Todays news in tamilnadu 23.3.2020

Discussion in 'Memes and Funny Videos - Daily Updates' started by NATHIYAMOHANRAJA, Mar 23, 2020.

  1. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா இருக்குமோ? மூலிகையை சாப்பிட்டவர்களுக்கு நேர்ந்த கதி!

    மதுரையில் கொரோனா இருப்பதாக சந்தேகித்து மூலிகை மருந்து சாப்பிட்ட குடும்பம் ஆபத்தான நிலையில் மருத்துவமனையில் அனுமதிக்கப்பட்டுள்ளனர்.

    உலகம் முழுவதும் கொரோனா வைரஸால் பல்லாயிரக்கணக்கான மக்கள் உயிரிழந்துள்ளனர். லட்சக்கணக்கானோர் பாதிகப்பட்டுள்ளனர். பல்வேறு நாடுகளும் இந்த வைரஸை குணப்படுத்த மருந்து தயாரிக்கும் பணியில் தீவிரமாக ஈடுபட்டுள்ளன.

    இந்தியாவில் கொரோனா பாதிப்பு தீவிரமடைய தொடங்கியுள்ள நிலையில் கொரோனா குறித்த வீண் வதந்திகளும், போலி மருந்துகளும் தொடர்ந்து மக்களிடையே பரப்பப்பட்டு வருகின்றன.

    மதிரை உசிலம்பட்டி அருகே கொரோனா சந்தேகத்தின் பேரில் மூலிகை மருந்தை உட்கொண்ட தாய் மற்றும் மகன்கள் ஆகிய 3 பேர் வாந்தியெடுத்து மயக்கமடைந்துள்ளனர். இதனால் உடனடியாக அருகில் உள்ள உசிலம்பட்டி அரசு மருத்துவமனையில் அனுமதிக்கப்பட்ட அவர்களுக்கு தீவிர சிகிச்சை அளிக்கப்பட்டு வருகிறது.

    கொரோனா இருப்பதாக சந்தேகம் ஏற்பட்டால் அரசு மருத்துவமனைகளை அணுகலாம். அதை தவிர்த்து இதுபோன்று சுயமாக மருந்து எடுத்து கொள்வது ஆபத்தை ஏற்படுத்தும் என மருத்துவ நிபுணர்கள் தெரிவித்துள்ளனர்.
     
  2. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    மருத்துவர்கள் மற்றும் செவிலியர்களுக்கு சுழற்சி முறையில் விடுப்பு… ஆனால் ?

    கொரோனா பீதியை அடுத்து மருத்துவமனைகளில் விடுப்பின்றி பணியாற்றி வரும் மருத்துவப் பணியாளர்களுக்கு ஒருவாரம் சுழற்சி முறையில் விடுப்பு அளிக்கப்படும் எனத் தெரிவிக்கப்பட்டுள்ளது.

    கொரோனா வைரஸால் விடுப்பின்றி வேலை செய்து வரும் அரசு மருத்துவர்கள், செவிலியர்கள் மற்றும் மருத்துவப் பணியாளர்களுக்கு தனிமைப்படுத்திக் கொள்ள ஒரு வாரம் சுழற்சி முறையில் விடுப்பு அளிக்கப்படும் என தமிழ்நாடு சுகாதாரத்துறை தெரிவித்துள்ளது.

    இதுபற்றி தமிழக சுகாதாரத் துறை மருத்துவக் கல்லூரி இயக்குநர் நாராயண பாபு நேற்று வெளியிட்ட அறிவிப்பில் ’ அரசு மருத்துவக் கல்லூரி மருத்துவமனை மற்றும் அரசு மருத்துவமனைகளில் பணி செய்யும் மருத்துவர்கள், செவிலியர்கள் உள்ளிட்ட அனைத்து மருத்துவப் பணியாளர்களும், தங்களை தனிமைப்படுத்திக் கொள்ள மார்ச் 24ஆம் தேதி முதல் சுழற்சி முறையில், மூன்றில் ஒரு பகுதியினர் விடுப்பு எடுத்துக்கொள்ள உத்தரவிடப்பட்டுள்ளது. விடுப்பு எடுத்த மருத்துவர்களின் விவரங்களை உடனடியாக டிஎம்எஸ் அலுவலகத்துக்கு அனுப்பி வைக்க வேண்டும் என்றும் மருத்துவமனைகளுக்கு அறிவுறுத்தப்பட்டுள்ளது.

