரேலிய பேட்ஸ்மேன்கள் சிறப்பான ஆட்டத்தை வெளிப்படுத்திய நிலையில், ஆஷஸ் தொடரில் 774 ரன்கள் குவித்த ஸ்டீவ் ஸ்மித் யாசிர் பந்தில் நான்கு ரன்கள் எடுத்த நிலையில் க்ளீன் போல்டானார்.

    இந்த அவுட் மூலம் யாசிர் ஷா ஸ்மித்தை 6 டெஸ்ட் போட்டிகளில் 7 முறை வீழ்த்தியுள்ளார். ஸ்மித் வெளியேறும் போது ஏழு விரல்களை நீட்டி, ஸ்மித்தை ஏழு முறை வீழ்த்தியிருக்கிறேன் என்று வெளிப்படுத்தினார்.


    யாசிர் ஷாவின் இந்த சைகை எனக்கு உத்வேகத்தை கொடுத்துள்ளது என ஸ்டீவ் ஸ்மித் தெரிவித்துள்ளார்.

    இதுகுறித்து ஸ்டீவ் ஸ்மித் கூறுகையில் ‘‘இந்த போட்டியில் அவுட்டானது, அடுத்த போட்டியில் யாசிர் ஷா பந்தில் ஆட்டமிழக்கக் கூடாது என்ற உத்வேகத்தை கொடுத்தள்ளது. ஆகவே, அவருக்கு எதிராக கொஞ்சம் கூடுதலாக கவனமான முறையில் விளையாடுவேன்.

    இந்த போட்டியில் நான்கு ரன்னிலேயே ஆட்டமிழந்துள்ளேன். பெரும்பாலான நேரத்தில் நான் 2-வது இன்னிங்சில் தேவையில்லாத ஷாட் மூலம் அவுட்டாகியுள்ளேன். ஆகவே, இதுபற்றி நான் பெரிய அளவில் கவலைப்படவில்லை’’ என்றார்.
     
  6. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    டெஸ்ட் தரவரிசையில் இந்திய பேட்ஸ்மேன்கள் ஆதிக்கம்: கோலி - ஸ்மித் இடையே கடும் போட்டி


    ஐசிசி டெஸ்ட் தரவரிசையில் ஸ்மித்திற்கும் விராட் கோலிக்கும் இடையில் கடும் போட்டி நிலவி வரும் நிலையில், முதல் 10 இடத்திற்குள் நான்கு இந்தியர்கள் இடம் பிடித்துள்ளனர்.

    [​IMG]
    ஸ்மித், விராட் கோலி

    இந்திய அணி கேப்டன் விராட் கோலி ஐசிசி டெஸ்ட் தரவரிசையில் முதல் இடத்தில் இருந்தார். ஆஷஸ் தொடரில் சிறப்பாக விளையாடியதன் மூலம் விராட் கோலியை பின்னுக்குத் தள்ளி முதல் இடம் பிடித்தார்.

    தென்ஆப்பிரிக்கா தொடரில் விராட் கோலி மிகப்பெரிய அளவில் சாதிக்கவில்லை. இதனால் இருவருக்கும் இடையிலான புள்ளிகள் வித்தியாசம் 25-க்கு மேல் இருந்தது.


    இந்நிலையில் இந்தியா - வங்காளதேசம், ஆஸ்திரேலியா - பாகிஸ்தான் அணிகளுக்கு இடையில் டெஸ்ட் தொடர் நடைபெற்றது.

    வங்காளதேசம் அணிக்கெதிரான 2-வது டெஸ்டில் விராட் கோலி சிறப்பாக விளையாடி சதம் அடித்தார். அதேவேளையில் ஸ்மித் பிரிஸ்பேன் டெஸ்டில் ஏமாற்றம் அளித்தார்.

    இந்நிலையில் இன்று வெளியிடப்பட்டுள்ள ஐசிசி டெஸ்ட் பேட்ஸ்மேன்கள் தரவரிசையில் ஸ்டீவ் ஸ்மித் 931 புள்ளிகள் பெற்று முதல் இடத்தில் உள்ளார். விராட் கோலி 928 புள்ளிகள் பெற்று 2-வது இடத்தில் உள்ளார்.

    [​IMG]

    இருவருக்கும் இடையில் மூன்று புள்ளிகளே வித்தியாசம். 29-ந்தேதி தொடங்கும் 2-வது போட்டியிலும் ஸ்மித் மோசமான ஆட்டத்தை வெளிப்படுத்தினால் விராட் கோலி முதல் இடத்தை பிடிக்க வாய்ப்புள்ளது.