    மேலும், இந்த ஒரு வார விடுப்பில் தனிமையில் இருக்கும் மருத்துவ ஊழியர்கள் மருத்துவமனை டீன் கொடுக்கும் திட்டமிடலை பின்பற்ற வேண்டும்.விடுப்பில் இருக்கும் மருத்துவர்கள் எந்த நேரத்திலும் பணிக்கு வரத் தயாராக இருக்க வேண்டும். அவர்களின் செல்போன் எப்பொழுதும் பயன்பாட்டிலேயே இருக்க வேண்டும். இந்த ஒரு வாரக் காலத்தில் விடுப்பில் உள்ளவர்கள் தனியார் மருத்துவமனைகளுக்கு பணிக்குச் செல்லக் கூடாது.
    இந்த ஒரு வாரக் காலம் ஆன் டியூட்டியாகவே கருதப்படும் என்று ஒருவார சுழற்சி முறை தனிமைப்படுத்துதல் முடிந்தவுடனேயே பணிக்குத் திரும்ப வேண்டும். அவ்வாறு திரும்பாவிட்டால் ஆன் ட்யூட்டி ரத்து செய்யப்படும்” என்று தெரிவிக்கப்பட்டுள்ளது.இந்த ஒருவாரம் விடுப்பு குறித்து சென்னை கீழ்ப்பாக்கம் மருத்துவக் கல்லூரி மருத்துவமனையில் பணிபுரியும் செவிலியர்கள் கூறுகையில், “செவிலியர்களுக்கு மாதம் ஒரு சி எல், ஐந்து நாட்கள் வார விடுமுறை என மொத்தம் ஆறு நாட்கள் விடுமுறை கிடைக்கும். அந்த விடுப்பை தற்போது மொத்தமாகக் கொடுக்கிறார்களா சிறப்பு விடுப்பு கொடுக்கிறார்களா என்பது தெரியவில்லை’ எனத் தெரிவிக்கப்பட்டுள்ளது.
     
  3. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    அரசியலிலும் டெலிட் ஆப்ஷன் இருந்தால்.. ரஜினியை வம்பிழுக்கும் திமுக!

    ரஜினிகாந்த் கொரோனா குறித்து வெளியிட்ட வீடியோவை நீக்கியது குறித்து திமுக எம்பி ரவிக்குமார் கிண்டலாக பேசியுள்ளார்.


    ரஜினிகாந்த் கொரோனா விழிப்புணர்வு குறித்தும், சுய ஊரடங்கிற்கு ஆதரவு கொடுப்பது குறித்தும் ஒரு வீடியோவை தனது டிவிட்டர் பக்கத்தில் பதிவு செய்திருந்தார். இந்த வீடியோ சமூக வலைத்தளங்களில் மிகப்பெரிய அளவில் வைரலானது.

    ஆனால் இந்த வீடியோவை திடீரென டுவிட்டர் இந்தியா நீக்கிவிட்டது. இதனைத்தொடர்ந்து தன்னுடைய வீடியோவை டுவிட்டர் இந்தியா நீக்கிய நிலையில் இதுகுறித்து ரஜினிகாந்த் விளக்கம் அளித்து ஒரு பதிவை போட்டார்.

    அதில், பதிவு செய்த காணொளியில் 12 முதல் 14 மணி நேரம் மக்கள் வெளியில் நடமாடமல் இருந்தாலே கொரோனா வைரஸ் பரவுவது தடைபட்டு, சூழல் மூன்றாம் நிலைக்கு செல்வதை தவிர்க்கலாம் என்று நான் கூறியிருந்தால், அது இன்று மட்டும் அப்படி இருந்தாலே போதும் என்று தவறாக புரிந்து கொள்ளப்பட்டு அதிகம் பகிரப்பட்டது. இதனால் டுவிட்டர் நிர்வாகம் அதை நீக்கி உள்ளது என விளக்கியிருந்தார்.

    இருப்பினும் இது கிண்டலுக்கு உள்ளாகியது. அந்த வகையில் இது குறித்து திமுகவை சேர்ந்த விழுப்புரம் எம்பி ரவிக்குமார், கொரொனா குறித்து தவறான தகவலைத் தருவதாகக் கூறி திரு ரஜினிகாந்த் ட்வீட் ஒன்றை ட்விட்டர் நிறுவனம் அகற்றியுள்ளது. அரசியல் தளத்திலும் அப்படி வசதி இருந்தால் அவரது பல கருத்துகள் பலவற்றுக்கும் அதுதான் நேர்ந்திருக்கும் என கிண்டலடித்துள்ளார்.
     
  4. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    4 ஆயிரம் மருத்துவர்கள் கொண்ட அவசர படை – தயாராகும் தமிழகம்!

    கொரோனா முன்னெச்சரிக்கை நடவடிக்கையாக 4 ஆயிரம் மருத்துவ பணியாளர்கள் கொண்ட அவசர படையை சுகாதாரத் துறை உருவாக்கியுள்ளதாக செய்திகள் வெளியாகியுள்ளது.


    நாடு முழுவதும் தீவிரமடைந்து வரும் கொரோனா வைரஸை கட்டுப்படுத்த மாநில அரசுகள் பல்வேறு முயற்சிகளை மேற்கொண்டு வருகின்றனர். கொரோனா வைரஸை பொருத்தவரையில் அது சிகிச்சை அளிக்கும் மருத்துவருக்கும் பரவும் சாத்திய கூறுகள் அதிகமுள்ளது.

    கேரளாவில் உள்ள மருத்துவமனை ஒன்றில் அனைத்து மருத்துவர்கள் மற்றும் செவிலியர்களுக்கும் கொரோனா பரவியதால் மருத்துவமனையை இழுத்து மூடும் நிலை ஏற்பட்டுள்ளது. இதை கருத்தில் கொண்ட தமிழக அரசு 4 ஆயிரம் மருத்துவ பணியாளர்களை வீட்டில் சுயமாக தனிமைப்படுத்திக் கொண்டு இருக்க அறிவுறுத்தியுள்ளது. பணியில் உள்ள மருத்துவர்களுக்கு தொற்று ஏற்படும் நிலையில் அவசர படை மருத்துவர்கள் மக்களுக்கு சிகிச்சையை அளிப்பார்கள் என்று கூறப்படுகிறது.

    தடையில்லாமல் மக்களுக்கு சிகிச்சை தொடர வேண்டும் என்ற நோக்கத்தில் இந்த அவசர படை ஏற்படுத்தப்பட்டிருப்பதாக கூறப்படுகிறது.
     
  5. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    தங்கம் என்ன விலைக்கு வித்தா நமக்கென்ன? நகைக்கடைகள் மூடல்!

    கொரோனா முன்னெச்சரிக்கை நடவடிக்கையாக தமிழகம் முழுவதும் நகைக் கடைகள் மூடப்படுவதாகஅறிவிக்கப்பட்டுள்ளது.

    கொரோனா வைரஸுக்கு எதிராக எடுக்கப்பட்டு வரும் நடவடிக்கைகளில் மார்ச் 31 வரை பல்வேறு மாநிலங்களில் ஊரடங்கு உத்தரவு பிறப்பிக்கப்பட்டுள்ளது.

    பள்ளி, கல்லூரிகள், திரையரங்குகள், மால்கள் உள்பட பல முக்கியமான மக்கள் கூடும் இடங்கள் அடைக்கப்பட்டுள்ள நிலையில் அடுத்த அதிரடியாக மார்ச் 31 வரை தினமும் 4 மணி நேரத்துக்கு மட்டுமே வங்கிகள் இயங்கும் என அறிவிக்கப்பட்டுள்ளது.