    வங்காளதேச அணிக்கெதிராக இரட்டை சதம் அடித்ததன் மூலம் 700 புள்ளிகளுடன் மயங்க் அகர்வால் 10-வது இடத்திற்கு முன்னேறியுள்ளார். புஜாரா 791 புள்ளிகளுடன் 4-வது இடத்திலும், 759 புள்ளிகளுடன் ரகானே 5-வது இடத்திலும் உள்ளனர். இந்திய பேட்ஸ்மேன்கள் நான்கு பேர் முதல் 10 இடத்திற்குள் உள்ளனர்.
     
  7. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    சூர்யகுமார் யாதவ் அதிரடி: கர்நாடகாவை வீழ்த்தியது மும்பை

    சையத் முஷ்டாக் அலி டிராபியில் சூர்யகுமாரின் அதிரடியால் கர்நாடகாவை 7 விக்கெட் வித்தியாசத்தில் வீழ்த்தியது மும்பை.

    [​IMG]
    சூர்யகுமார் யாதவ்

    சையத் முஷ்டாக் அலி டிராபி 20 ஓவர் கிரிக்கெட் தொடரின் சூப்பர் லீக் சுற்று ஆட்டம் குஜராத் மாநிலம் சூரத்தில் நடந்து வருகிறது. இதற்கு முன்னேறிய 10 அணிகள் 2 பிரிவாக பிரிக்கப்பட்டு லீக்கில் மோதி வருகின்றன.

    சூரத்தில் நேற்று நடைபெற்ற ஆட்டம் ஒன்றில் ‘பி’ பிரிவில் இடம் பிடித்துள்ள கர்நாடகா - மும்பை அணிகள் மோதின.


    டாஸ் வென்ற மும்பை பந்து வீச்சை தேர்வு செய்தது. அதன்படி கர்நாடகா அணியின் லோகேஷ் ராகுல், படிகல் ஆகியோர் தொடக்க வீரர்களாக களம் இறங்கினர். கேஎல் ராகுல் ஆட்டத்தின் 2-வது பந்தில் டக்அவுட் ஆனார்.

    படிகல் சிறப்பாக விளையாடி 34 பந்தில் நான்கு பவுண்டரி, 4 சிக்சர்களுடன் 57 ரன்கள் விளாசினார். மணிஷ் பாண்டே (4), கருண் நாயர் (8) சொற்ப ரன்களில் வெளியேற, அடுத்து வந்த ரோஷன் கடம் 47 பந்தில் 71 ரன்கள் அடிக்க, கர்நாடகா 20 ஓவரில் 6 விக்கெட் இழப்பிற்கு 171 ரன்கள் சேர்த்தது.

    பின்னர் 172 ரன்கள் அடித்தால் வெற்றி என்ற இலக்குடன் மும்பை அணியின் பிரித்வி ஷா, ஆதித்யா தாரே ஆகியோர் தொடக்க வீரர்களாக களம் இறங்கினர். பிரித்வி ஷா 30 ரன்களும், ஆதித்யா தாரே 12 ரன்களும் சேர்த்தனர்.

    ஷ்ரேயாஸ் அய்யர் 14 ரன்னில் ஏமாற்றம் அளித்தார். அதன்பின் வந்த சூர்யகுமார் யாதவ் அபாரமான ஆட்டத்தை வெளிப்படுத்தினார். அவர் 53 பந்தில் 11 பவுண்டரி, 4 சிக்சர்களுடன் 94 ரன்கள் விளாச மும்பை 19 ஓவரில் 3 விக்கெட்டுக்களை இழந்து 174 ரன்கள் அடித்து 7 விக்கெட் வித்தியாசத்தில் அபார வெற்றி பெற்றது.

    இந்த வெற்றியின் மூலம் ‘பி’ பிரிவில் மும்பை 2 வெற்றிகள் மூலம் 3-வது இடத்தை பிடித்துள்ளது. கர்நாடகா நான்கில் மூன்றில் வெற்றி பெற்று முதல் இடத்தில் உள்ளது.
     
  8. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    பிரீமியர் பேட்மிண்டன் லீக் போட்டியில் இருந்து ஸ்ரீகாந்த் விலகல்


    சர்வதேச போட்டிகளில் அதிக கவனம் செலுத்தும் நோக்கில் இந்த சீசனுக்கான பிரீமியர் பேட்மிண்டன் லீக் போட்டியில் விளையாடவில்லை என்று இந்தியாவின் முன்னணி வீரரான ஸ்ரீகாந்த் கூறி உள்ளார்.