    இதோடு, கொரோனா முன்னெச்சரிக்கை நடவடிக்கையாக தமிழகம் முழுவதும் வரும் 31 ஆம் தேதி வரை நகைக் கடைகள் மூடப்படும் என நகை வணிகர் சங்க தலைவர் ஜெயந்த்லால் சலானி தெரிவித்துள்ளார்.

    தங்கம் விற்கும் விலை மக்கள் வேதனை அடைந்தவந்த நிலையில் தற்போது மார்ச் 31 ஆம் தேதி வரை தங்கம் விலையை பார்த்து டென்ஷன் ஆகாமல் இருக்கலாம்.
     
  6. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    உத்தரவிட்ட ஆட்சியர்; முடங்கியது காஞ்சிபுரம்! – கொரோனா நடவடிக்கை!

    மத்திய அரசால் தனிமைப்படுத்த பரிந்துரைக்கப்பட்ட மாவட்டங்களில் ஒன்றான காஞ்சிபுரத்தில் திடீரென கடைகளை மூட உத்தரவிடப்பட்டுள்ளது.


    இந்தியாவில் கொரோனா அச்சுறுத்தல் உள்ளதாக மத்திய அரசு பட்டியலிட்டுள்ள 80 மாவட்டங்களில் தமிழ்நாட்டின் சென்னை, காஞ்சிபுரம் மற்றும் ஈரோடு ஆகிய மாவட்டங்கள் உள்ளன. இந்த மூன்று மாவட்டங்களையும் தனிமைப்படுத்த சொல்லி மத்திய அரசு தமிழக அரசை அறிவுறுத்திய நிலையில் முதல்வர் பழனிசாமி தலைமையில் மூன்று மாவட்ட கலெக்டர்களின் ஆலோசனை கூட்டம் நடைபெற்றது.

    அதை தொடர்ந்து காஞ்சிபுர மாவட்ட ஆட்சியர் பொன்னையா காஞ்சிபுரத்தில் உள்ள கடைகளை மூட உத்தரவிட்டுள்ளார். அத்தியாவசிய கடைகளான சிறு மளிகை கடைகள், காய்கறி கடைகள் மற்றும் மருந்து கடைகள் மட்டும் செயல்பட அனுமதிக்கப்பட்டுள்ளது.

    இவைதவிர பெரிய ஷாப்பிங் கடைகள், உணவகங்கள், நகைக்கடைகள், குளிரூட்டப்பட்ட அறைகளை உடைய கடைகள், துணிக்கடைகள் ஆகியவற்றை மூட உத்தரவிடப்பட்டுள்ளது. மார்ச் 31 வரை இந்த ஆணை அமலில் இருக்கும் என தெரிவிக்கப்பட்டுள்ளது.

    பிரதமர் மோடியின் அதிருப்தியை தொடர்ந்து ஊரடங்கை மாநில அரசுகள் கடுமையாக பின்பற்ற அறிவுறுத்தப்பட்டுள்ள நிலையில் அரசு காஞ்சிபுரத்தை முடக்கியுள்ளது குறிப்பிடத்தக்கது.
     
  7. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    பதவியை பிடுங்கிய தலைமை: ராஜேந்திர பாலாஜி நிலை என்ன?

    அமைச்சர் ராஜேந்திர பாலாஜி வகித்து வந்த முக்கிய பதவியில் இருந்து அவர் நீக்கப்பட்டுள்ளதாக அதிமுக தலைமை அறிவிப்பை வெளியிட்டுள்ளது.


    முன்னாள் முதலமைச்சர் ஜெயலகிதா இறந்த பின்னர் அதிமுக அமைசர்கள் பலர் ஊடங்களில் தலைகாட்ட துவங்கினர். அப்படி, அடிக்கடி தோன்றுபவரில் ஒருவராக இருந்தவர் அமைச்சர் ராஜேந்திர பாலாஜி. இவர் சமீப காலமாக சர்ச்சைக்குள்ளான பேச்சுக்களை பேசி வருகிறார்.