    [​IMG]
    ஸ்ரீகாந்த்

    புதுடெல்லி:

    5-வது பிரீமியர் பேட்மிண்டன் லீக் போட்டி பல்வேறு நகரங்களில் அடுத்த ஆண்டு (2020) ஜனவரி 20-ந் தேதி முதல் பிப்ரவரி 9-ந் தேதி வரை நடக்கிறது. இந்த போட்டியில் இருந்து இந்தியாவின் முன்னணி வீரரான 26 வயது ஸ்ரீகாந்த் விலகி இருக்கிறார். அடுத்த ஆண்டு டோக்கியோவில் நடைபெறும் ஒலிம்பிக் போட்டிக்கு முன்பாக நடைபெறும் சர்வதேச போட்டிகளில் அதிக கவனம் செலுத்த வேண்டி இருப்பதால் அவர் இந்த முடிவை எடுத்து இருக்கிறார். கடந்த ஆண்டு நடந்த இந்த போட்டியில் பெங்களூரு ராப்டர்ஸ் அணி சாம்பியன் பட்டம் வென்றதில் ஸ்ரீகாந்த் முக்கிய பங்கு வகித்தார் என்பது குறிப்பிடத்தக்கது.


    இதுகுறித்து ஸ்ரீகாந்த் தனது டுவிட்டர் பதிவில், ‘கடினமான பாதை எனக்கு காத்து இருக்கிறது. என் மீதான எதிர்பார்ப்பை பொய்யாக்காமல் நிறைவேற்ற வேண்டிய பொறுப்பு இருக்கிறது. சர்வதேச போட்டிகளில் அதிக கவனம் செலுத்தும் நோக்கில் இந்த சீசனுக்கான பிரீமியர் பேட்மிண்டன் லீக் போட்டியில் விளையாடவில்லை. பெங்களூரு ராப்டர்ஸ் அணிக்கு எனது வாழ்த்துகள்’ என்று குறிப்பிட்டுள்ளார். இந்த போட்டியில் இருந்து ஏற்கனவே இந்தியாவின் முன்னணி வீராங்கனை சாய்னா நேவால் விலகி இருந்தார். ஒலிம்பிக் போட்டிக்கு தகுதி பெற வேண்டும் என்றால் தரவரிசையில் முன்னிலை வகிக்க வேண்டியது அவசியமானதாகும். எனவே சர்வதேச போட்டியில் அதிக அளவில் விளையாட ஏதுவாக இருவரும் இந்த முடிவை எடுத்துள்ளனர்.
     
  9. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    நியூசிலாந்துடன் பகல்-இரவு டெஸ்ட்? கங்குலி விளக்கம்

    நியூசிலாந்து பயணத்தில் இந்திய அணி பகல்-இரவு டெஸ்டில் விளையாடுமா? என்று கேள்விக்கு கிரிக்கெட் வாரிய தலைவர் கங்குலி பதில் அளித்துள்ளார்.

    [​IMG]
    கங்குலி

    புதுடெல்லி:

    கிரிக்கெட் வரலாற்றில் இந்திய அணி முதல்முறையாக பகல்-இரவு டெஸ்ட் போட்டியில் விளையாடியது. சொந்த மண்ணில் நடந்த முதல் பகல்-இரவு டெஸ்டில் இந்திய அணி வங்காளதேசத்தை வீழ்த்தியது.


    பிங்க் நிற பந்து என்று அழைக்கப்படும் பகல்-இரவு டெஸ்ட் போட்டி இந்தியாவில் முதல்முறையாக நடைபெறுவதற்கு சவுரவ் கங்குலி காரணமாக இருந்தார்.

    முன்னாள் கேப்டனான அவர் இந்திய கிரிக்கெட் கட்டுப்பாட்டு வாரிய தலைவராக பொறுப்பேற்ற ஒரு மாதத்தில் பகல்-இரவு டெஸ்டை இந்தியாவில் அறிமுகப்படுத்தினார். இது மிகப்பெரிய வெற்றியை பெற்றது.

    கொல்கத்தா ஈடன் கார்டன் மைதானத்தில் நடந்த இந்த போட்டியை ஏராளமான ரசிகர்கள் நேரில் வந்து கண்டு களித்தனர். இது டெஸ்ட் கிரிக்கெட்டின் மிகப்பெரிய முன்னேற்றம் என்று கருதப்படுகிறது.

    சொந்த மண்ணில் பகல்- இரவு டெஸ்டில் இந்திய அணி வங்காளதேசத்தை 3 நாட்களில் எளிதில் வீழ்த்தியது. இதே போல வெளிநாட்டு பயணத்திலும் இந்திய அணி பகல்-இரவு டெஸ்டில் விளையாடுமா என்று எதிர்பார்ப்பு இருக்கிறது.

    இந்திய அணி அடுத்த ஆண்டு ஜனவரி 24-ந் தேதி முதல் மார்ச் 4-ந் தேதி வரை நியூசிலாந்தில் சுற்றுப்பயணம் செய்து ஐந்து 20 ஓவர் ஆட்டம், 3 ஒருநாள் போட்டி மற்றும் 2 டெஸ்டில் விளையாடுகிறது.

    நியூசிலாந்து பயணத்தில் இந்திய அணி பகல்-இரவு டெஸ்டில் விளையாடுமா? என்று கிரிக்கெட் வாரிய தலைவர் கங்குலியிடம் கேட்ட போது அவர் கூறியதாவது:-

    இதுகுறித்து நாங்கள் எந்த முடிவும் எடுக்கவில்லை. நியூசிலாந்து தொடருக்கு இன்னும் கால அளவு இருக்கிறது. பொறுத்திருந்து பாருங்கள்.

    எதிர்காலத்தில் அதிக அளவு பகல்-இரவு டெஸ்டில் விளையாட திட்டமிடப்பட்டுள்ளது. இதன்மூலம் ரசிகர்கள் அதிக அளவில் இந்த போட்டியை பார்ப்பார்கள்.

    இவ்வாறு கங்குலி கூறினார்.
     
  10. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    பஜ்ரங் புனியா - சங்கீதா போகட் நிச்சயதார்த்தம்: ஒலிம்பிக்குக்கு பிறகு திருமணம்


    சோனிபட்:

    இந்தியாவின் முன்னணி மல்யுத்த வீரர்களில் ஒருவர் பஜ்ரங் புனியா. ஆசிய மற்றும் காமன்வெல்த் விளையாட்டு போட்டிகளில் தங்க பதக்கம் வென்ற இவர் டோக்கியோ ஒலிம்பிக்கில் பதக்கம் வெல்வதை இலக்காக கொண்டுள்ளார்.


    அரியானாவை சேர்ந்த பஜ்ரங் புனியா, சக மல்யுத்த வீராங்கனையான சங்கீதா போகட்டை கடந்த சில ஆண்டுகளாக காதலித்து வந்தார். இவர்களது காதல் விவகாரம் இரு வீட்டாரின் பெற்றோருக்கு தெரிய வந்தது. இதைத்தொடர்ந்து இருவரது குடும்பத்தினரும் திருமணத்துக்கு சம்மதித்தனர்.

    இந்த நிலையில் பஜ்ரங் புனியா-சங்கீதா போகட் திருமண நிச்சயதார்த்தம் அரியான மாநிலம் சோனிபட்டில் உள்ள பஜ்ரங் புனியா வீட்டில் நடந்தது. இதில் நெருங்கிய உறவினர்கள் மட்டுமே கலந்து கொண்டனர்.

    டோக்கியோவில் அடுத்த ஆண்டு நடைபெறும் ஒலிம்பிக் போட்டிக்கு பிறகு பஜ்ரங் புனியா- சங்கீதா போகட் திருமணம் நடைபெறுகிறது.

    சங்கீதா பிரபல முன்னாள் மல்யுத்த வீரர் மகாவீர் போகட்டின் மகள் ஆவார். மகாவீரின் வாழ்க்கையை மையப்படுத்திதான் பாலிவுட் நடிகர் அமீர்கான் நடித்த ‘தங்கல்’ படம் உருவாக்கப்பட்டது. சங்கீதாவின் சகோதரி கீதாவும் மல்யுத்த வீரர் ஆவார்.

    இந்த திருமண நிச்சயதார்த்தம் குறித்து சங்கீதாவின் தந்தையான மகாவீர் கூறும்போது, “எனது மகள்கள் தங்களது வாழ்க்கை துணையை தேர்வு செய்திருப்பதை நான் தடுக்கவில்லை. அவர்கள் விருப்பபடி வாழ சம்மதித்தேன்” என்றார்.
     

Share This Page