    இந்நிலையில், விருதுநகர் மாவட்ட செயலாளர் பதவியில் இருந்து ராஜேந்திர பாலாஜி விடுவிக்கப்பட்டுள்ளதாக முதல்வர் எடப்பாடி பழனிசாமி மற்றும் துணை முதல்வர் ஓ.பன்னிர் செல்வம் கூட்டாக அறிவித்துள்ளனர்.

    இந்த திடீர் முடிவிற்கான காரணம் என்னவென தெரிவிக்கப்படாத நிலையில் இப்படி செய்திருப்பது அதிமுகவிற்குள் சலசலப்பை ஏற்படுத்தியுள்ளது.
     
  8. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    கொரோனா பாதிப்பு: சட்டமன்ற கூட்டத்தை புறக்கணிக்க திமுக முடிவு

    சட்டமன்ற கூட்டத்தை புறக்கணிக்க திமுக முடிவு
    கொரோனா பாதிப்பு காரணமாக வரும் 31ம் தேதி வரை சட்டசபை கூட்டத் தொடரை புறக்கணிக்க திமுக முடிவு செய்துள்ளதாக திமுக கொறடா சக்கரபாணி அறிவித்துள்ளார். மேலும் திமுகவை தொடர்ந்து அதன் கூட்டணி கட்சிகளான காங்கிரஸ், இந்திய முஸ்லிம் லீக் ஆகிய கட்சிகளும் நடப்பு சட்டப்பேரவை கூட்டத்தொடரை புறக்கணிப்பதாக அறிவித்துள்ளன.

    எதிர்க்கட்சித் தலைவர் என்ற முறையில் சட்டமன்ற கூட்டத்தொடரை ஒத்திவைக்க வேண்டும் என்ற எனது கோரிக்கையை ஏற்காமல், தனிமைப்படுத்திக் கொள்வோம் என்ற விழிப்புணர்வு பிரச்சாரத்திற்கு எதிராகவே கூட்டத்தொடர் நடைபெறுகிறது என திமுக தலைவர் முக ஸ்டாலின் அவர்கள் இன்று தெரிவித்துள்ளார்.

    திமுக, காங்கிரஸ் போன்ற கட்சிகள் சட்டமன்ற கூட்டத்தொடரை புறக்கணிப்பதாக கூறியபோதிலும், சட்டமன்ற கூட்டத்தொடரை திட்டமிட்ட தினத்திற்கு முன்னதாக முடித்து கொள்ளும் அறிவிப்பு எதுவும் இப்போது வரை வெளிவரவில்லை என்பது குறிப்பிடத்தக்கது
     
  9. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    ஒருநாள் கேப்பில் இருமடங்கு விலை எகிறிய காய்கறிகள் – அதிர்ச்சியில் வியாபாரிகள்

    நேற்று நாடு முழுவதும் ஊரடங்கு செயல்படுத்தப்பட்ட நிலையில் இன்று காய்கறிகள் விலை அதிகரித்துள்ளது அதிர்ச்சியை ஏற்படுத்தியுள்ளது.


    கொரோனா முன்னெச்சரிக்கை நடவடிக்கையாக பிரதமரின் வேண்டுகோளை ஏற்று நேற்று நாடு முழுவதும் மக்கள் ஊரடங்கு செயல்படுத்தப்பட்டது. சென்னையில் கோயம்பேடு மார்க்கெட் உள்ளிட்ட முக்கியமான மார்க்கெட்டுகளும் மூடப்பட்டன.

    இன்று காலை 5 மணி வரை நீடிக்கப்பட்ட ஊரடங்கு முடிந்த நிலையில் கோயம்பேடு மார்க்கெட் வழக்கம் போல செயல்பட தொடங்கியது. ஒருநாள் முழுவதும் ஊரடங்கு செயல்படுத்தப்பட்டதால் சந்தைக்கு வரும் காய்கறி லாரிகளின் வரத்து குறைந்துள்ளது. இதனால் காய்கறிகளும் நேற்று முந்தைய தின விலையை விட இருமடங்கு அதிகரித்துள்ளது.

    தக்காளி கிலோ ரூ.20க்கு விற்பனையாகி வந்த நிலையில் தற்போது ரூ.40க்கும், கிலோ ரூ.30க்கு விற்பனையாகி வந்த உருளை கிழங்கு ரூ.40க்கும் விற்பனையாகி வருகிறது. மேலும் அவரைக்காய், காரட், முருங்கைக்காய் உள்ளிட்டவையும் விலையேற்றம் கண்டுள்ளதாக சில்லறை வியாபாரிகள் வருத்தம் தெரிவித்துள்ளனர். வெங்காயம் விலையில் பெரிய மாற்றங்கள் ஏதுமின்றி விற்பனையாகி வருகிறது.

    நாளை வழக்கம்போல காய்கறி வரத்து அதிகரிக்க தொடங்கினால் விலை குறைய தொடங்கும் என கோயம்பேடு காய்கறி வியாபாரிகள் சிலர் தெரிவித்துள்ளனர்.
     
  10. NATHIYAMOHANRAJA

    NATHIYAMOHANRAJA Well-Known Member

    Joined:
    Jul 27, 2018
    Messages:
    8,130
    Likes Received:
    525
    Trophy Points:
    113
    Gender:
    Female
    Occupation:
    HOME MAKER
    Location:
    CHENNAI
    நடந்து வந்தாலும் அனுமதி இல்லை: கேரள எல்லையில் பதட்ட

    நடந்து வந்தாலும் அனுமதி இல்லை
    கொரோனா வைரஸ் அச்சுறுத்தல் காரணமாக தமிழகத்தில் உள்ள எல்லைகள் அனைத்தும் மூடப்பட்டது என்பது தெரிந்ததே. குறிப்பாக கேரளா, கர்நாடகா மற்றும் ஆந்திர மாநிலத்தில் உள்ள எல்லைகள் அதிரடியாக மூடப்பட்டன. அங்கு செக் போஸ்ட்கள் அமைக்கப்பட்டு தீவிர கண்காணிப்பு பணியில் காவலர்கள் உள்ளனர்

    இந்த நிலையில் கேரள மாநிலத்தில் இருந்து வரும் பேருந்துகள் கேரள எல்லைகளில் நிறுத்தப்பட்டு திருப்பி அனுப்பப்பட்டு வருகின்றன. இதனை அடுத்து ஒரு சிலர் கேரளா எல்லையில் பேருந்திலிருந்து இறங்கி நடந்து தமிழக எல்லையை கடக்க முயன்றனர். அவ்வாறு வருபவர்களுக்கும் தமிழக எல்லையில் அனுமதி இல்லை என்று மறுக்கப்படுவதால் காவலர்களுக்கும் பயணிகளுக்கும் இடையே கடும் வாக்குவாதம் நடந்து வருகின்றன


    கொரோனா சோதனையை தங்களுக்கு நடத்திவிட்டு தமிழகத்துக்குள் அனுமதிக்குமாறும், தாங்கள் தமிழகத்தைச் சேர்ந்தவர்கள் தான் என்று கூறியும் காவலர்கள் எல்லையில் யாரையும் அனுமதிக்காமல் இருப்பது பெரும் பரபரப்பை ஏற்படுத்தியுள்ளது

    கொரோனா வைரஸ் காரணமாக எல்லைகள் மூடப்படும் என்று அறிவித்து இருந்தும் அப்போதே தமிழகத்திற்குள் வராமல் இருப்பது அவர்களுடைய குற்றம்தான் என்று காவலர் தரப்பில் தெரிவிக்கப்படுகிறது. இதனால் தமிழகத்தை சேர்ந்தவர்களே தமிழகத்திற்குள் வர முடியாமல் இருக்கும் நிலை இருப்பதாக கூறப்படுகிறது.
     

Share This Page